ఢిల్లీ పోలీసు శాఖలో సబ్- ఇన్ స్పెక్టర్ (ఎస్.ఐ.)లు, సిఎపిఎఫ్ లు మరియు అసిస్టెంట్ సబ్- ఇన్ స్పెక్టర్స్  నియామకానికి ఉద్దేశించిన సిఐఎస్ఎఫ్ పరీక్ష, 2017 (ఒకటో పేపర్)ను దక్షిణాది ప్రాంతం లోని 44621 అభ్యర్థులకు కంప్యూటర్ బేస్ డ్ పద్ధతిన నిర్వహించనున్నట్లు స్టాఫ్ సెలక్షన్ కమిషన్ (ఎస్ఎస్ సి) సంయుక్త కార్యదర్శి/ప్రాంతీయ సంచాలకుడు (ఎస్ఆర్) శ్రీ పి. కరుప్పస్వామి తెలిపారు.  ఈ పరీక్ష తెలంగాణ రాష్ట్రం, తమిళ నాడు, కేంద్ర పాలిత ప్రాంతమైన పాండిచ్చేరిలో 2017 జులై 1వ తేదీ నుంచి 2017 జులై5వ తేదీ వరకు జరుగుతుందని, ఆంధ్ర ప్రదేశ్ లో 2017 జులై 3వ తేదీ నుంచి 2017 జులై 5వ తేదీ వరకు జరుగుతుందని ఆయన వివరించారు. పరీక్ష తెలంగాణ లోని హైదరాబాద్ లో; తమిళ నాడు లోని చెన్నై, తిరుచిరాపల్లిలో; కేంద్ర పాలిత ప్రాంతమైన పాండిచ్చేరిలో ని పాండిచ్చేరిలో; ఆంధ్ర ప్రదేశ్ లోని గుంటూరు, కర్నూలు, రాజమండ్రి, తిరుపతి, విజయవాడ, విశాఖపట్నంలలో ఉంటుంది.  ఉదయం పూట 10 గంటల నుంచి మధ్యాహ్నం 12 గంటల వరకు, మధ్యాహ్నం పూట 2గం. 45 ని.ల నుంచి సాయంత్రం 4గం. 45ని.ల వరకు పరీక్ష ను నిర్వహిస్తారు.  అభ్యర్థులకు ఇ-అడ్మిట్ కార్డులను ఇప్పటికే www.sscsr.gov.in వెబ్ సైట్ లో పోస్ట్ చేయడమైంది.  ఈ వివరాలను అభ్యర్థులు తెలిపిన ఫోన్ నంబర్ లకు ఎస్ఎమ్ఎస్ మరియు వారిచ్చిన మెయిల్ ఐడీ లకు ఇ-బెయిల్ చేయడమైంది. ఇ-అడ్మిషన్ సర్టిఫికెట్, చెల్లుబాటయ్యే సిసలైన గుర్తింపు రుజువు పత్రం ఉంటేనే పరీక్షకు అనుమతిస్తారు.  మరిన్ని వివరాలకు అభ్యర్థులు స్టాఫ్ సెలక్షన్ కమిషన్ సదరన్ రీజనల్ ఆఫీస్ హెల్ప్ లైన్ నంబర్ లలో (ల్యాండ్ లైన్ 044-28251139, మొబైల్: 9445195946) సంప్రదించవచ్చు.

 

*** 

(Release ID: 1493995) Visitor Counter : 58