રેલવે મંત્રાલયે ભગવાન બિરસા મુંડાને પુષ્પાંજલિ અર્પણ કરીને જનજાતીય ગૌરવ દિવસની ઊજવણી કરી

રેલવે મંત્રાલયે આજે નવી દિલ્હી ખાતે રેલ ભવનમાં મહાન આદિવાસી સ્વતંત્રતા સેનાની અને પૂજ્ય રાષ્ટ્રીય નાયક ભગવાન બિરસા મુંડાને ઔપચારિક દીવા પ્રજ્વલિત કરીને અને પુષ્પાંજલિ અર્પણ કરીને જનજાતીય ગૌરવ દિવસ મનાવ્યો હતો.

ગણમાન્ય વ્યક્તિઓએ ભગવાન બિરસા મુંડાને હાર્દિક શ્રદ્ધાંજલિ અર્પણ કરી હતી અને ભારતના સ્વતંત્રતા સંગ્રામમાં તેમના અસાધારણ યોગદાન તથા બ્રિટિશ વસાહતી શાસન સામેના તેમના બહાદુર પ્રતિકારને યાદ કર્યા હતા. તેમણે આદિવાસી સમુદાયોના અધિકારો, ગરિમા અને કલ્યાણનું રક્ષણ કરવા માટેની તેમની અતૂટ પ્રતિબદ્ધતાને પણ યાદ કરી હતી.

જનજાતીય ગૌરવ દિવસની ઉજવણી આદિવાસી સ્વતંત્રતા સેનાનીઓના અમૂલ્ય યોગદાનની યાદ અપાવે છે અને રાષ્ટ્રીય ગૌરવ, એકતા અને ભારતના સમૃદ્ધ આદિવાસી વારસા માટેના આદરની ભાવનાને મજબૂત કરે છે.

આ કાર્યક્રમ ભગવાન બિરસા મુંડાના આદર્શો, સાહસ અને કાયમી વારસાને સામૂહિક શ્રદ્ધાંજલિ સાથે સમાપ્ત થયો હતો.

આ સમારોહમાં રેલવે બોર્ડના મેમ્બર (TRS), મેમ્બર (ફાઇનાન્સ) અને મેમ્બર (ઇન્ફ્રા) ઉપસ્થિત રહ્યા હતા. આ પ્રસંગે ડાયરેક્ટર જનરલ્સ (DGs), સચિવ, રેલવે બોર્ડ અને રેલવે મંત્રાલયના અન્ય વરિષ્ઠ અધિકારીઓ તથા કર્મચારીઓ પણ ઉપસ્થિત રહ્યા હતા.

SM/BS/JD