বাণিজ্য আৰু উদ্যোগ মন্ত্ৰালয়
azadi ka amrit mahotsav

অক্টোবৰ, ২০২৬ মাহৰ অস্থায়ী পাইকাৰী মূল্য সূচক, উৎপাদনকাৰী মূল্য সূচক আৰু পৰীক্ষামূলক ইনপুট উৎপাদনকাৰী মূল্য সূচক তথা আগষ্ট, ২০২৬ মাহৰ চূড়ান্ত সূচক

অক্টোবৰ, ২০২৬ মাহৰ বাবে অস্থায়ী পাইকাৰী মূল্য সূচক (ভিত্তি বৰ্ষ ২০২২-২৩)

পোষ্ট কৰা হৈছে: 16 NOV 2026 12:00PM by PIB Guwahati

অক্টোবৰ, ২০২৬ মাহৰ পাইকাৰী মূল্য সূচকৰ (ভিত্তি বৰ্ষ ২০২২-২৩) মুখ্য আকৰ্ষণীয় দিশসমূহ

১। ২০২৬ চনৰ অক্টোবৰ মাহত সৰ্বভাৰতীয় পাইকাৰী মূল্য সূচক (WPI) ভিত্তিক মুদ্ৰাস্ফীতিৰ হাৰ বছৰৰ একে সময়ছোৱাৰ (YoY) তুলনাত ১২.২৯ শতাংশ হৈছে, যিটো ২০২৬ চনৰ ছেপ্টেম্বৰ মাহত ১১.৩৯ শতাংশ আছিল। চলিত বৰ্ষৰ অক্টোবৰ মাহত সকলো সামগ্ৰীৰ সূচক ১১৩.৩ হৈছে, আনহাতে এই বৰ্ষৰে ছেপ্টেম্বৰ মাহত এই সূচক ১১২.৫ আছিল।

২। ২০২৬ চনৰ অক্টোবৰ মাহত প্ৰাথমিক সামগ্ৰী, ইন্ধন আৰু শক্তি তথা উৎপাদিত সামগ্ৰী—এই প্ৰধান গোটসমূহৰ বছৰৰ একে সময়ছোৱাৰ (YoY) তুলনাত মুদ্ৰাস্ফীতিৰ হাৰ ক্ৰমে ৯.২৪ শতাংশ, ৩২.৮৪ শতাংশ আৰু ৯.৫৪ শতাংশ হৈছে। ইয়াৰ বিপৰীতে, ২০২৬ চনৰ ছেপ্টেম্বৰ মাহত এই হাৰসমূহ ক্ৰমে ৮.৬৭ শতাংশ, ২৫.৮৫ শতাংশ আৰু ৯.৭৬ শতাংশ আছিল। ২০২৬ চনৰ অক্টোবৰ মাহত প্ৰাথমিক সামগ্ৰী, ইন্ধন আৰু শক্তি তথা উৎপাদিত সামগ্ৰীৰ সূচক ক্ৰমে ১২০.৬, ১১৫.৭ আৰু ১১০.২ হৈছে। আনহাতে, ২০২৬ চনৰ ছেপ্টেম্বৰ মাহত এই সূচকসমূহ ক্ৰমে ১২০.৩, ১১০.৫ আৰু ১১০.২ আছিল।

৩। বিভিন্ন গোটৰ ভিতৰত ‘খনিজ তেল (পেট্ৰ’লিয়ামজাত সামগ্ৰীকে ধৰি)’, ‘অপৰিশোধিত পেট্ৰ’লিয়াম আৰু প্ৰাকৃতিক গেছ’, ‘বিদ্যুৎ’, ‘খাদ্য সামগ্ৰী’, ‘মৌলিক ধাতুৰ উৎপাদন’, ‘ৰাসায়নিক পদাৰ্থ আৰু ৰাসায়নিক সামগ্ৰীৰ উৎপাদন’, ‘খাদ্য সামগ্ৰীৰ উৎপাদন’, ‘অখাদ্য সামগ্ৰী’, ‘বস্ত্ৰ উৎপাদন’ আৰু ‘ৰবৰ তথা প্লাষ্টিকজাত সামগ্ৰীৰ উৎপাদন’—এইসমূহে ২০২৬ চনৰ অক্টোবৰ মাহত পাইকাৰী মূল্য সূচক (WPI) ভিত্তিক মুদ্ৰাস্ফীতি বৃদ্ধিত গুৰুত্বপূৰ্ণ ভূমিকা গ্ৰহণ কৰিছে।

৪। পাইকাৰী মূল্য সূচকৰ খাদ্য সূচক (ওজন = ২৪.৯৯ শতাংশ): খাদ্য সূচকত প্ৰাথমিক সামগ্ৰী প্ৰধান গোটৰ ‘খাদ্য সামগ্ৰী’ আৰু উৎপাদিত সামগ্ৰী প্ৰধান গোটৰ ‘খাদ্য সামগ্ৰীৰ উৎপাদন’ অন্তৰ্ভুক্ত কৰা হৈছে। ২০২৬ চনৰ অক্টোবৰ মাহত এই সূচকৰ বছৰৰ একে সময়ছোৱাৰ (YoY) তুলনাত মুদ্ৰাস্ফীতিৰ হাৰ ৮.৫৮ শতাংশ হৈছে, যিটো ২০২৬ চনৰ ছেপ্টেম্বৰ মাহত ৮.৬৬ শতাংশ আছিল।

৫। সকলো সামগ্ৰী আৰু প্ৰধান গোটসমূহৰ মাহেকীয়া সূচক আৰু মুদ্ৰাস্ফীতিৰ হাৰ (শতাংশত), লগতে বিগত মাহসমূহৰ বাবে প্ৰধান গোটভিত্তিক অৱদান তলৰ লেখচিত্ৰসমূহত উপস্থাপন কৰা হৈছে।

 

***

Abhishek Dayal/PK


(ৰিলিজ আই ডি : 2336860) অতিথি কক্ষ : 6
ত এই ৰিলিজটো পঢ়ক: English , हिन्दी