سماجی انصاف اور تفویض اختیارات کی وزارت
معمر افراد کا تحفظ
پوسٹ کرنے کی تاریخ:
02 JUL 2019 2:47PM by PIB Delhi
نئی دہلی، 2 جولائی 2019/2011 کی مردم شماری کے مطابق بزرگ شہریوں کا فی صد مجموعی آبادی میں 8.57 فی صد ہے ، 2026 تک بزرگ شہریوں کا فی صد 12.4 ہوجانے کا اندازہ ہے۔
بزرگ شہریوں کی اس برھتی ہوئی آبادی کی دیکھ بھال اور ان کےتحفظ کو یقینی بنانے کے لئے حکومت ہند نے 2007 میں والدین اور بزرگ شہریوں کے لئے گذارہ اور فلاح و بہبود قانون (ایم ڈبلیو پی ایس سی) بنایا تھا، تاکہ والدین اور بزرگ شہریوں کے لئے ضرورت پر مبنی گزارے اور ان کی فلاح و بہبود کو یقینی بنایا جاسکے۔ یہ قانون ٹرائبونلوں کے ذریعہ ذمہ دار اور قابل داد رسی قرار دیئے گئے بچوں /رشتے داروں کے ذریعہ والدین /بزرگ شہریوں کو گذارہ بھتہ فراہم کرنے کا التزام کرتا ہے۔ اس قانون میں رشتے داروں کے ذریعہ نظر انداز کئے جانے کی صورت میں بزرگ شہریوں کے ذریعہ منتقل کی گئی جائیداد کو واپس لے لینے، بزرگ شہریوں کو بے یارومددگار چھوڑ دینے ،محتاج بزرگ شہریوں کے لئے اولڈ ایج ہومز کے قیام ، بزرگ شہریوں کے لئے خاطر خواہ طبی سہولتوں اور ان کے تحفظ کا بھی التزام ہے۔ جموں و کشمیر کو چھوڑ کر جہاں یہ قانون قابل نفاذ نہیں ہے سبھی ریاستی حکومتوں اور مرکز کے زیر انتظام انتظامیہ نے ایم ڈبلیو پی ایس سی قانون 2007 نوٹی فائی کیا ہے ۔ ہماچل پردیش کااس سے متعلق اپنا قانون ہے۔
قومی راجدھانی خطہ دہلی کی حکومت کے ذریعہ بتایا گیا ہے کہ بزرگ شہریوں اور والدین کے تحفظ کے لئے ، دہلی منٹیننس اینڈ ویلفیئر آف پیرنٹس اینڈ سینئر سیٹیزن (ترمیمی ضوابط 2016) کی دفاع 22 کے تحت حکومت نے والدین / بزرگ شہریوں کے ذریعہ اپنے طور پر حاصل کی گئی جائیداد سے بچوں یا قانونی وارثین کو نکال باہر کرنے کا التزام کو شامل کیا ہے اگر والدین /بزرگ شہریوں کے ساتھ برا برتاؤ کیا جاتا ہے اور ایسے بچے /قانونی وارثین ان کے گزارے کا انتظام نہیں کرتے۔ ڈپٹی کمشنر / ضلع مجسٹریٹ اس طرح کے بے دخلی کے احکامات جاری کریں گے اور انہیں پولیس کے ذریعہ بے دخلی کرانے کا اختیار ہے۔
یہ اطلاع سماجی انصاف اور تفویض اختیارات کے وزیر مملکت جناب رتن لال کٹاریہ نے آج لوک سبھا میں ایک تحریری جواب میں دی۔
۔۔۔۔۔۔۔۔۔۔۔
م ن۔ م م ۔ ج۔
U- 2764
(ریلیز آئی ڈی: 1576720)
وزیٹر کاؤنٹر : 127