ಪ್ರಗತಿಪರ ರಾಷ್ಟ್ರದ ಶಕ್ತಿ ಮತ್ತು ಸಾಮರ್ಥ್ಯದ ಮೂಲ ಅಡಿಪಾಯವನ್ನು ಸಾರುವ ಸಂಸ್ಕೃತ ಸುಭಾಷಿತವನ್ನು ಹಂಚಿಕೊಂಡಿರುವ ಪ್ರಧಾನಮಂತ್ರಿ

ಪ್ರಗತಿಪರ ರಾಷ್ಟ್ರವೊಂದರ ಶಕ್ತಿ ಮತ್ತು ಸಾಮರ್ಥ್ಯವು ತಪಸ್ಸು, ಧಾರ್ಮಿಕ ಆಚರಣೆಗಳು ಹಾಗೂ ಸರ್ವರ ಕಲ್ಯಾಣದ ಆಶಯವನ್ನು ಆಧರಿಸಿದೆ ಎಂಬ ಸಂದೇಶ ಸಾರುವ ಸಂಸ್ಕೃತ ಸುಭಾಷಿತವನ್ನು ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಹಂಚಿಕೊಂಡಿದ್ದಾರೆ.

ಈ ಕುರಿತು ಪ್ರಧಾನಮಂತ್ರಿ ಅವರು ತಮ್ಮ ಎಕ್ಸ್‌ ಖಾತೆಯಲ್ಲಿ;

"भद्रमिच्छन्त ऋषयः स्वर्विदस्तपो दीक्षामुपनिषेदुरग्रे।

ततो राष्ट्रं बलमोजश्च जातं तदस्मै देवा उपसन्नमन्तु॥"

ಸರ್ವರ ಕಲ್ಯಾಣವನ್ನು ಬಯಸುವ ಹಾಗೂ ಸ್ವರ್ಗದ ಜ್ಞಾನ ಹೊಂದಿರುವ ಋಷಿಮುನಿಗಳು ಆರಂಭದಲ್ಲಿ ತಪಸ್ಸು ಮತ್ತು ಧಾರ್ಮಿಕ ಆಚರಣೆಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡರು. ಈ ತಪಸ್ಸು ಮತ್ತು ಧಾರ್ಮಿಕ ಆಚರಣೆಗಳ ಫಲವಾಗಿ ರಾಷ್ಟ್ರ, ಅದರ ಶಕ್ತಿ ಹಾಗೂ ಸಾಮರ್ಥ್ಯ ಉದಯಿಸಿದವು. ಇಂತಹ ಪ್ರಗತಿಪರ ರಾಷ್ಟ್ರ ಮತ್ತು ಅದರ ಶಕ್ತಿಗೆ ದೇವತೆಗಳೂ ಗೌರವ ಸಲ್ಲಿಸುತ್ತಾರೆ.

*****