દિવાળીની પૂર્વ સંધ્યાએ ભારતના રાષ્ટ્રપતિની શુભકામનાઓ

ભારતના રાષ્ટ્રપતિ શ્રીમતી દ્રૌપદી મુર્મૂએ દિવાળીની પૂર્વ સંધ્યાએ દેશવાસીઓને શુભકામનાઓ પાઠવી છે.

એક સંદેશમાં રાષ્ટ્રપતિએ જણાવ્યું કે, “દિવાળીના પવિત્ર અવસરે, હું ભારતમાં અને વિદેશમાં રહેતા તમામ ભારતીયોને મારી હાર્દિક શુભકામનાઓ અને શ્રેષ્ઠ કામનાઓ પાઠવું છું.

રાવણ પર વિજય મેળવ્યા પછી ભગવાન શ્રી રામના અયોધ્યા પરત ફરવા પર આનંદોત્સવની ઉજવણી કરવામાં આવી હતી. ભગવાન શ્રી રામે પ્રજ્વલિત દીપકોની સુંદર પંક્તિઓ જોઈ હતી. આ દિવાળીના સાંસ્કૃતિક અને ભક્તિમય મહત્વનું નિર્માણ કરે છે. આ તહેવાર રામ રાજ્યના શુભ પ્રારંભનું પણ પ્રતિક છે.

દિવાળીનો તહેવાર નકારાત્મક પ્રવૃત્તિઓ પર સદ્ગુણોના વિજયનું પ્રતિક છે. તે દુઃખોના અંત અને સુખી તથા સમૃદ્ધ જીવનની શરૂઆત પણ દર્શાવે છે. આ અવસરે, લોકો શુભ પ્રારંભ અને કલ્યાણ માટે ભગવાન ગણેશ અને સમૃદ્ધિ માટે મહાલક્ષ્મી માતાની પૂજા કરે છે. સૌના સુખ માટે પ્રાર્થના કરવામાં આવે છે.

હું આપણા દેશના દરેક નાગરિકના ઉત્તમ સ્વાસ્થ્ય, સુખ અને સમૃદ્ધિની કામના કરું છું. આપણે પર્યાવરણનું જતન કરીએ, સદ્ભાવના સાથે રહીએ અને આપણા દેશભક્ત યુવાનો, ભારતીય મૂલ્યોથી માર્ગદર્શિત થઈને, વિકસિત ભારતના નિર્માણમાં ઉત્સાહપૂર્વક યોગદાન આપે.”

SM/BS/JD