ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਹਿਊਸਟਨ, ਟੈਕਸਾਸ ਵਿੱਚ ਸ਼੍ਰੀ ਸਿੱਧੀ ਵਿਨਾਇਕ ਮੰਦਰ ਅਤੇ ਗੁਜਰਾਤੀ ਸਮਾਜ ਦੇ ਹਿਊਸਟਨ ਈਵੈਂਟ ਸੈਂਟਰ ਦਾ ਉਦਘਾਟਨ ਕੀਤਾ। ਉਹ ‘ਹਾਊਡੀ ਮੋਦੀ’ ਈਵੈਂਟ ਤੋਂ ਬਾਅਦ ਟੈਕਸਾਸ ਇੰਡੀਆ ਫੋਰਮ ਵੱਲੋਂ ਆਯੋਜਿਤ ਭਾਰਤੀ ਭਾਈਚਾਰੇ ਸਵਾਗਤ ਪ੍ਰੋਗਰਾਮ ਵਿੱਚ ਹਿੱਸਾ ਲੈ ਰਹੇ ਸਨ।

ਪ੍ਰਧਾਨ ਮੰਤਰੀ ਨੇ ਹਿਊਸਟਨ ਵਿੱਚ ਇਟਰਨਲ ਗਾਂਧੀ ਮਿਊਜ਼ੀਅਮ ਦੇ ਗਰਾਊਂਡ ਬਰੇਕਿੰਗ ਸਮਾਰੋਹ ‘ਤੇ ਪਲੇਕ ਤੋਂ ਪਰਦਾ ਹਟਾਇਆ।

ਉਦਘਾਟਨ ਤੋਂ ਬਾਅਦ ਇਕੱਠ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਨੇ ‘ਹਾਊਡੀ ਮੋਦੀ’ ਪ੍ਰੋਗਰਾਮ ਲਈ ਕਰਨ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ, ‘‘ਜਿੱਥੋਂ ਤੱਕ ਭਾਰਤ-ਅਮਰੀਕਾ ਸਬੰਧਾਂ ਦਾ ਪ੍ਰਸ਼ਨ ਹੈ ਤੁਸੀਂ ਗੌਰਵਸ਼ਾਲੀ ਭਵਿੱਖ ਦੇ ਲਈ ਇੱਕ ਮੰਚ ਤਿਆਰ ਕਰ ਦਿੱਤਾ ਹੈ। ਤੁਹਾਡਾ ਸਾਰਿਆਂ ਦਾ ਧੰਨਵਾਦ। ’’

ਇਟਰਨਲ ਗਾਂਧੀ ਮਿਊਜ਼ੀਅਮ ਘਰ ਸਬੰਧੀ ਬੋਲਦਿਆਂ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇਹ ਅਜਾਇਬ ਘਰ ਹਿਊਸਟਨ ਵਿਖੇ ਇੱਕ ਮਹੱਤਵਪੂਰਨ ਸੱਭਿਆਚਾਰਕ ਲੈਂਡਮਾਰਕ ਹੋਵੇਗਾ। ‘‘ਮੈਂ ਇਸ ਪ੍ਰਸਤਨ ਨਾਲ ਕੁਝ ਸਮੇਂ ਤੋਂ ਜੁੜਿਆ ਰਿਹਾ ਹਾਂ। ਇਹ ਯਕੀਨੀ ਤੌਰ ’ਤੇ ਮਹਾਤਮਾ ਗਾਂਧੀ ਦੇ ਵਿਚਾਰਾਂ  ਨੂੰ ਨੌਜਵਾਨਾਂ ਵਿੱਚ ਲੋਕ- ਪ੍ਰਿਅ ਬਣਾਏਗਾ।’’

ਪ੍ਰਧਾਨ ਮੰਤਰੀ ਨੇ ਭਾਰਤੀ ਭਾਈਚਾਰੇ ਨੂੰ ਅਪੀਲ ਕੀਤੀ ਕਿ ਉਹ ਹਰ ਸਾਲ ਘੱਟ ਤੋਂ ਘੱਟ ਪੰਜ ਪਰਿਵਾਰਾਂ ਨੂੰ ਸੈਲਾਨੀਆਂ ਵਜੋਂ  ਭਾਰਤ ਆਉਣ ਲਈ ਤਿਆਰ ਕਰਨ। ਉਨ੍ਹਾਂ ਨੇ ਭਾਰਤੀ-ਅਮਰੀਕੀ ਭਾਈਚਾਰੇ ਨੂੰ ਤਾਕੀਦ ਕੀਤੀ ਕਿ ਉਹ ਜਿੱਥੇ ਵੀ ਜਾਣ, ਆਪਣੀ ਮਾਂ ਬੋਲੀ ਨਾਲ ਹਮੇਸ਼ਾ ਜੁੜੇ ਰਹਿਣ।

****

ਵੀਆਰਆਰਕੇ/ਏਕੇ

(Release ID: 1586306) Visitor Counter : 96