থাগৎখিবা:
21 NOV 2026 1:36PM by PIB Imphal
ৱেস্ত বেঙ্গলগী আই.আই.তি.খরগপুরগী প্লাতিনম জুবিলি থৌরমদা ঙসি প্রধান মন্ত্রী শ্রী নরেন্দ্র মোদীনা শরুক য়াখ্রে। থৌরম অসিদা মীয়াম তিনখিবা মিয়ামদা ৱা ঙাংলদুনা প্রধান মন্ত্রীনা নোৎ তৌখি মদুদি মহাক্কী মমাঙদা ভারতকি হৌখিবা, হৌজিক, অমসুং তুংগী ফিবমগা মরি লৈনবা হৈথোই-শিংথোইবা, অপাম্বা মিরোল অম্বা লেপলি, ইন্সতিত্যুৎ অসিগী চহি ৭৫ সুরবা খোঙচৎ অসি নিংশিংনবা অমসুং মসিগী লিগেসিবু ইকায় খুম্নবা উৎনবা পুনখি। চহি ৭৫গী মনুংদা আই.আই.তি.খরগপুরনা শেমখিবা মশিং য়াম্লবা মায়লস্তোনশিং অদু ফোঙদোকলদুনা, ভারতনা সন-ঈরোয়শিংগী কারতশিংদগী বুলেৎ ত্রেনশিংদা অমসুং পোস্তেল লেতরশিংদগী সোসিয়েল মিদিয়াগী পাওজেলশিংদা য়াম্না চাওনা অহোঙবা পুরকপা উখিবা মতম অদুদা মহাক্না অকনবা ৱাফম থমখি মদুদি লৈবাক অসিগী অহানবা আই.আই.তি. শ্রী মোদীনা ফোঙদোকখি, “মফম অসিদা লৈরিবা মহৈরোয় খুদিংমক, ফেকল্তি মেম্বরশিং, মফম অসিদা লৈরিবা স্তাফ পুম্নমক, অমসুং আই.আই.তি.খরগপুরগী এলম্নি পুম্নমক্তা ঐহাক্না থমোই শেঙনা নুংঙায়বা ফোঙদোকচরি।”
কেম্পশকি পূন্সীগী অকক্নবা নিংশিংনিংঙায় ওইবশিং অসি মতম চুপ্পদা অমাগা অমাগা লৈমিন্নরি হায়বা নিংশিংলদুনা প্রধান মন্ত্রীনা থাজবা ফোঙদোকখি মদুদি এলুমনিয়ন কয়ানা দিকেদ কয়াগী মতুংদা ফাওবা চেদিদা চা থক্তুনা খন্ন-নৈনবশিং অদু নুংশিনা নিংশিংলি, অমসুং অতোপ্পা ইন্সতিত্যুসনশিংগী হোস্তেলশিংগা মান্নদনা আই.আই.তি. হন্দক্কী দিৱালিগী থৌরমশিংগী মতাঙদা পল্লদুনা মহাক্না সেয়র তৌখি মদুদি মহাকপু আই.আই.তি.খরগপুরদা দিৱালিগী থৌনা অসি অখন্নবা অমনি হায়না হায়খি, মসিগী ইলুমিনেসন অসিনা তোঙান তোঙানবা হোলশিংগী মরক্তা চাংদম্নবা অসিনা হেননা অখন্নবা ওইহনখিবা মশাগী ওইবা চেম্পিয়ন অম্বা পুদুনা চৎলি। “মসিগী মতম অসিদা কম্পিতিসন অসিদা কনাগী হোলনা মায়পাকখিবগে?” পি.এম.মোদীনা হংখি।
ৱাখল্লোনশিংনা মপাঙ্গল কনখৎলকপা অমসুং জাতিগী খোঙজংশিং হৌরকখিবা লম ওইনা বঙ্গালবু ফোঙদোকলদুনা প্রধান মন্ত্রীনা পনখি মদুদি আই.আই.তি.খরগপুর অসি দিকেদ কয়াগী মমাঙদা মশা-মরোমদোম লেপচবা পাম্বা অমসুং ভারতপু খ্বাইদগী ৱাঙবা মফমদা উবা পামখিবা ভারত মচাশিংগী থোইদোকপা থৌনা অদু উবা ফংখিবা হান্নগী নীংতম লান্মিশিংগী দিতেন্সন কেম্প অমগী য়াম্না হকচিনবা মফম অদুদা লেপ্লি। ঙসি চপ মান্নবা কেম্পস অসিনা ভারতপু আত্মনিরভর ওইহন্নবগীদমক্তা মখোয়গী ইনোবেসন অমসুং ৱাখললোনশিংনা পাঙ্গল ওইরক্লিবা নহাশিংবু শেম শারি হায়বা উরদুনা মহাক্না মমাঙদা সেল্ফ-রুলগী অপাম্বা অমসুং ফ্রিদমগী মংলান অদুগা ঙসিগী সেল্ফ-রিলায়েন্সকি ৱারেপ অমসুং তুংগী শেমগৎ শাগৎপগী খুদোংচাবা অসিগা চাংদম্নখি। শ্রী মোদীনা অকনবা ৱাফম থমখি, “এসপিরেসন্দগী মরোমদোম লেপচবা ঙম্বগী খোঙচৎ অসিসু বিকসিত ভারত অমা শেমগৎপগী অশেংবা ইনর্জিনি।”
নৌনা মনীংতম্বা ভারত্তা লিংখৎখিবা আই.আই.তি.খরগপুরগী খোঙচৎ অদু ত্রেক তৌদুনা, অহানবা জেনরেল ইলেক্সন ফাওবা পাঙথোক্ত্রিঙৈগী মমাঙদা, জাতি অসিনা মসিগী ইন্দস্ত্রি অমসুং ইনফ্রাস্ত্রকচরগীদমক ইঞ্জিনিয়রশিং মথৌ তাবা মতম অম্বা ওইরম্মী, প্রধান মন্ত্রীনা নোৎ তৌখি মদুদি ভারতকি সাইন্তিফিক ওইবা তৌবা ঙম্বশিং হেনগত্লকপগা লোয়ননা মসিগী গ্রেজুএৎশিংনা স্পেস অমসুং এতোমিক ইনর্জি প্রোগ্রামশিং মাংলোমদা পুখৎখি, অমসুং মতুংদা ইনফোরমেসন তেক্নোলোজিগী মতম অমসুং মালেমগী শেন্মিৎলোনগী মতমদা ভারতকি সোফৱেয়র ইন্দস্ত্রি অসি মপাঙ্গল কনখৎহনখি অমসুং অচৌবা কম্পেনিশিং লুচিংখি। ইন্সতিত্যুৎ অসিনা য়ুগ খুদিংদা জাতি শেমগৎপগী থৌদাং অসি মপুঙ ফাহন্নবগীদমক লেপ্পা লৈতনা মাংলোমদা চংশিল্লি অমসুং ভারতনা বিকসিত ভারতকি মায়কৈদা চংশিল্লকপগা লোয়ননা মসিগী চহি ৭৫গী এক্সপরিয়েন্স অসিনা জাতি অসিগী চাওখৎ-থৌরাং অমসুং ইনোবেসনগী প্রোফাইলদা অচৌবা থৌদাং লৌগনি হায়না অকনবা ৱাফম থমদুনা মহাক্না মহৈরোয়শিংদা মপুঙ ফানা থাজবা ফোঙদোকখি। পি.এম. মোদীনা থাজবা ফোঙদোকখি মদুদি “ঙসিগী এসপিরেস্নেল ওইরবা ভারতকি মংলানশিং অদু মংফাওনহনবদা নখোয়না করিগুম্বা অমত্তা তৌদনা তোক্লোই।”
কনাগুম্বা অমগী তৌবা ঙম্বশিং অসি কনাগুম্বা অমানা কয়া য়াম্না থুনা নুংঙায়না ফমদুনা লৈবগে হায়বদুদগী হেন্না অথিঙবশিং চেলেঞ্জ তৌবগী থৌনানা লেপ্পনি হায়না ফোঙদোক্লদুনা প্রধান মন্ত্রীনা থোইদোক্না ফোংদোকখি মদুদি মীয়াম্না অয়াম্বনা মখোয়গী ৱাখল্লোন্দা পনখৈ থম্লি, মসিবু অকক্নবা থাজবশিং হায়না খঙনৈ, মসিনা মখোয়গী মংলানশিং, মখোয়গী তেলেন্ত, অমসুং মখোয়গী লৈবাক্কি তৌবা ঙম্বশিংদা অথিঙবা থম্লি, মখোয়না করি ওইথোকপা য়াবগে অমসুং করি ওইরোইদগে হায়বদু মশানা লেপচবা ঙমহল্লি। শ্রী মোদীনা হায়খি, “ঐখোয়না ঐখোয়গী ৱাখল্লোনগী পনখৈ অসি মশামক মালেমগী পনখৈ ওইনা লৌদুনা লোয়শিল্লি।”
হৌখিবা চহি খরসিদা ভারতনা উৎখিবা অদুগুম্না জাতিশিংনসু মখোয়গী ৱাখলগী পনখৈ থুগাইরকপা মতমদা মখোয়গী তৌবা ঙম্বশিং অদু খঙই হায়না ফোঙদোকপা। পি.এম.মোদীনা অকনবা ৱাফম থমখি, “ভারতনা থৌনা লৈনা হায়খি: পনখৈশিং থুগাইয়ু, ওইথোকপা য়াবশিং অদু অনলোক তৌ।”
প্রধান মন্ত্রীনা হায়খি মদুদি হৌখিবা চহি ১২ অসিদা শরকারনা লায়রবশিংবু মপাঙ্গল কনখত্হনদুনা অমসুং শক্তি পিদুনা অমসুং মখোয়গী ইজ ওফ লিভিংগীদমক স্কীমশিং হৌদোক্তুনা ৱাখল্লোন অদু হোঙদোকখি, মদুগী মহৈ অদু ঙসিদাি উবা ফংলি। ভারততা চহি ১২দগী ১৩ ফাওবগী মনুংদা মিওই কোতি ৫০ লায়রবদগী নান্থোকখি হায়না ৱারল্দ বেঙ্ককি খ্বাইদগী নৌবা রিপোর্তকি মতাঙদা পন্দুনা মহাক্না মায়পাকপা অসিগী মরুওইবা অদু ফোঙদোকখি। “মসি অপিকপা অহোঙবা অমনি, মসি হায়রিবা ৱাখল্লোন অদুগী মহৈনি মদুদি: পনখৈশিং অদু থুগাইয়ু” হায়না পি.এম.মোদীনা হায়খি।
সেমিকন্দক্তর মিসন অসি অতোপ্পা খুদম অমা ওইনা পিরদুনা প্রধান মন্ত্রীনা নোৎ তৌখি মদুদি মসিগী হৌদোকপদা অতোপ্পা লৈবাকশিংনা চহি ৫০গী মমাঙদগী সেমিকন্দুক্তারশিং শারকপা মতমদা করি দরকার ওইরিবনো অমসুং হৌজিক ভারতনা করি ফংবা ঙমগনি হায়না হংলকপা ৱাহং কয়া অম্বা থেংনখি। শ্রী মোদীনা রিমারক্ তৌখি, “মরম অদুনা ঐহাক্না সেমিকন্দক্তর মিসনগী মতাঙদা ঙাংলবা মতমদা হায়খি মদুদি হৌজিক্তি য়াম্না থেংথরে।”
মহাক্না অচেৎপা ৱারেপ লৌদুনা লৈরি হায়না ফোঙদোকলদুনা অমসুং মমাঙদা থেংথবা অম্বা লৈবনা মরম ওইদাুনা ভারতনা হৌজিকসু খুত থাদুনা ফমগদ্রা হায়না ৱাহং হংলি, প্রধান মন্ত্রীনা লনাই ওইনা ওফিসরশিংবু পুনশিন্দুনা থৌরাংশিং শেমদুনা হৌরকপা অদু নিংশিংখি। মহাক্না থোইদোক্না ফোংদোকখি মদুদি চহি মরিগী মনুংদা লৈবাক শিনবা থুংনা সেমিকন্দক্তরগী খুদোংচাবা কয়া অম্বা হৌদোকখ্রে, ভারতনা চিপশিং মপান্দা থাদোকপা হৌরে, অমসুং হান্নগী আই.আই.তি. “অদুবু খন্থবিয়ু, করিগুম্বা ঐখোয়না মফম অদুদা তৌখিবা অদু য়ানরম্লবদি অমসুং হৌজিক ঐখোয়না করিগীদমক্তা সেমিকন্দুক্তারশিং শেমগদগে হায়বদু য়ারম্লবদি, মদুগী মতুংদা করিগুম্বা অমত্তা থোকখিরোয়” হায়না পি.এম.মোদীনা রিমার্ক তৌখি।
স্পেস সেক্তরবু অতোপ্পা অচেৎপা খুদম অম্বা ওইনা লৌরদুনা প্রধান মন্ত্রীনা থোইদোক্না ফোংদোখি মদুদি ভারতকি স্পেস ইকোসিস্তেম অসি মমাঙদা এন্ত্রি অসি অচৌবা মওংদা অথিঙবা থমখি অমসুং লোঞ্চ নত্রগা মিসন খুদিংমক মশাগী ওইবা তোপ তোপ্পা সিস্তেম অমা তুং ইন্দুনা ওর্গনাইজেসনগী মপান্দা নহা ওইরিবা তেলেন্ত অদু খুদোংচাবা খরা লৈখিবা ইসরোদা কনফাইন তৌদুনা লৈখি। মহাক্না মন্ত্রালয়দা নহা ওইরিবা ইনোবেতরশিংদা খুদোংচাবা পিনবা অমদি ভারতকি স্পেস সেক্তর অসি নহাশিংদা অনলোক তৌনবা মতৌ করম্না তকশিনখিবগে হায়বদু নিংশিংলদুনা মহাক্না মহাকনা অকনবা ৱাফম থমখি মদুদি আই.আই.তি.খরগপুরগী এলমনস অমা ওইরিবা পৱন্না স্কাইরুৎ এরোস্পেস লিংখৎখি, মসিনা ভারতপু অহানবা প্রায়ভেৎ রোকেৎ লোঞ্চ তৌবগী চাউথোকচবা অদু ফংহনখি। মসিগী মথক্তা, অতোপ্পা স্পেস স্তার্তঅপ কয়ানা ভারতকি স্পেস প্রোগ্রাম অসি খোঙজেল য়াংখৎহল্লি অমসুং মতম অমদা ওইথোকপা য়াদবা ওইরম্বা অদু অশেংবা ওইহল্লে। শ্রী মোদীনা হায়খি, “ঐহাকনা চাওথোকচনা হায়বা ঙম্মী মদুদি মশি ওইথোকপা ঙমদবা ওইহনবদা অদোমগি এলুমনিয়নশিংনা অচৌবা থৌদাং অমা পিখ্রে।” লাক্কদৌরিবা দিকেদ অনি অসি মখোয়গী পুন্সিগী খ্বাইদগী প্রদক্তিব ওইবা চহিশিং অমসুং ভারতকি চাওখত্পগী খ্বাইদগী ৱারেপ লৌবা চহিশিংগী মনুংদা অমনি হায়না লৈবাক অসিনা মহৈরোয়শিংদগী অচৌবা এক্সপেক্তেসন লৈ হায়বসিদা অকনবা ৱাফম থম্লদুনা প্রধান মন্ত্রীনা পনখি মদুদি মখোয়গী মনুংদা কয়া অমদি ২০৪৭ ফাওবদা লুচিঙবগী ফমশিংদা লৈরগনি, মসিনা মখোয়গী মায়পাকপা খুদিংমক জাতি অসিগীদমক মরু ওইবা ওইরগনি। মহাক্না মখোয়দা মতম পুম্নমক্তা মখোয় মশাদা করম্বা নেস্নেল চেলেঞ্জ অদু সোল্ব তৌবদা কন্ত্রীব্যুৎ তৌবা পাম্লিবগে হায়না হংনবা অমসুং মহাক্কী নেসন ফর্স্তকি মন্ত্র অদু নিংশিংনবা তকশিনখি। প্রধান মন্ত্রী মোদীনা হায়খি, “অদোম্না মসিগী ৱাখল্লোন অসিগা লোয়ননা মাংলোমদা চংশিল্লকপা মতমদা, মসিনা অদোমগীদমক অনৌবা খুদোংচাবশিং শোয়দনা পুরক্কনি অমদি লৈবাক অসিদসু কান্নবা য়াম্না ফংগনি।”
হৌখিবা চহি ৭৫ অসিদা মখোয়গী অঙকপা থবকশিং থাগত্লদুনা অমসুং কন্না হোত্ননবা অমসুং ইন্সতিত্যুৎ অসিগী চহি ১০০ সুরবা থৌরম অসি বিকসিত ভারত অমদা পাঙথোক্নবা অচেৎপা ৱারেপ অদুগা লোয়ননা মাংলোমদা চঙশিন্নবা তকশিল্লদুনা প্রধান মন্ত্রীনা স্বামি বিবেকানন্দগী ৱাফম অদুগা লোয়ননা মহাক্কী ৱা লৌইশিনখি, ‘হৌরো, হৌগৎলো অমদি পান্দম অদু ফংদ্রিবফাওবা লেপকনু’।
***