آئی پی آر ڈی ۔2026کااختتام : سمندری نظم و نسق میں تعاون اور ذمہ دارانہ بحری ٹیکنالوجیز پر توجہ

تین روزہ ’انڈو پیسیفک ریجنل ڈائیلاگ 2026‘ جو بھارتی بحریہ کا اعلیٰ سطحی سالانہ بین الاقوامی اسٹریٹجک مکالمہ ہے— 5 نومبر 2026 کو نئی دہلی میں اختتام پذیر ہوا۔ ’نیشنل میری ٹائم فاؤنڈیشن‘ (NMF) کے اشتراک سے منعقدہ اس کانفرنس میں ’انڈو پیسیفک خطے میں سائنس، ٹیکنالوجی اور تعلیمی تعاون‘ کا جائزہ لیا گیا۔ اس مقصد کے لیے پانچ خصوصی موضوعاتی نشستیں اور اعلیٰ سطحی بات چیت کا اہتمام کیا گیا، جس کا بنیادی مقصد علاقائی بحری تعاون کے لیے عملی راستوں کی نشاندہی کرنا تھا۔

آخری روز کا آغاز ’چیف آف ڈیفنس اسٹاف‘ جنرل این ایس راجہ سبرامنی کے خصوصی خطاب سے ہوا، جس کے بعد انہوں نے شرکاء کے ساتھ ایک پرمغز گفتگو کی۔ اس کے بعد ’سمندری نظم و نسق

 اور بحری لچک کے لیے باہمی تعاون پر مبنی نقطہ نظر‘ کے موضوع پر ایک نشست منعقد ہوئی، جس کی نظامت ’یونائیٹڈ سروس انسٹی ٹیوشن آف انڈیا‘ کے ڈائریکٹر جنرل، وائس ایڈمرل سنجے جسجیت سنگھ (ریٹائرڈ) نے کی۔ اس نشست میں یونیورسٹی آف فلپائن کے پروفیسر ڈیو فلورنس اونڈا نے سمندری نظم و نسق کے حوالے سے فلپائن کے تجربات اور مہارت کو دیگر ممالک کے ساتھ بانٹنے کے ایک مشترکہ منصوبے پر بات کی۔ ’انٹرنیشنل سی بیڈ اتھارٹی‘ کی سابق چیف آف اسٹاف، ڈاکٹر میری بوریل-مکینن نے گہرے سمندر میں تحقیق کے منصفانہ شراکت داروں اور وسائل کے نظم و نسق کا جائزہ لیا۔ ’کولیشن فار ڈیزاسٹر ریزیلینٹ انفراسٹرکچر‘ کے مسٹر رام راج نرسمہن نے ’انفراسٹرکچر فار ریزیلینٹ آئی لینڈ اسٹیٹس‘ پروگرام کے نفاذ پر روشنی ڈالی، جبکہ سویڈن کی ’فیوچر میری ٹائم‘سے وابستہ محترمہ صوفیہ فرسٹنبرگ-اسٹوٹ نے اس بات پر غور کیا کہ سمندری سائنس اور جہاز رانی کے امور کے درمیان تعلق کو کس طرح مزید مضبوط بنایا جا سکتا ہے۔ اس نشست میں ایک مشترکہ چیلنج کے چار اہم پہلوؤں کا احاطہ کیا گیا: سائنسی صلاحیت کو نظم و نسق سے جوڑنا، تحقیقی شراکت داریوں کو زیادہ منصفانہ بنانا، کمزور جزیراتی ریاستوں کی لچک کو مضبوط کرنا، اور اس بات کو یقینی بنانا کہ سائنسی علم، بحری صنعت اور سرکاری اداروں کے فیصلوں کی بنیاد بنے۔

آئی پی آر ڈی ۔2026 کی آخری نشست کا مرکزی موضوع ’انقلابی بحری ٹیکنالوجیز اور ان کے دوہرے استعمال کے مضمرات‘ تھا۔ اس نشست کی نظامت بھارتی بحریہ کے ریئر ایڈمرل گونندر سنگھ جواونڈا (ریٹائرڈ) نے کی۔ اس سیشن میں مقررین نے سیشن کے موضوع کے الگ الگ پہلوؤں سے خطاب کیا۔ انٹرنیشنل انسٹی ٹیوٹ فار اسٹریٹجک اسٹڈیز جرمنی کی محترمہ دونگ یون چو نے سمندری ڈومین میں مصنوعی ذہانت اور کوانٹم ٹیکنالوجیز پر ہند-بحرالکاہل تعاون کے لیے ایک عملی فریم ورک کا جائزہ لیا۔ برسلز سکول آف گورننس سے تعلق رکھنے والی ڈاکٹر ایوا پیجسوا نے دوہری استعمال کی میری ٹائم ٹیکنالوجیز کی ذمہ دارانہ حکمرانی کے لیےای یوانڈو پیسفک میکانزم سے خطاب کیا۔ سٹیلن بوش یونیورسٹی سے تعلق رکھنے والے جنوبی افریقی بحریہ کے کیپٹن مارک بلین (ریٹائرڈ) نے چھوٹے اور درمیانے درجے کی بحریہ کو ان ٹیکنالوجیز کے مطابق ڈھالنے میں مدد کے لیے ایک تعاون کے روڈ میپ پر تبادلہ خیال کیا، جب کہ کموڈور ارون گولایا (ریٹائرڈ) نے بحریہ سے بحریہ کے آپریشنل تعاون پر غور کیا۔ بات چیت نے ابھرتی ہوئی میری ٹائم ٹیکنالوجیز کے دوہرے کردار کی عکاسی کی اور باہمی تحقیق، عملی صلاحیت سازی اور ادارہ جاتی انتظامات کے امکانات کا جائزہ لیا جو مختلف وسائل اور ضروریات کے حامل شراکت داروں کو تکنیکی تبدیلی میں بامعنی طور پر حصہ لینے کی اجازت دیتے ہیں۔

حکومت ہند کے دفاعی سکریٹری جناب راجیش کمار سنگھ کے اختتامی خطاب نے تین روزہ میگا کانفرنس کو ایک مناسب اور یادگار اختتام تک پہنچایا۔ اپنے تین دنوں کے دوران، آئی پی آر ڈی 2026 میں فوجی ماہرین، پالیسی سازوں، سمندری صنعت کے نمائندوں،بھارت اور دوست بیرونی ممالک کے سفارت کاروں، اکیڈمی، میڈیا، نامور شہریوں اور نئی دہلی کی متحرک طلبہ برادری کی وسیع پیمانے پر شرکت کا مشاہدہ کیا گیا۔ 20 ممالک کے چالیس سے زیادہ ماہرین اور ممتاز مقررین نے آئی پی آر ڈی کے ’انڈو پیسیفک میں سائنس، ٹیکنالوجی اور اکیڈمک کوآپریشن‘ کے یکجا کرنے والے تھیم پر اپنے نقطہ نظر کا اظہار کیا، جس سے انڈو پیسیفک اوشینز انیشیٹو کے سائنس، ٹیکنالوجی اور اکیڈمک کوآپریشن کے ستون کے تحت قابل عمل نتائج کی زیادہ وضاحت ہوتی ہے۔ کانفرنس نے علاقائی بحری سلامتی کو بڑھانے اور بحری لچک کو مضبوط بنانے کے لیے باہمی تعاون پر مبنی نقطہ نظر کو فروغ دینے کے لیے ہندوستانی بحریہ کے عزم کو بھی تقویت بخشی، اس طرح مہاساگر کے ہندوستان کے سمندری وژن (علاقوں میں سلامتی اور ترقی کے لیے باہمی اور جامع ترقی) کا واضح اظہار ہوا۔

(ش ح۔اص)

UR No 7300