ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਕੱਲ੍ਹ ਮਾਰੂਥਲੀਕਰਨ ਨਾਲ ਨਜਿੱਠਣ ਲਈ ਸੰਯੁਕਤ ਰਾਸ਼ਟਰ ਸੰਮੇਲਨ (ਯੂਐੱਨਸੀਡੀਡੀ)  ਦੀ 14ਵੀਂ ਕਾਨਫਰੰਸ ਆਵ੍ ਪਾਰਟੀਜ਼  ( ਸੀਓਪੀ14 ) ਦੇ ਉੱਚ ਪੱਧਰੀ ਸੈੱਗਮੈਂਟ (ਖੰਡ) ਨੂੰ ਸੰਬੋਧਨ ਕਰਨਗੇ ।  ਇਹ ਸੰਮੇਲਨ ਉੱਤਰ ਪ੍ਰਦੇਸ਼  ਦੇ ਗ੍ਰੇਟਰ ਨੌਇਡਾ ਵਿੱਚ ਹੋ ਰਿਹਾ ਹੈ ।

ਇਹ ਸੰਮੇਲਨ ਅਜਿਹੇ ਸਮੇਂ ਹੋ ਰਿਹਾ ਹੈ ਜਦੋਂ ਭਾਰਤ ਨੇ ਦੋ ਸਾਲ ਲਈ ਚੀਨ ਤੋਂ ਸੀਓਪੀ ਦੀ ਪ੍ਰੈਜ਼ੀਡੈਂਸੀ (ਪ੍ਰਧਾਨਗੀ) ਲੈ ਲਈ ਹੈ ।  ਇਹ ਵਾਤਾਵਰਣ,  ਵਿਸ਼ੇਸ਼ ਤੌਰ ‘ਤੇ ਭੂ - ਪ੍ਰਬੰਧਨ ਨਾਲ ਜੁੜੇ ਮੁੱਦਿਆਂ ਨੂੰ ਲੈ ਕੇ ਵਿਸ਼ਵ ਚਰਚਾ ਵਿੱਚ ਇਜ਼ਾਫਾ ਕਰੇਗਾ ।  ਜ਼ਿਕਰਯੋਗ ਹੈ ਕਿ ਭਾਰਤ ਨੂੰ ਜਲਵਾਯੂ ਪਰਿਵਰਤਨ ,  ਜੈਵ ਵਿਭਿੰਨਤਾ ਅਤੇ ਭੂ - ਪ੍ਰਬੰਧਨ ਉੱਤੇ ਸਾਰੀਆਂ ਤਿੰਨ ਰੀਓ ਕਨਵੈੱਨਸ਼ਨਾਂ  ਦੇ ਸੀਓਪੀ ਦੀ ਮੇਜ਼ਬਾਨੀ ਕਰਨ ਦਾ ਸਨਮਾਨ ਹਾਸਲ ਹੈ ।

ਇਸ ਸੰਮੇਲਨ ਵਿੱਚ 7,200 ਪ੍ਰਤੀਭਾਗੀਆਂ ਦੇ ਸ਼ਾਮਲ ਹੋਣ ਦਾ ਅਨੁਮਾਨ ਹੈ,  ਜਿਨ੍ਹਾਂ ਵਿੱਚ 179 ਪਾਰਟੀਆਂ ਸਰਕਾਰ ਦੇ ਮੰਤਰੀ ਅਤੇ ਪ੍ਰਤੀਨਿਧੀ,  ਗ਼ੈਰ - ਸਰਕਾਰੀ ਅਤੇ ਅੰਤਰ-ਸਰਕਾਰੀ ਸੰਗਠਨ,  ਵਿਗਿਆਨੀ,  ਮਹਿਲਾਵਾਂ ਅਤੇ ਨੌਜਵਾਨ ਸ਼ਾਮਲ ਹਨ ।  ਇਹ ਸਾਰੇ ਮਿਲਕੇ ਲਗਭਗ 30 ਫੈਸਲੇ ਲੈਣਗੇ ,  ਜਿਨ੍ਹਾਂ ਦਾ ਉਦੇਸ਼ ਦੁਨੀਆਂ ਭਰ ਵਿੱਚ ਜ਼ਮੀਨ ਦੇ ਉਪਯੋਗ ਦੀਆਂ ਨੀਤੀਆਂ ਨੂੰ ਮਜ਼ਬੂਤੀ ਦੇਣਾ, ਜ਼ਬਰਦਸਤੀ (ਪਲਾਇਨ),  ਰੇਤ ਅਤੇ ਧੂੜ ਦੇ ਤੁਫਾਨ ਅਤੇ ਸੋਕੇ ਵਰਗੇ ਉੱਭਰਦੇ ਖ਼ਤਰਿਆਂ ਦਾ ਸਮਾਧਾਨ ਲੱਭਣਾ ਹੈ ।

*****

ਵੀਆਰਆਰਕੇ/ਵੀਐੱਮ

(Release ID: 1584960) Visitor Counter : 52