ਕੇਂਦਰੀ ਵਿੱਤ ਤੇ ਕਾਰਪੋਰੇਟ ਮਾਮਲੇ ਮੰਤਰੀ, ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਨੇ ਅੱਜ ਲੋਕ ਸਭਾ ਵਿੱਚ 2019-20 ਦਾ ਕੇਂਦਰੀ ਬਜਟ ਪੇਸ਼ ਕਰਦੇ ਹੋਏ ਕਿਹਾ ਕਿ ਜਨਤਕ ਖੇਤਰ ਦੇ ਉੱਦਮ ਨਿਊ ਸਪੇਸ ਇੰਡੀਆ ਲਿਮਿਟੇਡ (ਐੱਨਐੱਸਆਈਐੱਲ) ਨੂੰ ਪੁਲਾੜ ਵਿਭਾਗ ਦੀ ਇੱਕ ਨਵੀਂ ਵਣਜ ਸ਼ਾਖਾ ਦੇ ਰੂਪ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਰਾਹੀਂ ਇਸਰੋ ਦੁਆਰਾ ਕੀਤੇ ਜਾ ਰਹੇ ਖੋਜ ਅਤੇ ਵਿਕਾਸ ਦੇ ਲਾਭਾਂ ਵਿੱਚ ਹੋਰ ਵਾਧਾ ਕੀਤਾ ਜਾ ਸਕੇਗਾ।

ਇਹ ਕੰਪਨੀ ਲਾਂਚ ਵਾਹਨਾਂ ਦੇ ਉਤਪਾਦਨ, ਟੈਕਨੋਲੋਜੀਆਂ ਦੇ ਤਬਾਦਲੇ ਅਤੇ ਪੁਲਾੜ ਉਤਪਾਦਾਂ ਦੀ ਮਾਰਕਿਟਿੰਗ ਦੇ ਵਪਾਰੀਕਰਨ ਵਰਗੇ ਕਈ ਪੁਲਾੜ ਉਤਪਾਦਾਂ ਨੂੰ ਹੁਲਾਰਾ ਦੇਵੇਗੀ। ਵਿੱਤ ਮੰਤਰੀ ਨੇ ਕਿਹਾ ਕਿ ਭਾਰਤ ਵਿਸ਼ਵ ਪੱਧਰ ਉੱਤੇ ਘੱਟ ਕੀਮਤ ਨਾਲ ਉਪਗ੍ਰਹਿਆਂ ਨੂੰ ਲਾਂਚ ਕਰਨ ਅਤੇ ਹੋਰ ਪੁਲਾੜ ਉਤਪਾਦਾਂ ਨਾਲ ਜੁੜੀਆਂ ਟੈਕਨੋਲੋਜੀਆਂ ਅਤੇ ਸਮਰੱਥਾ ਨੂੰ ਹਾਸਲ ਕਰਨ ਵਿੱਚ ਇੱਕ ਪ੍ਰਮੁੱਖ ਪੁਲਾੜ ਸ਼ਕਤੀ ਵਜੋਂ ਉੱਭਰਿਆ ਹੈ। ਉਨ੍ਹਾਂ ਕਿਹਾ ਕਿ ਕਮਰਸ਼ੀਅਲ ਤੌਰ 'ਤੇ ਨਾਲ ਇਸ ਸਮਰੱਥਾ ਦੀ ਵਰਤੋਂ ਕਰਨ ਦਾ ਸਮਾਂ ਆ ਗਿਆ ਹੈ।

ਵਿੱਤ ਵਰ੍ਹੇ 2018-19 ਦੇ ਬਜਟ ਅਨੁਮਾਨਾਂ 11,200 ਕਰੋੜ ਰੁਪਏ ਦੀ ਤੁਲਨਾ ਵਿੱਚ ਵਿੱਤ ਵਰ੍ਹੇ 2019-20 ਵਿੱਚ ਪੁਲਾੜ ਵਿਭਾਗ ਲਈ 12,473.26 ਕਰੋੜ ਰੁਪਏ ਦੇ ਅਨੁਮਾਨਿਤ ਬਜਟ ਦਾ ਪ੍ਰਾਵਧਾਨ ਕੀਤਾ ਗਿਆ ਹੈ।

ਪ੍ਰਮੁੱਖ ਸਕੀਮਾਂ ਦਾ ਖਰਚ:

(ਕਰੋੜ ਰੁਪਏ ਵਿੱਚ)

ਯੋਜਨਾਵਾਂ	2018-19 (ਆਰਈ)	2019-20(ਬੀਈ)
ਪੁਲਾੜ ਟੈਕਨੋਲੋਜੀ (ਗਗਨਯਾਨ ਸਹਿਤ)	6993 ਕਰੋੜ ਰੁਪਏ	8408 ਕਰੋੜ ਰੁਪਏ
ਸਪੇਸ ਐਪਲੀਕੇਸ਼ਨਸ	1595 ਕਰੋੜ ਰੁਪਏ	1885 ਕਰੋੜ ਰੁਪਏ
INSAT ਸੈਟੇਲਾਈਟ ਸਿਸਟਮਸ	1330 ਕਰੋੜ ਰੁਪਏ	884 ਕਰੋੜ ਰੁਪਏ

 

***

ਬੀਬੀ/ਐੱਨਕੇ/ਪੀਕੇ

(Release ID: 1577794) Visitor Counter : 84