মাননীয় ৰাষ্ট্ৰপতি মহোদয় মেক্ৰ’ন, মাননীয় ৰাষ্ট্ৰপতি মহোদয়সকল আৰু প্ৰধানমন্ত্ৰীসকল, সন্মানীয় অতিথিবৃন্দ,

ভদ্ৰমহিলা তথা ভদ্ৰপুৰুষসকল, স্বাগতম, মই আপোনালোকক দিল্লীত অনুষ্ঠিত আন্তঃৰাষ্ট্ৰীয় সৌৰ মৈত্ৰীৰ প্ৰতিষ্ঠা সন্মিলনলৈ সহৃদয়েৰে স্বাগতম জনাইছোঁ৷

আজিৰ এই ঐতিহাসিক দিনটোৰ বীজ ২০১৫ চনৰ নৱেম্বৰত পেৰিচত ২১তম কনফাৰেন্স অৱ পাৰ্টীজতে ৰোপণ কৰা হৈছিল৷ আজি, সেই বীজটোৰ কুমলীয়া পুলি দেখা গৈছে৷

এই নতুন পুলিটোৰ নতুন সম্ভাৱনীয়তাৰ ক্ষেত্ৰত ফ্ৰান্সে গুৰুত্বপূৰ্ণ ভূমিকা পালন কৰিছে৷ আন্তঃৰাষ্ট্ৰীয় সৌৰ মৈত্ৰীৰ এই কুমলীয়া পুলিটোৰ ৰোপণ আপোনালোকৰ সহযোগিতা তথা প্ৰতিশ্ৰুতি অবিহনে সম্ভৱ নহ’লহেঁতেন৷ আৰু সেইবাবে মই ফ্ৰান্স তথা আপোনালোকৰ ওচৰত গভীৰ কৃতজ্ঞতা প্ৰকাশ কৰিছোঁ৷ ১২১খন সাম্ভাৱ্য দেশৰ ৬১খনে এই মৈত্ৰীত অংশগ্ৰহণ কৰিছে৷ তেওঁলোকৰ পৰা ৩২খনে পৰিকাঠামো চুক্তিৰ বাবেও মূল্যায়িত কৰিছে৷ কিন্তু এই মৈত্ৰীত আমাৰ সকলো সহযোগী দেশসমূহৰ অংশগ্ৰহণৰ উপৰিও, সূৰ্য ভগৱানে আমাক বাহিৰৰ পৰিৱেশক পোহৰ প্ৰদান তথা সমাধানসমূহত শক্তি প্ৰদান কৰিছে৷

বন্ধুসকল,

সূৰ্যই বহু কোটি কোটি বছৰ ধৰি পৃথিৱীক পোহৰ আৰু জীৱন প্ৰদান কৰি আহিছে, আনকি এই পৃথিৱীত জীৱন আৰম্ভ হোৱাৰ পূৰ্বেও৷ প্ৰত্যেকটো সভ্যতা, জাপানৰ পৰা পেৰুলৈ, গ্ৰীচেই হওক অথবা ৰোম, ইজিপ্টেই হওক বা ইনকা আৰু পুৰণি মায়া সভ্যতা, সকলোৱে সূৰ্যক গুৰুত্ব তথা সন্মান প্ৰদৰ্শন কৰি আহিছে৷

কিন্তু, ভাৰতীয় দৰ্শনত হাজাৰ বছৰ পূৰ্বেও সূৰ্যক মধ্যমনি হিচাপে স্থান দিয়া নজিৰ অতিশয় গুৰুত্বপূৰ্ণ৷

ভাৰতত, হাজাৰ বছৰ পূৰ্বে বেদত সূৰ্যক বিশ্বৰ আত্মা হিচাপে জ্ঞান কৰা হৈছিল৷ ভাৰতত সূৰ্যক সমগ্ৰ জীৱনৰ উৎস হিচাপে গণ্য কৰা হয়৷ আজি, যেতিয়া আমি জলবায়ু পৰিৱৰ্তনৰ প্ৰত্যাহ্বানৰ সমাধান বিচৰাৰ বাবে চেষ্টা কৰি আছোঁ তেতিয়া প্ৰাচীন দৰ্শনৰ ব্যাপক অভিগমন আৰু ভাৰসাম্যতাৰ ওপৰতো দৃষ্টি দিব লাগিব৷

বন্ধুসকল,

আমাৰ সেউজীয়া ভৱিষ্যত এই সত্যটোৰ ওপৰত নিৰ্ভৰ কৰিছে যে আমি একেলগে কি কৰিব পাৰোঁ৷ মই মহাত্মা গান্ধীৰ এষাৰি উক্তি মনত পেলাই দিব খুজিছোঁ, ‘‘আমি কি কৰোঁ আৰু আমাৰ কি কৰিব পৰাৰ সামৰ্থ আছেৰ পাৰ্থক্যতাই বিশ্বৰ বহু সমস্যা সমাধান কৰে৷’’ আজি সমগ্ৰ বিশ্বৰে নেতাসকলৰ উপস্থিতি এই সত্যৰ প্ৰতিফলন যে সৌৰ শক্তিয়ে সমগ্ৰ মানৱতাক বহনক্ষম উপায়েৰে তথা কাৰ্যকৰী উপায়েৰে প্ৰয়োজনীয় শক্তি যোগান ধৰে৷

বন্ধুসকল,

আমি ভাৰতত বিশ্বৰ সবাতোকৈ বৃহৎ পুনৰ নৱীকৰণযোগ্য শক্তি সম্প্ৰসাৰণৰ কাম আৰম্ভ কৰিছোঁ৷ আমি পুনৰ নৱীকৰণযোগ্য উৎসৰ পৰা ১৭৫ গিগাৱাট বিদ্যুৎ উৎপাদন কৰিম আৰু ১০০ গিগাৱাট বিদ্যুৎ সৌৰ শক্তিৰ পৰা প্ৰাপ্ত কৰিম৷

আমি ইতিমধ্যে স্থাপিত সৌৰ শক্তি সামৰ্থৰ পৰা ২০ গিগাৱাট সৌৰ শক্তিৰ লক্ষ্য প্ৰাপ্তি কৰিছোঁ৷ ভাৰতত পাৰম্পৰিক শক্তিৰ উৎসৰ তুলনাত পুনৰ নৱীকৰণযোগ্য উৎসত অধিক সামৰ্থ সংবদ্ধ কৰা হৈছে৷

ভাৰতত অটল জ্যোতি আঁচনিৰ উদ্দেশ্য হ’ল যিবোৰ অঞ্চলত বিদ্যুতৰ অভাৱ তাত সৌৰ শক্তিযুক্ত পথৰ লাইট স্থাপন কৰা৷ সৌৰ অধ্যয়ন লেম্প আঁচনিৰ জৰিয়তে বিদ্যালয়লৈ যোৱা ৭ মিলিয়ন শিক্ষাৰ্থী উপকৃত হৈছে৷

এই ফলাফল আৰু অধিক উন্নত হ’লহেঁতেন যদি আমি অন্য প্ৰযুক্তিৰ সৈতে সৌৰ শক্তি সংবদ্ধ কৰিলোহেঁতেন৷ উদাহৰণস্বৰূপে, যোৱা তিনিটা বৰ্ষত ২৮ কোটি এলইডি বাল্বৰ বিতৰণৰ জৰিয়তে কেৱল ২ বিলিয়ন আমেৰিকান ডলাৰ সঞ্চয় হোৱাই নহয়, ৪ গিগাৱাট বিদ্যুতো ৰাহি কৰিছে৷ কেৱল এয়াই নহয়, কাৰ্বন-ডাই-অক্সাইডৰ উৎপাদনো ৩০ মিলিয়ন টনলৈ হ্ৰাস পাইছে৷

বন্ধুসকল,

আমি কেৱল ভাৰততেই নহয়, সমগ্ৰ বিশ্বতে সৌৰ নৱজাগৰণ হোৱাটো বিচাৰোঁ৷ আপোনালোকে ভাৰতত প্ৰশিক্ষিত সৌৰ মামাৰ গান, বক্তৃতা আৰু ভিডিঅ’সমূহ দেখিছে৷ এতিয়া আপোনালোকে এই সৌৰ মামাৰ সৈতে ভালদৰেই পৰিচিত৷ তেওঁলোকৰ গাঁথাসমূহ অনুপ্ৰেৰণামূলক৷

আমি সুখী যে আইএছএ ক’ৰপাছ ফাণ্ডত আইএছএ সচিবালয় নিৰ্মাণৰ বাবে ৬২ মিলিয়ন আমেৰিকান ডলাৰ বিনিয়োগ কৰা হৈছে৷ মই সুখী যে প্ৰতি বছৰে আমি সৌৰ শক্তিৰ ক্ষেত্ৰত আইএছএ সদস্যক ৫০০ প্ৰশিক্ষণ শ্ল’ট প্ৰদান কৰিম৷

হয়তোবা আমি সমগ্ৰ বিশ্বত ১৪৩ মিলিয়ন ডলাৰৰ ১৩টা সৌৰ প্ৰকল্প সম্পূৰ্ণ কৰিম নহ’লে তেওঁলোকে প্ৰণয়ন কৰা প্ৰক্ৰিয়াত ব্যস্ত থাকিব৷ ভাৰতে অন্যান্য ১৫খন উন্নয়নশীল দেশত ২৭টা অধিক প্ৰকল্পৰ বাবে ১.৪ বিলিয়ন ডলাৰৰ সাহায্য প্ৰদান কৰিব৷

আমি এটা প্ৰকল্প প্ৰস্তুতি ব্যৱস্থা স্থাপন কৰিছোঁ যিয়ে বেংকভিত্তিক প্ৰকল্পৰ ডিজাইনৰ বাবে সহযোগী দেশসমূহক পৰামৰ্শমূলক সহযোগিতা প্ৰদান কৰিব৷

আজি মই এইবাবেও সুখী যে ভাৰতে সৌৰ প্ৰযুক্তিৰ ক্ষেত্ৰত ব্যৱধান হ্ৰাস কৰিবলৈ সৌৰ প্ৰযুক্তি অভিযান আৰম্ভ কৰিব৷ এই অভিযানত এটা আন্তঃৰাষ্ট্ৰী লক্ষ্য থাকিব আৰু ই আমাৰ সকলো চৰকাৰী, প্ৰযুক্তিগত আৰু শৈক্ষিক প্ৰতিষ্ঠানসমূহক সামৰি সৌৰ প্ৰযুক্তিৰ ক্ষেত্ৰখনত গৱেষণা আৰু উন্নয়ন বিষয়ত নেতৃত্ব বহন কৰিব৷

বন্ধুসকল,

সৌৰ শক্তিৰ বিকাশ আৰু ব্যৱহাৰ বতাহৰ দৰেই প্ৰচুৰ আৰু ই নিশ্চিতভাৱেই বিশ্বত কাৰ্বন ফুটপ্ৰিণ্টৰ পৰিমাণ হ্ৰাস কৰি আমাক সমৃদ্ধিশালী কৰি তুলিব৷

বন্ধুসকল,

আমি কিছুমান কথাত নিশ্চিতভাৱে গুৰুত্ব প্ৰদান কৰিব লাগিব৷ আৰু সেইসমূহ হ’লঃ এনে কিছুমান দেশ আছে য’ত সমগ্ৰ বছৰটো সূৰ্যৰ পোহৰেৰে আলোকিত হৈ থাকে উপযুক্ত সম্পদ তথা প্ৰযুক্তিৰ অভাৱে অন্তৰায় হৈ দেখা দিছে, ই সৌৰ শক্তিৰ ব্যৱহাৰত বাধা প্ৰদান কৰিছে৷  

আনহাতে এনে কিছুমান দ্বীপ আৰু দেশ আছে যি জলবায়ু পৰিৱৰ্তনৰ ফলত তেওঁলোকৰ অস্তিত্বৰ প্ৰতি ভাবুকিৰ সৃষ্টি হৈছে৷ তৃতীয়তে কেৱল পোহৰৰ বাবেই নহয়, সৌৰ শক্তি বিভিন্ন ক্ষেত্ৰ যেনে পৰিবহণ, পৰিষ্কাৰ ৰন্ধন, কৃষি ক্ষেত্ৰত, সৌৰ পাম্প আপু স্বাস্থ্যৰ যত্নটো ইয়াক ব্যৱহাৰ কৰিব পাৰি৷

সৌৰ শক্তি ব্যৱহাৰত উৎসাহ প্ৰদান কৰিবলৈ প্ৰযুক্তিৰ উপলব্ধতা, বিত্তীয় সম্পদ, ব্যয় হ্ৰাস, সঞ্চয় প্ৰযুক্তিৰ উত্তৰণ, বিশাল পৰিমাণত নিৰ্মাণ আৰু উদ্ভাৱনৰ বাবে সমগ্ৰ পৰিৱেশতন্ত্ৰৰ অতিশয় প্ৰয়োজন৷  

বন্ধুসকল,

ইয়াক কেনেদৰে আগবঢ়াই নিব পাৰি সেই বিষয়ে আমি সকলো ভাবিব লাগে৷ এই সম্পৰ্কে মোৰ মগজুত দহটা কাৰ্যকৰী পৰিকল্পনা আছে যি আজি মই আপোনালোকৰ সৈতে বিনিময় কৰিবলৈ বিচাৰিম৷ প্ৰথমে আমি নিশ্চিত প্ৰদান কৰিব লাগিব যে উন্নত আৰু ব্যয়সাধ্য সৌৰ প্ৰযুক্তি সকলোৰে বাবে সহজে তথা সুবিধাজনকভাৱে উপলব্ধ হওক৷

আমি আমাৰ শক্তি মিশ্ৰণত সৌৰ শক্তিৰ অনুপাত বৃদ্ধি কৰিব লাগিব৷ আমি উদ্ভাৱনক উৎসাহ প্ৰদান কৰিব লাগিব যাতে সৌৰ সমাধান বিভিন্ন প্ৰয়োজনীয়তাৰ বাবে প্ৰদান কৰিব পাৰি৷

আমি সৌৰ প্ৰকল্পসমূহক সুবিধাজনক তথা কম ক্ষতিশংকাপূৰ্ণ বিত্তীয়া ব্যৱস্থা প্ৰদান কৰিব লাগিব৷ আমি কিছুমান এনেকুৱা ধৰণৰ নিয়ামক প্ৰত্যাশা আৰু মানক উত্তৰণ কৰিব লাগিব যাতে সৌৰ সমাধান গ্ৰহণ আৰু বিকাশত এক নতুন গতি প্ৰাপ্ত হয়৷ উন্নয়নশীল দেশসমূহত বেংকভিত্তিক সৌৰ প্ৰকল্পসমূহৰ বিকাশৰ বাবে পৰামৰ্শভিত্তিক সমৰ্থনৰ বিকাশ প্ৰয়োজনীয় হ’ব৷

আমাৰ প্ৰয়াসত অধিক সংখ্যক অংশগ্ৰহণ আৰু অংশদাৰীত্ব হোৱা উচিত৷ স্থানীয় কাৰক আৰু পৰিস্থিতিসমূহ মোকাবিলা কৰিব পৰাকৈ আমি উৎকৃষ্টতাৰ এক ব্যাপক নেটৱৰ্কৰ কেন্দ্ৰ গঠন কৰা উচিত৷ আমি বিকাশৰ সম্পূৰ্ণতাৰ ওপৰত সৌৰ শক্তিৰ নিয়মাৱলীসমূহ পৰিদৰ্শন কৰা উচিত যাতে ই এছডিজি প্ৰাপ্তত সৰ্বাধিক অৰিহণা প্ৰদান কৰিব পাৰে৷ আমি আইএছএ সচিবালয় অধিক শক্তিশালী আৰু পেছাদাৰী কৰা উচিত৷

বন্ধুসকল,

মোৰ বিশ্বাস যে আমি আইএছএৰ জৰিয়তে এই সকলো কাৰ্যাৱলীমূলক বিষয়সমূহত ক্ষীপ্ৰতাৰে আগবাঢ়ি যাবলৈ সমৰ্থ হ’ম৷ 

বন্ধুসকল,

আজিৰ এই মুহূৰ্তটো কেৱল আমাৰ যাত্ৰাৰ এক আৰম্ভণিহে৷ আমাৰ সহযোগিতাই পৰৱৰ্তী পৰ্যায়ত আমাৰ জীৱনক সূৰ্যৰ পোহৰৰে আলোকিত কৰিব৷ ই এই উক্তিষাৰক অৰ্থৱহ কৰি তুলিব, ‘‘আহক সূৰ্যক অধিক প্ৰকাশিত কৰি তোলোঁ৷’’ ভাৰতীয় দৰ্শনৰ আত্মা সদায়েই ‘বসুধৈৱ কুটুম্বকম’ হৈ আহিছে, ইয়াৰ অৰ্থ হ’লঃ ‘সমগ্ৰ বিশ্বখনেই এটা পৰিয়াল’৷

মোৰ বিশ্বাস যে যদি আমি সমগ্ৰ বিশ্ব, সমগ্ৰ মানৱ জাতিৰ উন্নতি বিচাৰোঁ, তেনেহ’লে আমি একতা গঢ়িবলৈ সমৰ্থ হ’ম আৰু পৰিয়ালৰ দৰে আমাৰ প্ৰয়াস তথা উদ্দেশ্যক সংবদ্ধ কৰিবলৈ সমৰ্থ হ’ম৷

বন্ধুসকল,

এইটোৱেই সেই পথ যাৰ জৰিয়তে আমি সেই পুৰণি জ্ঞানৰ প্ৰাৰ্থনাটো অনুভৱ কৰিব পাৰোঁ- তমসো মা জ্যোতিৰ্গময়- ইয়াৰ অৰ্থ হ’ল, ‘আহক আমি আন্ধাৰৰ পৰা পোহৰলৈ গতি কৰোঁ৷’

বহুত বহুত ধন্যবাদ৷

ধন্যবাদ৷

***

AKT/SH/KT/RSB/AK/MANN

(Release ID: 1528260) Visitor Counter : 91