نئی دہلی، 28 جنوری / حکومت ہند  نے  ( i ) 2000 کروڑ روپئے ( برائے نام ) کی نوٹیفائیڈ رقم کے لئے   قیمتوں پر مبنی نیلامی کے توسط سے  6.17 فی صد کے سرکاری اسٹاک 2021 ء  کی فروخت اسی طرح  ،  ( ii ) 2000  کروڑ روپئے کے  ( برائے نام ) کی نوٹیفائیڈ رقم کے لئے  7.27 فی صد کے سرکاری اسٹاک  2026 کی فروخت  ، اسی طرح  ( iii ) 5000  کروڑ روپئے کے  ( برائے نام ) کی نوٹیفائیڈ رقم کے لئے  6.45   فی صد کے سرکاری اسٹاک  2029  کی فروخت ، اسی طرح  ،  ( iv ) 1000  کروڑ روپئے کے  ( برائے نام ) کی نوٹیفائیڈ رقم کے لئے  7.62  فی صد کے سرکاری اسٹاک  2039   کی فروخت ، اسی طرح ( v ) 4000 کروڑ روپئے   کے  ( برائے نام ) کی نوٹیفائیڈ رقم کے لئے  7.63  فی صد کے سرکاری اسٹاک   2059   کی فروخت  کا اعلان نیلامی پر مبنی فروخت کے طریقے سے کیا ہے ۔  یہ نیلامی ملٹیپل پرائس میتھڈ یعنی کئی طرح کی قیمتوں کے طریقۂ کار پر ہو گی ۔  14000 کروڑ روپئے کی حدود کے ساتھ ، جو مجموعی نوٹیفائی رقم بنتی ہے ، حکومتِ ہند کے پاس یہ متبادل ہو گا کہ وہ 1000 کروڑ روپئے  تک کے اضافی  شرح تعاون کو  کسی ایک یا مذکورہ تمسکات میں سے ایک سے زائد کے لئے اپنے پاس روک سکتی ہے ۔ نیلامی کا عمل ریزرو بینک آف انڈیا ، ممبئی آفس ، فورٹ ، ممبئی کے ذریعے  31 جنوری ، 2020 ء (  بروز جمعہ )  کیا جائے گا ۔

          اسٹاک کی سیل کے تحت نوٹیفائیڈ رقم  کا 5 فی صد  حصہ مستحق افراد اور اداروں کو غیر مقابلہ جاتی بنیادوں کی سہولت کی اسکیم کے تحت سرکاری تمسکات نیلامی کے قواعد کے تحت کیا جائے گا ۔

          دونوں یعنی مقابلہ جاتی اور غیر مقابلہ جاتی بولیوں کو الیکٹرانک فارمیٹ میں 31 جنوری ، 2020 ء کو ریزرو  بینک  آف انڈیا کور بینکنگ سولیوشن ( ای ۔ ُکبیر ) کے طریقے سے داخل کی جانی ہیں ۔ غیر مقابلہ جاتی  بولیوں کو صبح 11.30 بجے سے لے کر 12.00  بجے کے درمیان داخل کیا جانا چاہیئے اور مقابلہ جاتی بولیوں کو  صبح  11.30  بجے سے لے کر دوپہر 12.30  کے درمیان تک داخل کیا جانا لازم ہے ۔

          نیلامی کے نتائج کا اعلان 31 جنوری ، 2020  ء  ( بروز جمعہ ) کو کیا جائے گا اور کامیاب طور سے بولی لگانے والے افراد کو 3 فروری ، 2020 ء ( بروز پیر ) ادائیگی کر دینی لازمی ہو گی ۔

          مذکورہ اسٹاک ’ مرکزی حکومت کے تمسکات سے متعلق سودوں کے قواعد اور رہنما خطوط کے تحت ‘ ’’ جب جاری کئے گئے ‘‘ کی سہولت سے آراستہ ہوں گے ۔ اس سلسلے میں ریزرو بینک آف انڈیا نے اپنے سرکولر نمبر آر بی آئی / 19-2018 / 25  مورخہ 24 جولائی ، 2018 ء میں ضروری تفصیلات فراہم کی ہوئی ہیں ، جن میں وقتاً فوقتاً  ترمیم  ہوتی رہتی ہے ۔

***********

U. No. 390

(Release ID: 1600820)