ಸಂಚಾರಕ್ಕೂ ಮುನ್ನವೇ 'ಟಿಪ್' (ಭಕ್ಷಿಸು) ನೀಡಲು ಪ್ರೇರೇಪಿಸುವ ವೈಶಿಷ್ಟ್ಯಕ್ಕಾಗಿ ಓಲಾ ಸಂಸ್ಥೆಗೆ 10 ಲಕ್ಷ ರೂ. ದಂಡ ವಿಧಿಸಿದ ಸಿಸಿಪಿಎ; ತಕ್ಷಣವೇ ಈ ಪದ್ಧತಿ ಸ್ಥಗಿತಗೊಳಿಸಲು ಸೂಚನೆ

ಸಂಚಾರಕ್ಕೆ ನೆರವು ನೀಡುವ ರೈಡ್-ಹೇಲಿಂಗ್ ಪ್ಲಾಟ್‌ಫಾರ್ಮ್ 'ಓಲಾ' ಅನ್ನು ನಿರ್ವಹಿಸುವ 'ಎಎನ್ಐ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್' ಸಂಸ್ಥೆಯು, ಗ್ರಾಹಕರು ತಮ್ಮ ಪ್ರಯಾಣ ಪೂರ್ಣಗೊಳಿಸುವ ಮೊದಲೇ 'ಟಿಪ್' (tip-ಭಕ್ಷಿಸು) ಅಥವಾ 'ಆಡ್-ಆನ್' (add-on) ಎಂಬ ವೈಶಿಷ್ಟ್ಯದ ಮೂಲಕ ಹೆಚ್ಚುವರಿ ಹಣ ಪಾವತಿಗೆ ಉತ್ತೇಜನ ನೀಡುತ್ತಿರುವುದಕ್ಕಾಗಿ ಕೇಂದ್ರ ಗ್ರಾಹಕ ಸಂರಕ್ಷಣಾ ಪ್ರಾಧಿಕಾರವು (ಸಿಸಿಪಿಎ), ಸಂಸ್ಥೆಗೆ 10 ಲಕ್ಷ ರೂಪಾಯಿ ದಂಡ ವಿಧಿಸಿದೆ. ಈ ಪದ್ಧತಿಯು ಗ್ರಾಹಕರನ್ನು ದಾರಿತಪ್ಪಿಸುತ್ತದೆ, ಇದು ಒಂದು ಅನೈತಿಕ ವ್ಯಾಪಾರ ಪದ್ಧತಿಯಾಗಿದೆ ಮತ್ತು ಇದರಲ್ಲಿ 'ಡಾರ್ಕ್ ಪ್ಯಾಟರ್ನ್' (ಗ್ರಾಹಕರನ್ನು ತಪ್ಪು ನಿರ್ಧಾರ ತೆಗೆದುಕೊಳ್ಳುವಂತೆ ಪ್ರೇರೇಪಿಸುವ ವಿನ್ಯಾಸ) ಬಳಸಲಾಗಿದೆ ಎಂದು ಅಭಿಪ್ರಾಯಪಟ್ಟಿರುವ ಪ್ರಾಧಿಕಾರವು, ಕೂಡಲೇ ಈ ಪದ್ಧತಿಯನ್ನು ಸ್ಥಗಿತಗೊಳಿಸುವಂತೆ ಓಲಾಗೆ ನಿರ್ದೇಶನ ನೀಡಿದೆ.

ಮುಖ್ಯ ಆಯುಕ್ತರಾದ ಶ್ರೀಮತಿ ನಿಧಿ ಖರೆ ಮತ್ತು ಆಯುಕ್ತರಾದ ಶ್ರೀ ಅನುಪಮ್ ಮಿಶ್ರಾ ಅವರ ನೇತೃತ್ವದ ಸಿಸಿಪಿಎ ಈ ಆದೇಶವನ್ನು ಹೊರಡಿಸಿದೆ. ಆ್ಯಪ್‌ನಲ್ಲಿ ಚಾಲಕನಿಗಾಗಿ ಹುಡುಕಾಟ ನಡೆಯುತ್ತಿರುವಾಗ, ಹೆಚ್ಚುವರಿ ಹಣ ಪಾವತಿಸಿದರೆ ರೈಡ್ ಸಿಗುವ ಸಾಧ್ಯತೆ ಹೆಚ್ಚಾಗುತ್ತದೆ ಎಂಬಂತೆ ಬಿಂಬಿಸುವ ವೈಶಿಷ್ಟ್ಯವನ್ನು ಪರಿಶೀಲಿಸಿದ ನಂತರ ಈ ಕ್ರಮ ಕೈಗೊಳ್ಳಲಾಗಿದೆ. ಓಲಾ ಸಂಸ್ಥೆಯು ನಂತರ 'ಟಿಪ್'  ಎಂಬುದನ್ನು 'ಆಡ್-ಆನ್' ಎಂದು ಮರುನಾಮಕರಣ ಮಾಡಿದರೂ, ಅದರ ಹಿಂದಿನ ಮೂಲ ಪದ್ಧತಿಯಲ್ಲಿ ಯಾವುದೇ ಬದಲಾವಣೆ ಆಗಿರಲಿಲ್ಲ.

ಹೆಚ್ಚುವರಿ ಹಣ ಪಾವತಿ ನೀಡುವ ಪ್ರೇರಣೆಗಳು, ಬೇಗನೆ ರೈಡ್ ಖಚಿತಗೊಳ್ಳುತ್ತದೆಂಬ ತಪ್ಪು ಕಲ್ಪನೆ ಮೂಡಿಸುತ್ತವೆ.

CCPAಯು ಓಲಾ ಆ್ಯಪ್‌ನ ವಿವಿಧ ಆವೃತ್ತಿಗಳನ್ನು ಪರಿಶೀಲಿಸಿದಾಗ, "ಟಿಪ್ ನೀಡಿದರೆ ರೈಡ್ ಬೇಗ ಸಿಗುವ ಸಾಧ್ಯತೆ ಹೆಚ್ಚಾಗಬಹುದು", "ಬೇಗನೆ ರೈಡ್ ಪಡೆಯಲು ಈಗಲೇ ಟಿಪ್ ನೀಡಿ" ಮತ್ತು "ರೈಡ್ ಬೇಗ ಖಚಿತಗೊಳ್ಳುವ ಸಾಧ್ಯತೆಯನ್ನು ಹೆಚ್ಚಿಸಿಕೊಳ್ಳಿ!" ಎಂಬಂತಹ ಸಂದೇಶಗಳು ಕಂಡುಬಂದವು. ಇವು, ಹೆಚ್ಚುವರಿ ಹಣ ಪಾವತಿಸಿದರೆ ಗ್ರಾಹಕರಿಗೆ ಬೇಗನೆ ರೈಡ್ ಸಿಗುತ್ತದೆ ಎಂಬ ಭಾವನೆಯನ್ನು ಮೂಡಿಸುತ್ತವೆ.

ಆ್ಯಪ್‌ನಲ್ಲಿ ಚಾಲಕನಿಗಾಗಿ ಹುಡುಕಾಟ ನಡೆಯುತ್ತಿರುವಾಗ, ನಿಗದಿತ ಪಾವತಿ ಮೊತ್ತಗಳಿಗಿಂತ ಸ್ವಲ್ಪ ಮೇಲ್ಭಾಗದಲ್ಲಿ ಈ ಸಂದೇಶಗಳು ಕಾಣಿಸಿಕೊಳ್ಳುತ್ತವೆ ಎಂದು ಪ್ರಾಧಿಕಾರ ಗಮನಿಸಿದೆ. ಇದು, ಹೆಚ್ಚುವರಿ ಹಣ ಪಾವತಿಸುವುದರಿಂದ ಬುಕಿಂಗ್ ಪ್ರಕ್ರಿಯೆ ವೇಗವಾಗುತ್ತದೆ ಎಂಬ ಕಲ್ಪನೆ ಸೃಷ್ಟಿಸುತ್ತದೆ. 'ಸಾಧ್ಯತೆ'  ಅಥವಾ 'ಆಗಬಹುದು' ಎಂಬಂತಹ ಪದಗಳನ್ನು ಬಳಸಿದ್ದರೂ, ಗ್ರಾಹಕರಿಗೆ ಉಂಟಾಗುವ ಒಟ್ಟಾರೆ ಅಭಿಪ್ರಾಯದಲ್ಲಿ ಯಾವುದೇ ಬದಲಾವಣೆ ಆಗುವುದಿಲ್ಲ.

2026ರ ಜೂನ್ 1 ರಿಂದ 15 ರವರೆಗಿನ ಓಲಾದ ಸ್ವಂತ ಬುಕಿಂಗ್ ದತ್ತಾಂಶವು  ಈ ಹೇಳಿಕೆ ಸಮರ್ಥಿಸುವುದಿಲ್ಲ. ವಾಸ್ತವವಾಗಿ, 'ಆಡ್-ಆನ್' (ಹೆಚ್ಚುವರಿ ಹಣ) ನೀಡಿದ ರೈಡ್ ವಿನಂತಿಗಳು, ಅಂತಹ ಹಣ ನೀಡದ ವಿನಂತಿಗಳಿಗಿಂತ ಕಡಿಮೆ ಬಾರಿ ಸ್ವೀಕರಿಸಲ್ಪಟ್ಟಿವೆ (ಅಂದರೆ, ಹೆಚ್ಚುವರಿ ಹಣ ನೀಡಿದರೂ ರೈಡ್ ಸಿಗುವ ಸಾಧ್ಯತೆ ಹೆಚ್ಚಾಗಿರಲಿಲ್ಲ)

ಓಲಾದ ನಿಲುವು ವಿರೋಧಾತ್ಮಕವಾಗಿದೆ ಎಂದು ಪ್ರಾಧಿಕಾರವು ಗಮನಿಸಿದೆ. ಆಡ್-ಆನ್ ಸವಾರಿ ಹಂಚಿಕೆಯ ಮೇಲೆ ಪ್ರಭಾವ ಬೀರುವುದಿಲ್ಲ ಎಂದು ಕಂಪನಿ ಹೇಳಿದ್ದರೂ, ಅದರ ಅಪ್ಲಿಕೇಷನ್ ಹೆಚ್ಚುವರಿ ಪಾವತಿಸುವುದರಿಂದ ಸವಾರಿ ಬೇಗ ಪಡೆಯುವ ಸಾಧ್ಯತೆಗಳನ್ನು ಸುಧಾರಿಸಬಹುದು ಎಂದು ಸೂಚಿಸಿದೆ.

ಅಲ್ಲದೆ, ಪ್ಲಾಟ್‌ಫಾರ್ಮ್‌ನ ಸ್ವಂತ ಡೇಟಾವು ಆಡ್-ಆನ್ ಹೊಂದಿರುವ ವಿನಂತಿಗಳಿಗೆ ಕಡಿಮೆ ಸ್ವೀಕಾರ ದರಗಳನ್ನು ಅಥವಾ ಸೂಚಿಸಲಾದ ಪಾವತಿ ಮೊತ್ತ ರಚಿಸಿದ ಆಧಾರದ ಮೇಲೆ ತೋರಿಸಿದೆ ಎಂದು ಗ್ರಾಹಕರಿಗೆ ತಿಳಿಸಲಾಗಿಲ್ಲ. ಈ ಲೋಪಗಳು ಗ್ರಾಹಕ ಸಂರಕ್ಷಣಾ ಕಾಯ್ದೆ, 2019 ರ ಸೆಕ್ಷನ್ 2(28)(iv) ಅಡಿಯಲ್ಲಿ ವಸ್ತು ಮಾಹಿತಿಯನ್ನು ಮರೆಮಾಚುವುದಕ್ಕೆ ಸಮನಾಗಿರುತ್ತದೆ ಎಂದು ಸಿಸಿಪಿಎ ಅಭಿಪ್ರಾಯಪಟ್ಟಿದೆ.

ಮುಂಗಡ ಟಿಪ್ಪಿಂಗ್ ಅನ್ನು ಅನ್ಯಾಯದ ವ್ಯಾಪಾರ ಅಭ್ಯಾಸವೆಂದು ಪರಿಗಣಿಸಿದ ಸಿಸಿಪಿಎ

ಟಿಪ್ ಸಾಮಾನ್ಯವಾಗಿ ಸೇವೆಯನ್ನು ಒದಗಿಸಿದ ನಂತರ ಮಾಡಿದ ಸ್ವಯಂಪ್ರೇರಿತ ಪಾವತಿಯಾಗಿದೆ ಎಂದು ಪ್ರಾಧಿಕಾರವು ಗಮನಿಸಿದೆ. ಪ್ರಯಾಣದ ಮೊದಲು ಅದನ್ನು ವಿನಂತಿಸುವುದು ಸ್ವಯಂಪ್ರೇರಿತ ಗ್ರಾಚ್ಯುಟಿಯನ್ನು ಪೂರ್ವ-ಸೇವಾ ಪಾವತಿಯಾಗಿ ಪರಿಣಾಮಕಾರಿಯಾಗಿ ಪರಿವರ್ತಿಸುತ್ತದೆ. ವೈಶಿಷ್ಟ್ಯವನ್ನು 'ಟಿಪ್' ನಿಂದ 'ಆಡ್-ಆನ್' ಗೆ ಮರುನಾಮಕರಣ ಮಾಡುವುದರಿಂದ ಅಭ್ಯಾಸದ ಸ್ವರೂಪ ಬದಲಾಗಲಿಲ್ಲ.

ಸಿಸಿಪಿಎ ಉಲ್ಲೇಖಿಸಿರುವ ಮತ್ತಷ್ಟು ಅಂಶಗಳು ಹೀಗಿವೆ

• ಗ್ರಾಹಕರು ಈಗಾಗಲೇ ಮುಂಗಡ ದರದಲ್ಲಿ ಸವಾರಿಯನ್ನು ಬುಕ್ ಮಾಡಿದ ನಂತರ ಹೆಚ್ಚುವರಿ ಪಾವತಿಯನ್ನು ಕೋರಲಾಗಿದೆ, ಇದು ಗರಿಷ್ಠ ಬೆಲೆ ಮತ್ತು ಚಾಲಕನು ಪಿಕ್-ಅಪ್ ಪಾಯಿಂಟ್‌ಗೆ ಇರುವ ಅಂತರ ಗಣನೆಗೆ ತೆಗೆದುಕೊಳ್ಳುತ್ತದೆ. ಅದೇ ಪೂರೈಕೆ ನಿರ್ಬಂಧಗಳ ಕಾರಣದಿಂದಾಗಿ ಮತ್ತೊಂದು ಪಾವತಿ ಕೋರುವುದು ಹೆಚ್ಚುವರಿ ಪ್ರೀಮಿಯಂ ಅನ್ನು ವಿಧಿಸುವುದಕ್ಕೆ ಸಮನಾಗಿರುತ್ತದೆ.
• ಸೂಚಿಸಲಾದ ಮೊತ್ತಗಳನ್ನು ಪ್ಲಾಟ್‌ಫಾರ್ಮ್ ಬಹಿರಂಗಪಡಿಸದ ಆಧಾರದ ಮೇಲೆ ಉತ್ಪಾದಿಸಿತು. ಈ ಮೊತ್ತಗಳು ಮೇ 2025 ರಲ್ಲಿ 10–40 ರೂ.ಗಳಿಂದ 140  ರೂಪಾಯಿಗೆ ಏರಿತು, ಆದರೆ ಇಂಟರ್ಫೇಸ್ 499 ರೂಪಾಯಿವರೆಗೆ ಪಾವತಿಗಳನ್ನು ಅನುಮತಿಸಿತು.
• ಚಾಲಕ ಲಭ್ಯತೆಯ ಕುರಿತಾದ ಮಾಹಿತಿ ಪ್ಲಾಟ್‌ಫಾರ್ಮ್ ನಿಯಂತ್ರಿಸುವುದರಿಂದ ಗ್ರಾಹಕರು ಹೆಚ್ಚುವರಿ ಪಾವತಿಯ ಅಗತ್ಯತೆಯನ್ನು ಸ್ವತಂತ್ರವಾಗಿ ಪರಿಶೀಲಿಸಲು ಸಾಧ್ಯವಾಗಲಿಲ್ಲ.
• ಈಗಾಗಲೇ ಬುಕ್ ಮಾಡಲಾದ ಸವಾರಿಯನ್ನು ಸಕಾಲಿಕವಾಗಿ ಸ್ವೀಕರಿಸಲು ಹೆಚ್ಚುವರಿ ಪಾವತಿ ಅಗತ್ಯವೆಂದು ತೋರುವುದು ಅನ್ಯಾಯದ ಒಪ್ಪಂದದ ಕಳವಳ ಹುಟ್ಟುಹಾಕಿದೆ.

ಈ ಅಭ್ಯಾಸವು ಮೋಟಾರು ವಾಹನಗಳ ಅಗ್ರಿಗೇಟರ್ಸ್  ಮಾರ್ಗಸೂಚಿಗಳು 2025 ರ ಷರತ್ತು 14.15 ಕ್ಕೆ ವಿರುದ್ಧವಾಗಿದೆ ಎಂದು ಕಂಡುಬಂದಿದೆ, ಇದು ಪ್ರಯಾಣ ಪೂರ್ಣಗೊಂಡ ನಂತರ ಮಾತ್ರ ಟಿಪ್ಪಿಂಗ್ ವೈಶಿಷ್ಟ್ಯ ಒದಗಿಸುತ್ತದೆ. 2026ರ ಆಗಸ್ಟ್ 11 ರಂದು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ಸವಾರಿ ಪೂರ್ಣಗೊಳ್ಳುವ ಮೊದಲು ಅಂತಹ ಪ್ರಾಂಪ್ಟ್‌ಗಳನ್ನು ಪ್ರದರ್ಶಿಸಲಾಗುವುದಿಲ್ಲ ಎಂದು ಸ್ಪಷ್ಟಪಡಿಸಿದ ನಂತರವೂ ಓಲಾ ಪ್ರಾಂಪ್ಟ್ ಅನ್ನು ಪ್ರದರ್ಶಿಸುವುದನ್ನು ಮುಂದುವರೆಸಿದೆ ಎಂದು ಪ್ರಾಧಿಕಾರವು ಗಮನಿಸಿದೆ.

ಗ್ರಾಹಕ ಹಿತರಕ್ಷಣಾ ಕಾಯ್ದೆ2019 ರ ಸೆಕ್ಷನ್ 2(47) ರ ಅಡಿಯಲ್ಲಿ, ಅನ್ಯಾಯದ ವ್ಯಾಪಾರ ಪದ್ಧತಿಯು ಅನ್ಯಾಯದ ಅಥವಾ ಮೋಸಗೊಳಿಸುವ ವಿಧಾನಗಳ ಬಳಕೆ ಮತ್ತು ಸೇವೆಯ ಪ್ರಯೋಜನಗಳು ಅಥವಾ ಉಪಯುಕ್ತತೆಯ ಬಗ್ಗೆ ಸುಳ್ಳು ಅಥವಾ ದಾರಿತಪ್ಪಿಸುವ ಪ್ರಾತಿನಿಧ್ಯಗಳನ್ನು ಒಳಗೊಂಡಿದೆ. ಓಲಾದ ಹೆಚ್ಚುವರಿ ಪಾವತಿ ಪ್ರಾಂಪ್ಟ್‌ಗಳು ಈ ನಿಬಂಧನೆಯೊಳಗೆ ಬರುತ್ತವೆ ಎಂದು ಸಿಸಿಪಿಎ ಅಭಿಪ್ರಾಯಪಟ್ಟಿದೆ.

ಹೆಚ್ಚುವರಿ ಪಾವತಿ ಪ್ರೋತ್ಸಾಹಿಸಲು ಇಂಟರ್ಫೇಸ್ ವಿನ್ಯಾಸವು ‘Confirm Shaming’ ಬಳಕೆ

ಸಿಸಿಪಿಎ ಡಾರ್ಕ್ ಪ್ಯಾಟರ್ನ್‌ಗಳ ತಡೆಗಟ್ಟುವಿಕೆ ಮತ್ತು ನಿಯಂತ್ರಣಕ್ಕಾಗಿ ಮಾರ್ಗಸೂಚಿಗಳು, 2023 ರ ಅಡಿಯಲ್ಲಿ ವೈಶಿಷ್ಟ್ಯವನ್ನು ಪರಿಶೀಲಿಸಿದೆ. ಗ್ರಾಹಕರು ಚಾಲಕರು ತಮ್ಮ ಬುಕಿಂಗ್ ಅನ್ನು ಸ್ವೀಕರಿಸಲು ಕಾಯುತ್ತಿರುವಾಗ ಪ್ರಾಂಪ್ಟ್‌ಗಳು ಕಾಣಿಸಿಕೊಂಡವು. ಹೆಚ್ಚುವರಿ ಪಾವತಿಯು ಸವಾರಿ ಪಡೆದುಕೊಳ್ಳುವ ಸಾಧ್ಯತೆಗಳನ್ನು ಸುಧಾರಿಸುತ್ತದೆ ಎಂದು ಸೂಚಿಸುವ ಮೂಲಕ, ಪಾವತಿಸದ ಗ್ರಾಹಕರು ವಿಳಂಬ ಎದುರಿಸಬಹುದು ಅಥವಾ ಸವಾರಿ ಪಡೆಯದಿರಬಹುದು ಎಂದು ಇಂಟರ್ಫೇಸ್ ಸೂಚಿಸುತ್ತದೆ. ಇದು ಭಯದ ಭಾವನೆಯನ್ನು ಸೃಷ್ಟಿಸುತ್ತದೆ ಮತ್ತು ಮಾರ್ಗಸೂಚಿಗಳಿಗೆ ಅನುಬಂಧ 1 ರ ಷರತ್ತು 3 ರ ಅಡಿಯಲ್ಲಿ ನಿರ್ದಿಷ್ಟಪಡಿಸಿದಂತೆ ‘Confirm Shaming’ಎಂದು ಪ್ರಾಧಿಕಾರವು ಅಭಿಪ್ರಾಯಪಟ್ಟಿದೆ.

ಪ್ರಾಧಿಕಾರ ಗಮನಿಸಿರುವ ಮತ್ತಷ್ಟು  ಅಂಶಗಳು:

• ಪ್ರಾಂಪ್ಟ್‌ನ ಕೆಳಗೆ ಪ್ರದರ್ಶಿಸಲಾದ ಪೂರ್ವ-ನಿಗದಿತ ಪಾವತಿ ಮೊತ್ತವು ಗ್ರಾಹಕರನ್ನು ಹೆಚ್ಚಿನ ಸಂಖ್ಯೆಗೆ ಪ್ರೋತ್ಸಾಹಿಸುತ್ತದೆ.
• “ಉದಾರ ಆಡ್-ಆನ್!” ಎಂಬ ಸಂದೇಶವು ಗ್ರಾಹಕರನ್ನು ಹೆಚ್ಚುವರಿ ಪಾವತಿ ಮಾಡಲು ಮತ್ತಷ್ಟು ಪ್ರೋತ್ಸಾಹಿಸಿತು.
•  ಇಂಟರ್ಫೇಸ್ ಪ್ರಾಂಪ್ಟ್ ಅನ್ನು ಮುಚ್ಚಲು ಆಯ್ಕೆಯನ್ನು ಒದಗಿಸಲಿಲ್ಲ.
• ರೈಡ್ ಅನ್ನು ಈಗಾಗಲೇ ಬುಕ್ ಮಾಡಿದ ನಂತರ, ಗ್ರಾಹಕರು ದೃಢೀಕರಣಕ್ಕಾಗಿ ಕಾಯುತ್ತಿದ್ದಾಗ ಮತ್ತು ಚಾಲಕರ ಲಭ್ಯತೆ ಅಥವಾ ಹೆಚ್ಚುವರಿ ಪಾವತಿ ಮಾಡುವ ಸಾಧ್ಯತೆಯ ಪರಿಣಾಮದ ಬಗ್ಗೆ ಸೀಮಿತ ಮಾಹಿತಿಯನ್ನು ಹೊಂದಿದ್ದಾಗ ಪ್ರಾಂಪ್ಟ್ ಕಾಣಿಸಿಕೊಂಡಿತು.

ಆಸ್ಪತ್ರೆಗಳು, ರೈಲ್ವೆ ನಿಲ್ದಾಣಗಳು, ಅಂತರ-ರಾಜ್ಯ ಬಸ್ ಟರ್ಮಿನಲ್‌ಗಳು ಮತ್ತು ವಿಮಾನ ನಿಲ್ದಾಣಗಳಿಂದ ಅಂತಹ ವಿನಂತಿಗಳನ್ನು ಓಲಾದ ಬುಕಿಂಗ್ ಡೇಟಾ ಪ್ರತಿಬಿಂಬಿಸುತ್ತದೆ ಎಂದು ಪ್ರಾಧಿಕಾರವು ಗಮನಿಸಿದೆ. ರೋಗಿಗಳು, ವೃದ್ಧರು, ಸಾಮಾನುಗಳನ್ನು ಹೊತ್ತ ಪ್ರಯಾಣಿಕರು ಮತ್ತು ಏಕಾಂಗಿಯಾಗಿ ಅಥವಾ ರಾತ್ರಿಯಲ್ಲಿ ಪ್ರಯಾಣಿಸುವ ವ್ಯಕ್ತಿಗಳಂತಹ ಗ್ರಾಹಕರು ಅಂತಹ ಪ್ರಾಂಪ್ಟ್‌ಗಳಿಗೆ ವಿಶೇಷವಾಗಿ ಗುರಿಯಾಗಬಹುದು.

ಓಲಾ ಎಲ್ಲಾ ಪೂರ್ವ-ಸವಾರಿ ಪಾವತಿ ಪ್ರಾಂಪ್ಟ್‌ಗಳನ್ನು ನಿಲ್ಲಿಸಲು ಮತ್ತು 10 ಲಕ್ಷ ರೂ. ದಂಡ  ಪಾವತಿಸಲು ನಿರ್ದೇಶನ

ಸಿಸಿಪಿಎ ಓಲಾಗೆ ಈ ನಿರ್ದೇಶನಗಳನ್ನು ನೀಡಿದೆ:

• ಪ್ರಯಾಣ ಪೂರ್ಣಗೊಳ್ಳುವ ಮೊದಲು ಮುಂಗಡ ದರಕ್ಕಿಂತ ಹೆಚ್ಚಿನ ಯಾವುದೇ ಪಾವತಿ ಕೋರುವ ಎಲ್ಲಾ ಪ್ರಾಂಪ್ಟ್‌ಗಳು, ಸಂದೇಶಗಳು, ಪೂರ್ವ-ನಿಗದಿತ ಮೊತ್ತಗಳು ಮತ್ತು ಇಂಟರ್ಫೇಸ್ ವಿನ್ಯಾಸಗಳನ್ನು, ಟಿಪ್, ಆಡ್-ಆನ್, ಹೆಚ್ಚುವರಿ ದರ ಅಥವಾ ಯಾವುದೇ ಇತರ ಹೆಸರಿನ ಸಂದೇಶಗಳನ್ನು ತಕ್ಷಣವೇ ನಿಲ್ಲಿಸಬೇಕು.
• ಗ್ರಾಹಕ ಸಂರಕ್ಷಣಾ ಕಾಯ್ದೆ 2019; ಡಾರ್ಕ್ ಪ್ಯಾಟರ್ನ್‌ಗಳ ತಡೆಗಟ್ಟುವಿಕೆ ಮತ್ತು ನಿಯಂತ್ರಣಕ್ಕಾಗಿ ಮಾರ್ಗಸೂಚಿಗಳು 2023; ಮತ್ತು ದಾರಿತಪ್ಪಿಸುವ ಜಾಹೀರಾತುಗಳ ತಡೆಗಟ್ಟುವಿಕೆ ಮತ್ತು ದಾರಿತಪ್ಪಿಸುವ ಜಾಹೀರಾತುಗಳಿಗೆ ಅನುಮೋದನೆಗಳ ಮಾರ್ಗಸೂಚಿಗಳು, 2022 ರ ಕಟ್ಟುನಿಟ್ಟಿನ ಅನುಸರಣೆ ಖಾತ್ರಿಪಡಿಸಿಕೊಳ್ಳಿ.
• 10 ಲಕ್ಷ ರೂಪಾಯಿ ದಂಡವನ್ನು ಪಾವತಿಸಿ. ಇದೇ ಪದ್ಧತಿ ಸಂಬಂಧ ಸಿಸಿಪಿಎ ಇತರ ಕ್ಯಾಬ್ ಅಗ್ರಿಗೇಟರ್ ಪ್ಲಾಟ್‌ಫಾರ್ಮ್‌ಗಳ ವಿರುದ್ಧ ಸ್ವಯಂಪ್ರೇರಿತ ಕ್ರಮ ಸಹ ತೆಗೆದುಕೊಂಡಿದೆ. ಇದು ಈ ಹಿಂದೆ ರಾಪಿಡೊ (ರೊಪ್ಪೆನ್ ಟ್ರಾನ್ಸ್‌ಪೋರ್ಟೇಶನ್ ಸರ್ವೀಸಸ್ ಪ್ರೈವೇಟ್ ಲಿಮಿಟೆಡ್) ವಿರುದ್ಧ 10 ಲಕ್ಷ ರೂ.ದಂಡ ವಿಧಿಸುವ ಆದೇಶವನ್ನು ಹೊರಡಿಸಿದೆ. ಉಬರ್ ಮತ್ತು ನಮ್ಮ ಯಾತ್ರಿ ವಿರುದ್ಧದ ಪ್ರಕ್ರಿಯೆಗಳು ಸದ್ಯ ತನಿಖೆ ಪ್ರಗತಿಯಲ್ಲಿದೆ.

ಅಂತಹ ಪದ್ಧತಿಗಳನ್ನು ಎದುರಿಸುವ ಅಥವಾ ಸೇವೆಗಳನ್ನು ಪ್ರವೇಶಿಸುವಲ್ಲಿ ತೊಂದರೆಗಳನ್ನು ಎದುರಿಸುವ ಗ್ರಾಹಕರು ತಮ್ಮ ದೂರುಗಳನ್ನು ರಾಷ್ಟ್ರೀಯ ಗ್ರಾಹಕ ಸಹಾಯವಾಣಿಯ ಮೂಲಕ 1915 ರಲ್ಲಿ ನೋಂದಾಯಿಸಬಹುದು ಅಥವಾcom-ccpa[at]gov[dot]in. ಮೂಲಕ ಸಲ್ಲಿಸಬಹುದು.

ಅಂತಿಮ ಅದೇಶ Final Order  ಸಿಸಿಪಿಎ ವೆಬ್ ಸೈಟ್ ನಲ್ಲಿದೆ.

*****