جموں وکشمیر ہائی کورٹ کی چیف جسٹس محترمہ گیتا متل نے  ایک سادہ لیکن تاریخی تقریب میں جناب رادھا کرشن ماتھر کو مرکز کے زیرانتظام علاقے لداخ کے پہلے لیفٹیننٹ گورنر کے عہدے کا حلف دلایا۔

جناب ماتھر نے اپنی حلف برداری کے بعد کہا کہ سرحدی علاقوں میں متعدد ترقیاتی منصوبوں پر عمل آوری کی جائے گی۔ حکومت ہند  لداخ کےعلاقے کے لیے متعدد ترقیاتی منصوبوں پر پہلے سے ہی عمل آوری کررہی ہے۔ عوام اور ہل کونسل کے مشورے سے اس نئے علاقے کی ترجیحات کا تعین کیا جائے گا۔  انہوں نے مزید کہا کہ پسماندہ علاقوں میں تریپورہ کے چیف سکریٹری اور سکریٹری دفاع کے عہدوں کے تجربات ان کے لیے مفید مطلب ثابت ہوں گے۔

جناب ماتھر کو حلف برداری کے بعد لداخ پولیس نے ایک شاندار گارڈ آف آنر پیش کیا۔ حلف برداری کی اس تقریب  میں لیہہ اور کرگل ہل کونسل کے افسران، فوج اور نیم فوجی دستوں کے افسران ، لداخ کے مذہبی رہنماؤں اور عوام الناس نے شرکت کی۔

 

۔۔۔۔۔۔۔۔۔۔۔

 م ن ۔س ش۔ ت ع۔

U-4850

(Release ID: 1589728)