Ka Ophis jong u Myntri Rangbah duh ka ri
azadi ka amrit mahotsav

Plie u Myntri Rangbahduh ka ri, u Narendra Modi ϊa ka General Meeting bad ϊa ka Convention ba shi sien shi snem.

Ka khana shaphang ka jingkiew jong ka India kala wanrah ϊa ki lad ki lynti bathymmai; Ki karkhana jong ngi ki dei ban long kiba la khreh ban kurup ϊa ki: Myntri Rangbahduh ka ri.


Ka FICCI ka la kynjoh 100 snem naduhba la seng ϊa ka; Na ka bynta ka seng ba kan ϊailong kaba peitngor, bad kaba treikam da ki spah snem, ban ϊaid katkum ka jingkylla jong ka por, bad ban ϊaidonbynta ha ka jingϊaid lynti jong ka ϊoh ka kot jong ka ri, ka long shisha ka jingjop kaba khraw: Myntri rangbahduh ka ri


Ha ka jingϊaid lynti jong ka ha kine ki spah tylli ki snem, ka FCCI kala sakhi ϊa ka jingjop kaba khraw jong ka karkhana jong ka ri; Mynta ka la dei ka por ban rai kaei kaba ka karkhana jong ka India ka lah ban ϊohpdiang ha kine ki 20 snem ban nangwan: Myntri Rangbahduh ka ri


Pynlong nyngkong ϊa ka India ka tynrai jong manla ka rai kaba ngi shim na ka bynta ka jingbei tyngka ha kine ki 20 snem ban wan; Kane kan pynlong ϊa ka ri kaba shañiah tylli ha lade bad kan sa plie ruh ϊa ki lad ki lynti bathymmai na ka bynta ka jingkiew jong ka sengkam sengjam jong phi: Myntri Rangbahduh ka ri


Ki ϊew hapoh ka ri jong ngi kim dei ban long ka jingkutnoh ϊa ngi; Ki dei ban ai ha ngi ϊa ka jingsngewskhem ban gin lah ban ϊakhun bad kiwei pat ki ϊew ha ka pyrthei; Kumta, bei tyngka da ka jingsngewthuh ϊa k i jingdonkam jong ki nongthied kiba don ha kylleng ki bynta jong ka pyrthei: Myntri Rangbahduh ka ri

Ha ka: 19 NOV 2026 1:29PM by PIB Shillong

U myntri rangbahduh ka ri, u Narendra Modi hynne ka sngi ula plie pyrda ϊa ka General Meeting bad ϊa ka convention ba shi sien shi snem jong ka Federation of Indian Chambers of Commerce and Industry (FICCI) ha  Bharat Mandapam, New Delhi. Haba ai jingkren ha kane ka jingϊalang jong ka jingrakhe ϊa ka jingdap shispah snem jong ka FICCI, u la ϊathuh ba kham hashwa ula ju leit ban ϊadonlang ha ki babun tylli ki jingϊalang jong ka FICCI, hynrei mynta ka sngi ka long kaba kham kyrpang namarba kane ka kynhun ka la kynjoh sha ka 100 snem jong ka jinglong adkar, ban ϊaid katkumka jingkylla jong ka por, bad ban nohsynñiang na ka bynta ka jingϊid lynti jong ka ϊoh ka kot jong ka ri.

Haba buddien ϊa  ka ϊoh ka kot jong ka India ha kine ki spah snem ba la leit, u myntri rangbahduh ka ri ula pynpaw ba kumno ka jingtrei shitom jong ki paid nongshong shnong, ki samla, ki nongrep, ki nongtrei, bad ki karkhana ha kine ki palat 12 snem ba la leit kila pynkylla ϊa  ka jingϊaid lynti jong ka ϊoh ka kot. “Mynta ha India, ka jingϊaid lynti jong ka jingkiew ka la long kaba stet tam, bad ka jingstet ha ka ban laitnoh na ka jingduk tasam ka long ka bym pat ju mad mynno mynno ruh,” ϊathuh u Myntri Rangbahduh ka ri, u Modi.

Haba kdew ϊa ka kaiphod bathymmai jong ka World Bank kaba pyni ba 50 klur ngut ki nong India ki la lait na ka jingduk tasam tang hapoh ki 12-13 snem, u myntri rangbahduh ka ri ula pynpaw ϊa  ka jingsngewsarong ha kaba ka ri ka la lah ban poi shaduh une u mawmer. “ Kane ka kaiphod kan pynlong ϊa  ngi baroh ban gin dap da ka jingsngewsarong,” ong u myntri rangbahduh ka ri, u Modi.

Ha kine ki 12- 13 snem ba la leit ha kaba 50 klur ngut ki paidbah ki la lait na ka jingduk tasam hapoh ki mat treikam kiba biang, u myntri rangbahduh ka ri ula bishar bñiah ϊa  ka jingϊaid lynti ba mynta jong ka India. “ Ka pyni ba ka lynti kaba ka India ka ϊaid mynta ka long kaba dei, kaba shai, bad kaba don ruh ϊa ka jingkyrmen ba ka r ikan poi sha ka jingjop,” ong u myntri rangbahduh ka ri, u Modi. 

Haba pynpaw ϊa  ka kyrdan jong ka India kum kawei na ki ri kaba kiewstet tam ha ka ϊoh ka kot napdeng ki ri jong ka pyrthei bala pynpaw da ki tnat treikam ba heh ka ban kiew haduh kumba 7 na ka 100, ryngkat bad ka jinglum jingkheiñ ha ka jingshalan ϊa ki mar ki mata ha u bnai Risaw kaba kot jan 50 billion dollar, u myntri rangbahduh ka ri u la pynpaw ba kumno kane ka jingtreikam kala pynlong ϊa  ki kynhun treikam jong ka pyrthei ban pynthymmai ϊa ka jingkiew jong ka India. “Ka Moody's Ratings, ka S&P Global Ratings, ka Fitch Ratings, ka World Bank, bad ka Asian Development Bank ki la pyni ϊa  ka ϊoh ka kot jong ngi kaba kiew,” ϊathuh u myntri rangbahduh ka ri, u Modi.

Haba kdew ϊa ka dkhot na ka jingthoh barim ka ‘Uddharet Atmana Atmanam, Na Atmanam Avsadayet’ ban banjur ba ki riew shimet, ka karkhana, bad ka ri ki dei ban kyntiew ϊalade lyngba ka jingkhmihϊt ϊalade na ka por sha ka por ha ka jaka ban shu shañiah tang ha ki tnat treikam bad ki jingϊohnong ba tang shipor, u myntri rangbahduh ka ri ula kyntu ϊa ka FICCI ba kan khmih palat ϊa ki jingjop jong ka kiba kala ϊohpdiang ha kine ki shispah snem bad ban don lypa ka jingthmu na ka bynta ki 20 snem ban wan hapdeng ka jingpyndonkam ϊa ki marpoh kyndew ha ka pyrthei kum ki atiar, khnang ba ki karkhana jong ka India kin pynkhlaiñ shuh shuh ϊa ka jingshañiah tylli ha lade bad ban plie ϊa ki lad ki lynti bathymmai na ka bynta ka jingkiew ha ka seng kam seng jam. “ Ha manla ka rai jong ka  jingbeityngka kaba bun snem jong phi na ka bynta ki 20 snem ban wan, buh shwa nyngkong eh ϊa ka India kum ka nongrim jong phi,” ong u myntri rangbahduh ka ri, u Modi.

Haba kdew ba watla ϊa  ka India la ju tip ha ka pyrthei kum ka jaka shna bad pynmih dawai jong ka pyrthei ne ka Pharmacy of the world bad kaba paw bha ha kaban pynmih ϊa  ki dawai ba la dep shna, hynrei ka dang hap ban thied ϊa  ki API, ki dawai ba bun jait kiba shongdor da ki billion dollar, u myntri rangbahduh ka ri ula kyntu ϊa  ka tnat shna bad pynmih dawai ban khmihthuh ϊa ki lad ban shan dawai hapoh la ka ri bad ban bei tyngka ha ka jingstad teknoloji bathymmai bad ha ki karkhana ba heh na ka bynta ban lah ban ϊakhun bad kiwei pat ki jaka shna bad pynmih dawai ha ka pyrthei. “ Ha ka jingpynmih ϊa  ki dawai ba la dep shna, ngi don ϊa ka jingkhlaiñ, bad mynta ngi hap ban ϊaleh katkum ka jinglah jong ngi ban wanrah ϊa  ki jingdonkam kiba donkam ha ka ban shna dawai ruh kumjuh,” ong u myntri rangbahduh a ri, u Modi.

Haba pynpaw ϊa  ki jingduna kiba kum kine hapoh ki karkhana  pynmih nar, steel, bad aluminium, ha kaba ka India ka shalan ϊa ka nar kaba shongdor da ki hajar klur tyngka bad ka don ruh shibun bah ka jaka pyllang jong u bauxite hynrei ka dang hap ban thied na shabar ϊa ka steel, ki alluminium alloy ba kham kyrpang, bad kiwei kiwei pat ki mar, u myntri rangbahduh ka ri ula khot la wer ϊa ki karkhana ban khmihthuh ϊa ka jinglong jong ki mar ba wan thied na shabar ri, ban wanrah ϊa ka jingstad teknoloji ha ki kam karkhana, bad ban tei ϊa ka jingstad kaba kyrpang halor ki marpoh khyndew. “ Ngi hap ban wanrah ϊa ka jinglah ban pynmih ϊa kum kine ki mar hapoh ka ri ruh kumjuh,” ong u myntri rangbahduh ka ri, u Modi   

Haba kdew ba ka bynta jong ka India ha ka jingshalan ϊa ki mar rep ha ka pyrthei ka long tang ar haduh arshiteng na ka shispah wat hapdeng ka jingkiew jong ka katba ka bynta jong ka India ha ka jingshalan ϊa ki mar bam kala kiew na ka 13 sha palat 20 na ka 100 ha kine palat 12 snem, u myntri rangbahduh ka ri ula kyntu ϊa ki karkhana ba kin shna ϊa ka buit treikam ban ϊatreilang kaban ϊadei bad ka jingdonkam ha ka pyrthei, ban kyntiew ϊa ka jingbei tyngka ha ka rep ka riang, bad ban pynbiang ϊa ki jingdonkam bad ϊa ki mar kiba la buh ban shalan sha ki ϊew jong ka pyrthei. “ Tyllilang kawei ngi hap ban pynkylla ϊa kane ka jinglong bad shim ϊa ka kum ka lad ka lynti kaba khraw na ka bynta ban kham pynbha ϊa ki mar bad ϊa ki karkhana pynmih marbam,” ong u myntri rangbahduh ka ri, u Modi.

Haba kdew ϊa  ka jinglah ka bym pat pyrshang ha kaba ϊadei bad ka jingpynmih ϊa  ki tiar engineering, ha kaba ka bynta jong ka India ha kaba ϊadei bad ka jingpynmih bad shalan ϊa  ki tiar kti bad ki tiar ba pyndonkam da ka bording ka dang long kaba duna bha, bad ka jingpynmih bad shalan ϊa  ki kor ki bor sha ki ri ba dang sdang ban kiew  bad sha Global South, u myntri rangbahduh ka ri ula pynshlur ϊa  ki karkhana ba heh ba kin ϊarap lem ϊa  ki karkhana rit ba kin kham pynbha ϊa  ka jinglong jong ki tiar ba ki pynmih bad ban wad ϊa  ki tiar kiba donkam ha kaba ϊadei bad ka rukom song ϊa  ki mar, ka rukom ai um, bad ki iew na ka bynta ki kor ki bor. “Ngi lah ban pynbha ϊa kane ka bynta ha kaban kyntiew ϊa ka kyrdan jong jong ngi ha ki ϊew jong ka pyrthei,” ong u myntri rangbahduh ka ri, u Modi.

Haba banjur ba ϊa ka jingkiew jong ka ri dei ban ai burom ϊa ki nongrep, ki nongsengkam barit, ki karkhana, bad ϊa ki nongsiew khajna, u myntri rangbahduh ka ri ula batai bñiah ϊa ki jingpynkylla kiba ϊadei bad ki jingsengkam bad ki nongsiew khajna ba kynthup ϊa ka jingpynhiar ϊa ka jinglum khajna da 30 na ka 100 ha ka snem 2014 sha ka 22 na ka 100, ban pyllait noh ϊa ka jingϊoh kaba haduh 12 lak tyngka ban kyntiew ϊa ka kamai kajih , ban kham pynsuk ϊa ki jingpynphai ϊa ka pisa, bad kham pynduna ϊa ka khajna GST ha ki mar kiba bun jait ban kyntiew ϊa ka jingdawa ϊa ki. “ ka jingmyntoi jong ka kan leit sha ki karkhana jong ngi bad ki ϊing sengkam.” Ong u myntri rangbahduh ka ri, u Modi.   

Da kaba pynshlur ϊa  ki karkhana ban pyndonkam  ϊa  ki jingϊatehkular jong ka khaϊi pateng kiba dang bad ka Reform Express ban shim ϊa ki lad ki lynti ryngkat bad ki 140 klur tylli ki ϊew hapoh ka ri, u myntri rangbahduh ka ri u plie ϊa ka jingkhang jong ka sorkar na bynta ki jingai jingmut da kaba kyntu ruh ϊa ki nongseng kam ban bei tyngka na ka bynta ban sngewthuh ϊa ki jingdonkam jong ki nongthied, ban pynbiang ϊa ki jingdonkam, bad ban wanrah ϊa ki lad ki lynti na ka bynta ban shalan ne pynϊaid ϊew ϊa ki mar, hashwa ban pynkut ϊa ka jingkren jong u da ka jingai khublei kitbok kitrwiang ϊa baroh ki nongϊashim bynta. “ Ki ϊew hapoh ka ri jong ngi kim dei ban long ka jingkut ϊa ngi, hynrei ki dei ban ai ha ngi ϊa ka jingsngewskhem na ka bynta ban ϊa airing bad kiwei pat ki ϊew ha ka pyrthei,” ong u myntri rangbahduh ka ri, u Modi.

 

My best wishes to Union Minister Shri Kiren Rijiju on his birthday. He has been making extensive efforts to ensure inclusive development and empower the youth of India. At the same time, his work towards strengthening our Parliamentary democracy, increasing the standards of Parliamentary debate and participation is noteworthy. Praying for his long and healthy life. @KirenRijiju

— Narendra Modi (@narendramodi) November 19, 2026

 

**************

 


(Release ID: 2338702) visitor counter : 14