شماریات اور پروگرام کے نفاذ کی وزارت
azadi ka amrit mahotsav

مجموعی گھریلو پیداوار (جی ڈی پی)، صارفین کے اشاریہ قیمت (سی پی آئی) اور صنعتی پیداوار کے اشاریہ (آئی آئی پی) کی نئی سیریز پر ڈیٹا صارفین کی کانفرنس 23 نومبر 2026 کو ممبئی میں منعقد ہوگی

پوسٹ کرنے کی تاریخ: 20 NOV 2026 6:07PM by PIB Delhi

شماریات اور پروگراموں کے نفاذ کی وزارت (ایم او ایس پی آئی) کی جانب سے 23 نومبر 2026 کو ممبئی میں "مجموعی گھریلو پیداوار (جی ڈی پی)، صارفین کے اشاریہ قیمت (سی پی آئی) اور صنعتی پیداوار کے اشاریہ (آئی آئی پی) کی نئی سیریز پر ڈیٹا صارفین کی کانفرنس" کا انعقاد کیا جا رہا ہے۔ یہ کانفرنس سال 2026 کے دوران ان تینوں اشاریوں کی نئی سیریز کے اجرا کے بعد منعقد کی جا رہی ہے، جس کا مقصد ڈیٹا صارفین کو طریقہ کار میں کی گئی تبدیلیوں، استعمال ہونے والے ڈیٹا کے ذرائع اور اہم اصلاحات سے روشناس کرانا ہے۔

بنیادی سال 2022-23 کے ساتھ قومی حسابات کی نئی سیریز 27 فروری 2026 کو جاری کی گئی تھی، جس کے بعد اگست 2026 میں صنعتی پیداوار کے اشاریہ  اور پروڈیوسر پرائس انڈیکس (پی پی آئی) کی اپ ڈیٹ شدہ سیریز کو شامل کر کے اسے مزید بہتر بنایا گیا۔ نئی سیریز میں کارپوریٹ امور کی وزارت کے ڈیٹا، غیر منظم شعبے کے اداروں کے سالانہ سروے (اے ایس یو ایس ای)، اور متواتر لیبر فورس سروے (پی ایل ایف ایس) وغیرہ کے وسیع تر استعمال کے ذریعے نجی کارپوریٹ اور غیر منظم شعبوں کی پیمائش کو بہتر بنایا گیا ہے۔ زرعی شعبے کے علاوہ مینوفیکچرنگ کے شعبے میں بھی دوہری افراطِ زر کی کمی کے طریقہ کار کو اپنانا، سالانہ تخمینوں میں رسد اور استعمال کے جدول کو ضم کرنا، بینچ مارکنگ کے لیے متناسب ڈینٹن طریقہ اور سہ ماہی تخمینوں کے لیے جی ایس ٹی ڈیٹا کا استعمال اس سیریز کی دیگر نمایاں خصوصیات ہیں۔

بنیادی سال 2024 کے ساتھ صارفین کے اشاریہ قیمت کی نئی سیریز 12 فروری 2026 کو جاری کی گئی۔ یہ گھریلو صرفِ اخراجات کے سروے (ایچ سی ای ایس) 2023-24 پر مبنی ہے اور اس میں مقصد کے لحاظ سے انفرادی کھپت کی درجہ بندی (سی او آئی سی او پی) 2018 کو اپنایا گیا ہے۔ اس اشاریے کی فہرست کو بڑھا کر 358 اشیاء تک کر دیا گیا ہے، جن میں 50 خدمات بھی شامل ہیں، جبکہ قیمتوں کے اعداد و شمار 12 آن لائن بازاروں کے علاوہ 434 قصبوں اور شہروں میں پھیلے 1,465 دیہی اور 1,395 شہری بازاروں سے اکٹھے کیے گئے ہیں۔ اس میں پہلی بار دیہی مکانات کے کرائے کو شامل کیا گیا ہے، جبکہ ایندھن، ہوائی کرایوں، ٹیلی کام چارجز اور او ٹی ٹی خدمات جیسی اشیاء کے لیے انتظامی اور ای کامرس ڈیٹا کا استعمال کیا جا رہا ہے۔

بنیادی سال 2022-23 کے ساتھ صنعتی پیداوار کے اشاریہ کی نئی سیریز—جو جی ڈی پی، تھوک قیمتوں کے اشاریہ اور پروڈیوسر پرائس انڈیکس کے بنیادی سال سے ہم آہنگ ہے—یکم جون 2026 کو جاری کی گئی۔ اس کے دائرہ کار کو وسیع کرتے ہوئے اس میں معمولی اور نایاب زمینی معدنیات، گیس کی فراہمی، اور پانی کی فراہمی، سیوریج اور فضلے کے انتظام کے ایک نئے شعبے کو شامل کیا گیا ہے۔ اس نئی سیریز میں اشیاء کی اپ ڈیٹ شدہ فہرست اور فیکٹری پینل، فیکٹریوں کے متبادل کی گنجائش، اور مالیاتی قدر (ویلیو ٹرمز) میں درج پیداوار کی قیمتوں کو ایڈجسٹ کرنے کے لیے آؤٹ پٹ پروڈیوسر پرائس انڈیکس (او پی پی آئی) کا وسیع تر استعمال شامل ہے۔

یہ کانفرنس ریزرو بینک آف انڈیا اور سکیورٹیز اینڈ ایکسچینج بورڈ آف انڈیا کے نمائندوں، ماہرینِ معاشیات، محققین، مالیاتی اداروں اور بینکنگ کے شعبے کے ماہرین، تعلیمی حلقوں، متعلقہ موضوعات کے ماہرین، سرکاری اعداد و شمار کے صارفین اور مرکزی حکومت کے اعلیٰ حکام کو ایک پلیٹ فارم پر یکجا کرے گی۔

افتتاحی اجلاس میں شماریات اور پروگراموں کے نفاذ   کی وزارت کے سکریٹری ڈاکٹر سوربھ گرگ، ریزرو بینک آف انڈیا (آر بی آئی) کی ڈپٹی گورنر ڈاکٹر پونم گپتا، ایچ ڈی ایف سی کے سابق چیئرمین جناب دیپک پاریکھ اور ڈائریکٹر جنرل (مرکزی شماریات) ڈاکٹر دلیپ سنگھ خطاب کریں گے۔ اس کے بعد جی ڈی پی، سی پی آئی اور آئی آئی پی  کی نئی سیریز پر تین تکنیکی اجلاس منعقد ہوں گے، جن میں ایم او ایس پی آئی اور آر بی آئی  کی جانب سے پریزنٹیشنز پیش کی جائیں گی اور کھلے مباحثے ہوں گے۔ شرکاء کے ساتھ ان اشاریوں کی نظرثانی شدہ سیریز کے مختصر تصوراتی نوٹس پر مشتمل ایک کتابچہ بھی شیئر کیا جائے گا۔

یہ کانفرنس صارفین اور سرکاری اعداد و شمار مرتب کرنے والوں دونوں کو ایک قیمتی موقع فراہم کرے گی تاکہ وہ ان تبدیلیوں، ان کی تشریح اور ان کے اثرات پر براہِ راست تبادلۂ خیال کر سکیں۔

اس کانفرنس کا مقصد سرکاری اعداد و شمار کی بہتر تفہیم اور مؤثر استعمال کو فروغ دینا، اور شماریات اور پروگراموں کے نفاذ کی وزارت (ایم او ایس پی آئی) اور صارف برادری کے درمیان روابط کو مضبوط بنانا ہے۔

وزارت اس اہم مشاورتی عمل میں تمام متعلقہ فریقوں کی فعال شرکت اور قیمتی آراء کا خیرمقدم کرتی ہے۔

**********

 (ش ح –ا ب ن)

U.No:8002


(ریلیز آئی ڈی: 2339268) وزیٹر کاؤنٹر : 4
یہ ریلیز پڑھیں: English , हिन्दी