نئی دہلی، 13فروری /کیپٹن ایچ اے ہرداس کی کمانڈ میں  ہندستانی بحریہ کا  سندہائیک  کلاس ہائیڈرو گرافک  سروے جہاز  آئی این ایس جمنا  (جے 16) 6 فروری 2020 کو  کولمبو سری لنکا پہنچا۔   اس جہاز کو    سری لنکا کے    جنوب  مغرب ساحل سے دور   مشترکہ ہائیڈو گرافک سروے  کرنے کے لئے    ایک باہمی معاہدے کی بنیاد پر سری لنکا میں تعینات کیا گیا ہے۔ 

کمانڈنگ آفیسر نے    سری لنکا  بحریہ کے چیف  ہائیڈرو گرافر ریئر ایڈمرل   سیسیرا   جیا کوڈی  اور مغربی بحری  علاقے کے کمانڈر    ریئر ایڈمرل   ایس اے ویرا سنگھے سے ملاقات کی۔ 

دو ماہ کی  تعیناتی کی مدت کے دوران یہ جہاز    مفصل ہائیڈرو گرافک سروے   اور  کئی   ساحل پر مبنی  سروے سرگرمیاں انجام دے گا۔ مشرکہ سروے  کے دوران  سری لنکا کی بحریہ کے اہلکار  اس جہاز پر  آئیں گے  ۔  اس کے علاوہ   سری لنکا کی بحریہ کے اہلکاروں کو    بندرگاہ پر   ہر ایک  کام کاجی دورے کے دوران    عملی   سروے تربیت بھی فراہم کرائی جائے گی۔  

سمندر میں   سروے آپریشنز  سےقبل    کولمبو بندرگاہ میں جہاز کے قیام کے دوران  متعدد  ساحل پر مبنی  سروے    سرگرمیاں چلائی جائیں گی جن میں      سری لنکا کے اہلکاروں کو   جہاز پر موجود   افسروں سےمتعارف کرانا    ، جہاز کی صلاحیتوں  کے بارے میں بریفنگ   اور  ایس ایل این سیلرز کے لئے   بندرگاہ کا ایک تربیتی پروگرام شامل ہے۔  آئی این ایس جمنا پر  سری لنکا بحریہ کے چیف ہائیڈروگرافر  ریئر ایڈمرل سیسیرا جیا کوڈی  سری لنکا کے   ہائیڈروگرافک محکمے  کے افسروں  اور  جہاز پر موجود ہندستانی افسروں    کی ایک میٹنگ کا انعقاد بھی کیا گیا۔

۔۔۔۔۔۔۔۔۔۔۔

 

 م ن۔ ا گ  ۔ ج۔

U- 749

(रिलीज़ आईडी: 1603139) आगंतुक पटल : 87