Ha ka:
13 NOV 2026 11:41AM by PIB Shillong
Ka Assam Rifles Commanders’ Conference 2026 ka la long naduh ka 12 - 13 Naiwieng 2026 ha ka Headquarters Directorate General Assam Rifles, Laitkor, Shillong hapoh ka jing ialam u Lt Gen Vikas Lakhera, AVSM, SM, Director General Assam Rifles. Ka conference kaba ar sngi, ka la wan lam lang ia ki Formation Commanders, Battalion Commanders bad ki ophisar rangbah Ki ophisar ban iamir jingmut halor ki mat ba kongsan jong ka jing treikam,bad ki mat treikam kiba iadei bad ka Force.
Ka jingialang ka la ai ia ka rynsan ban khmih bniah ia ka jinglong jingman jong ki bor iada, ban khmih bniah ia ki jing pynkhreh ha ka jing treikam, bad ban thaw ia ki lad ki lynti ban weng ia ki jingeh kiba mih kiba iadei bad ki lad jingiada. La kham ban jur halor ka jing pynkhlaid ia ki jing treikam ha ki jaka khappud ha shilynter u pud hapdeng ka India bad Myanmar, ban pynkhlain ia ki lad ban ialeh pyrshah ia ki kam lehnoh, bad ban pyn tikna ia ka jinglong bala pynkhreh treikam jong ka kynhun shipai.
Ka jing iatai ka la pynleit jingmut ruh halor ka jing pyn kylla ia ka tnad katkum ka juk kaba mynta, ka jing wanrah ia ki tiar ialeh bad ki tiar treikam kiba kham bha, ka jing pyn rung ia ki kor ki bor teknoliji kiba dang mih, ka jing pynkhlain ia ka jing iatreilang bad ka jing ia sngewthuh jingmut hapdeng ki tnad. Ha ka jing ialang, la iatai ruh halor ki jingai jinghikai, ki jing pyntbit iaka jing treikam, ka jing pynbha ia ki jingtei bad ki lad jing iarap, kiba thmu ban kyntiew ia ka jing treikam bha jong ka tnad baroh kawei.
U Lt Gen Vikas Lakhera, AVSM, SM, Director General Assam Rifles, u la khmih bniah ia ki ia ki jingjop ha ka jing treikam jong ki kynhun bapher bapher, bad u la ai jingmut halor ki mat treikam kiba kongsan nakabynta ki por ki ban wan. U la ai khublei ia ka jing trei shitom, ka jing tbit bad ka jing aiti jong baroh ki kyrdan ha kaba pynneh ia ka jingsuk bad jingshngain hapoh ki rukom treikam kiba eh. U la ban jur ruh ia ka jingdonkam jong ka jinglah ban pyniadei, ka jingkiew ha ka juk teknoloji bad ka jing iai peitngor ha ka jingtreikam ban ialeh ia ki jingeh kiba nang mih ha ka kam ban iada.
Ka jingialang ka la pyn long ruh ia ka jing iakylliang ia ki rukom treikam kiba bha tam, ki rukom treikam kiba thymmai, bad ki jingshem jong ki nong ialam hapdeng ka jing treikam. La pynkut ia ka jing ialang da ki jingmut kiba thymmai ban pynkhlain ia ki bor treikam, ban iada ia ka jing shngain jong ka ri bad ban bat ia ki riti dustur kiba ha khlieh duh jong ka Assam Rifles ha ka jing shakri ia ka Ri.
*****