نئی  دہلی  15 اکتوبر   ۔2021 کی بھارت کی مردم شماری کے لئے قومی تربیت کاروں  کے پہلے بیچ کی تربیت  آج گریٹر نوئیڈا کی  نیشنل اسٹیٹسکل   سسٹم  ٹریننگ اکاڈمی  (این ایس ایس ٹی اے ) میں شروع ہوئی ۔ ایڈیشنل آر جی آئی جناب سنجے نے تربیتی اجلاس کا افتتاح کیا۔ تربیت کا یہ کام 14 اکتوبر 2019سے 25 اکتوبر 2019 تک انجام دیا جائے گا۔ بھارت کے رجسٹرار جنرل اور سینسس کمشنر جناب وویک جوشی   تربیت کے دوران  اس میںشرکت کرنے والوں سے خطاب کریں گے اور بات چیت کریں گے ۔

          بھارت کی مردم شماری سماج کے ہرطبقے سے  معلومات فراہم کرنے کا بنیادی ذریعہ  ہے ۔ 2021 میں  ہونے والی مردم شماری بھارت کی  16ویں  مردم شماری ہوگی۔مردم شماری کے کام کو کامیابی کے ساتھ  انجام دینے کے لئے اور 2021  کی مردم شماری کا کام بلارکاوٹ  کرنے کو یقینی بنانے کے لئے تربیت  کا کام بہت اہمیت کا حامل ہے۔

          اعلیٰ ترین  سطح  پر 100 قومی تربیت کار ہوں گے ۔ قومی تربیت کاروں کی تربیت کا کا م اکتوبر 2019  کے تیسرے سے پانچویں  ہفتے تک پورا  کیا جائے گا۔ جن مقامات پر یہ تربیت ہوگی ، وہ ہیں گریٹر نوئیڈا میں( این ایس ایس ٹی اے  اور دہلی میں  آئی ایس ٹی ایم  ) ۔قومی تربیت کاروں کو  مردم شمار ی اور تربیتی ترقیاتی  صلاحیت (ٹی ڈی ایس )  کے بارے میں  تربیت دی جائے گی تاکہ وہ  اگلی سطح کے لوگوں  یعنی ماسٹر ٹرینرس کو   تربیت فراہم کرسکیں۔

          2021  کی مردم شماری ک لئے  تقریباََ 1800  ماسٹر ٹرینرس کو تعینات کیا جائے گا ، ج  فیلڈ ٹرینرس کو  تربیت دیں گے ۔ ان  ماسٹر ٹرینرس کی تربیت  نومبر –دسمبر 2019  میں  پورے ہندوستان کے 20  اے ٹی آئز میں   ہوگی ، جو  بعد میں فیلڈ ٹرینرس کو تربیت دیں گے ۔

          فیلڈ میں کام کرنے والے افرا  یعنی  مردم شماری کی معلومات اکٹھی کرنے والوں اور ان سپروائزروں کو تربیت فراہم کرنے کے لئے تقریباََ  44  ہزار  فیلڈ ٹرینرس کو تربیت فراہم کی جائے گی۔ ان فیلڈ  ٹرینرس کی تربیت کا کام  جنوری فروری  2020  میں ضلع سطح پر انجام دیا جائے گا۔  نتیجے میں یہ لوگ  مارچ سے جون 2020 تک کے عرصے میں  ذیلی ضلع کی سطح پر مردم شماری کی معلومات اکٹھی کرنے والوں اور ان کے                                                                                                                                                                                                                                                                                                                        سپر وائزروں  کو ، جن کی تعداد تقریباََ  30 لاکھ ہوگی ، مزید  تربیت فراہم کریں گے ۔مردم شماری سے متعلق معلومات  اکٹھے کرنے والے اور ان کے سپروائزر  مقررہ جگہوں  پر  گھر گھر جاکر  معلومات اکٹھی کریں گے ۔

۰۰۰۰۰۰۰۰۰۰۰۰۰۰۰۰۰۰۰۰۰

م ن ۔ ج                             ۔رم

U-4595

(Release ID: 1588119) Visitor Counter : 76