سماجی انصاف اور تفویض اختیارات کی وزارت
azadi ka amrit mahotsav

انڈیا انٹرنیشنل ٹریڈ فیئر  2026 کے 45ویں ایڈیشن میں سماجی انصاف اور تفویض اختیارات کی وزارت کے پویلین نے 60.78 لاکھ روپے سے زائد کی مجموعی فروخت درج کی


اس سے مقامی مصنوعات اور روایتی دستکاری کے تئیں صارفین کے مضبوط ردِ عمل کی عکاسی ہوتی ہے

یہ تجارتی میلہ 27 نومبر 2026 کو اختتام پذیر ہوگا

پوسٹ کرنے کی تاریخ: 20 NOV 2026 8:14PM by PIB Delhi

نئی دہلی کے بھارت منڈپم میں جاری 45ویں انڈیا انٹرنیشنل ٹریڈ فیئر (آئی آئی ٹی ایف) 2026 میں سماجی انصاف اور تفویضِ اختیارات کی وزارت کے پویلین کو وزیٹرس کی جانب سے مسلسل حوصلہ افزا ردِ عمل حاصل ہو رہا ہے، اور 19 نومبر 2026 تک اس کی مجموعی فروخت 60.78 لاکھ روپے سے تجاوز کر گئی ہے۔

https://static.pib.gov.in/WriteReadData/userfiles/image/2026/nov/image001_20261120201500_69106f.jpg

فروخت میں یہ مسلسل اضافہ ملک بھر میں بھارت کی روایتی دستکاری، مقامی مصنوعات، متنوع برادریوں سے تعلق رکھنے والے کاریگروں کی کاروباری صلاحیتوں اور پائیدار روزگار کے مواقع پیدا کرنے کے تئیں صارفین کی بڑھتی ہوئی قدردانی کی عکاسی کرتا ہے۔

https://static.pib.gov.in/WriteReadData/userfiles/image/2026/nov/image002_20261120201508_0012d6.jpg

آئی ٹی پی او کے ہال نمبر 5، گراؤنڈ فلور پر واقع وزارت کا پویلین بھارت کی متنوع فنی روایات، مقامی مہارتوں اور کاروباری صلاحیتوں کو اجاگر کرنے والے ایک متحرک پلیٹ فارم کے طور پر ابھرا ہے، جبکہ یہ روایتی کاریگروں اور صارفین کے درمیان براہِ راست رابطے میں بھی سہولت فراہم کر رہا ہے۔

وزارت کا پویلین آنے والوں کو بھارت کے متنوع ثقافتی اور فنی ورثے کا مشاہدہ کرنے، کاریگروں سے براہِ راست گفتگو کرنے اور مستند، مقامی اور ہاتھ سے بنی مصنوعات خرید کر ان کی معاشی خود مختاری میں اپنا حصہ ڈالنے کا موقع فراہم کرتا ہے۔

 

https://static.pib.gov.in/WriteReadData/userfiles/image/2026/nov/image003_20261120201516_24d1fa.jpg

وزارت کے ایک سینئر عہدیدار نے بتایا کہ جاری تجارتی میلے میں وزارت کے تین اعلیٰ کارپوریشنز یعنی نیشنل شیڈولڈ کاسٹس فنانس اینڈ ڈیولپمنٹ کارپوریشن (این ایس ایف ڈی سی)، نیشنل بیک ورڈ کلاسز فنانس اینڈ ڈیولپمنٹ کارپوریشن (این بی سی ایف ڈی سی) اور نیشنل صفائی کرمچاریز فنانس اینڈ ڈیولپمنٹ کارپوریشن (این ایس کے ایف ڈی سی) کے ذریعے 19 ریاستوں کے 130 سے زائد کاریگر اپنی مصنوعات کی نمائش کر رہے ہیں۔

https://static.pib.gov.in/WriteReadData/userfiles/image/2026/nov/image004_20261120201521_0b5ba6.jpg

انہوں نے کہا کہ وزارت کے تینوں اعلیٰ کارپوریشنز کی شرکت عزت مآب وزیرِ اعظم جناب نریندر مودی کے وژن اور 'سب کا ساتھ، سب کا وکاس' کے اصول کے عین مطابق درج فہرست ذاتوں، پسماندہ طبقات، صفائی متروں اور غیر نوٹیفائیڈ، خانہ بدوش اور نیم خانہ بدوش قبائل (ڈی این ٹی) سے تعلق رکھنے والے کاریگروں اور کاروباری افراد کے منڈیوں سے روابط کو مضبوط بنانے، ان میں کاروباری رجحان کو فروغ دینے اور ان کی سماجی و معاشی خود مختاری کو آگے بڑھانے کی مسلسل کوششوں کو اجاگر کرتی ہے۔

 

https://static.pib.gov.in/WriteReadData/userfiles/image/2026/nov/image005_20261120201530_8d7cd8.jpg

عہدیدار نے بتایا کہ اس پویلین میں روایتی ہینڈ لوم، باریک بینی سے تیار کردہ دستکاری کی اشیاء، ہاتھ سے بنے زیورات، ملبوسات، جوتے، ہاتھ سے تیار کردہ دیگر اشیاء اور مقامی مصنوعات کی ایک وسیع رینج نمائش کے لیے رکھی گئی ہے، جو ملک کے مختلف خطوں کی منفرد فنی شناخت اور مالا مال ثقافتی ورثے کی نمائندگی کرتی ہے۔

https://static.pib.gov.in/WriteReadData/userfiles/image/2026/nov/image006_20261120201538_04dc9d.jpg

انہوں نے کہا کہ آئی آئی ٹی ایف جیسی قومی سطح کی نمائشوں میں شرکت کاریگروں کو اپنی مصنوعات کی مقبولیت بڑھانے، صارفین سے براہِ راست رابطہ کرنے، صارفین کی بدلتی ہوئی ترجیحات کو سمجھنے، کاروباری نیٹ ورکس قائم کرنے اور نئی منڈیوں کے مواقع تلاش کرنے کا موقع فراہم کرتی ہے۔

https://static.pib.gov.in/WriteReadData/userfiles/image/2026/nov/image007_20261120201557_2b19f4.jpg

انہوں نے کہا کہ آئی آئی ٹی ایف 2026 میں وزارت کی شرکت کا ایک نمایاں پہلو 'ٹیولپ' (روایتی کاریگروں کی ترقی و روزگار پروگرام) کا فروغ ہے، جس کا مقصد کاریگروں کی تیار کردہ مصنوعات کے لیے بازار میں ایک منفرد شناخت قائم کرنا اور صارفین کے درمیان ان کی مقبولیت اور پہچان کو بڑھانا ہے۔

انہوں نے مزید کہا کہ 'ٹیولپ' برانڈ کے فروغ کے ذریعے وزارت روایتی دستکاری اور جدید منڈی کی ضروریات کے درمیان پائے جانے والے خلاء کو پُر کرنے، جدت طرازی کی حوصلہ افزائی کرنے، کاروباری صلاحیتوں کو مضبوط بنانے اور کاریگروں کے لیے آمدنی پیدا کرنے والے پائیدار مواقع فراہم کرنے کی کوشش کر رہی ہے۔

https://static.pib.gov.in/WriteReadData/userfiles/image/2026/nov/image008_20261120201603_4d2e2a.jpg

جاری 45واں انڈیا انٹرنیشنل ٹریڈ فیئر 2026، جس کا افتتاح 13 نومبر 2026 کو ہوا تھا، تجارت، کاروبار، انٹرپرینیورشپ  اور ثقافتی تبادلے کے لیے ایک نمایاں پلیٹ فارم فراہم کرتا ہے، جو متنوع پس منظر سے تعلق رکھنے والے پروڈیوسرز اور صارفین کو ایک ساتھ لاتا ہے۔ یہ تجارتی میلہ 27 نومبر 2026 کو اختتام پذیر ہو رہا ہے۔

****

 (ش ح –ا ب ن)

U.No:8014


(ریلیز آئی ڈی: 2339369) وزیٹر کاؤنٹر : 7
یہ ریلیز پڑھیں: हिन्दी , English