نئی دہلی، 3 جولائی  /امورِ داخلہ کے وزیر مملکت جناب  جی کشن ریڈی نے ایک سوال کے تحریری جواب میں آج راجیہ سبھا کو بتایا کہ  حکومت نے  کشمیری مہاجرین کی  راحت اور باز آباد کاری کے لئے متعدد اقدامات کئے ہیں ۔ 

          وزیر اعظم کے ذریعے  7 نومبر ، 2015 ء کو اعلان کردہ  وزیر اعظم کے ترقیاتی پیکیج  ، 2015 کے تحت  حکومتِ ہند نے  1080 کروڑ روپئے کی لاگت سے  کشمیری مہاجروں کے لئے ریاستی حکومت   میں 3000 اضافی عہدے نکالنے  اور 920 کروڑ روپئے کی لاگت سے وادیٔ کشمیر میں   6000 ٹرانزٹ  اکوموڈیشن  کی تعمیر  کو منظوری دی ہے ۔  یہ منظوری مہاجروں کے لئے   3000 ریاستی حکومت کی  اسامیوں اور   725 ٹرانزٹ اکوموڈیشن کی تعمیر  کے علاوہ ہے ۔ اس کے علاوہ ، مہاجروں کے لئے جموں ( پرکھو ،  موتھی  ، نگروٹا  اور جگتی ) میں دو کمروں والے  5242  گھروں کی تعمیر اور  بڈگام ضلع کے شیخ پورہ میں 200 فلیٹوں کی تعمیر  بھی ہو گی ۔

          حکومتِ ہند کشمیری مہاجروں کو  ماہانہ  راحت کی رقم بھی دیتی ہے ، جسے  مئی ، 2015 ء میں فی کنبہ  ماہانہ  6600 روپئے سے بڑھا کر ماہانہ 10000 روپئے   کر دیا گیا تھا  ۔  مزید براں ، جون ، 2018 ء میں نقد راحت کی رقم فی کنبہ   10000 روپئے سے بڑھا کر 13000 روپئے کر دی گئی ہے ۔ حکومت دلّی  / این سی آر میں  سکونت اختیار کرنے والے کشمیری مہاجروں کو  ماہانہ نقد راحت بھی  مہیا کرتی ہے ۔     

    

۔۔۔۔۔۔۔۔۔۔۔۔۔۔۔۔۔۔۔۔

 ( م ن     ۔ش س   ۔ ع ا  )      

U. No. 2787

(रिलीज़ आईडी: 1576976) आगंतुक पटल : 66