Ha ka:
02 NOV 2026 5:56PM by PIB Shillong
Ka Department of Telecommunications (DoT), lyngba ka Controller of Communication Accounts (CCA), North East Circle, kan pynlong ïa ka Digital Life Certificate (DLC) Camp ha ka ophis treikam jong ka Central Telegraph Office (CTO), BSNL Building, Shillong, ha ka 11 bad 12 tarik u Naiwieng, 2026.
Ïa kane ka prokram yn pynlong hapoh ka Nationwide Digital Life Certificate Campaign 5.0, ha kaba yn ai jingïarap ïa ki nongtrei BSNL kiba la shongthait ban pynrung ïa ki Digital Life Certificate jong ki lyngba ka Aadhaar Face Authentication Technology, khnang ban pynthikna ba ki DLC jong ki kin poi bad shah pynrung ha ka system khlem kano kano ka jingeh.
Ka CCA, North East Circle, kan pynlong san tylli ki prokram kum kine ha ki san tylli ki nongbah bapher bapher jong ka thaiñ Shatei Lam Mihngi, da ka thong ban pynthikna ba baroh ki nongtrei kiba la shongthait kin lah ban pyndep ïa ka jingpynthymmai ïa ki Digital Life Certificate jong ki.
Kane ka campaign kan ai jingïarap ïa kumba 1,000 ngut ki nongtrei kiba la shongthait, kiba ka Digital Life Certificate jong ki ka la kut noh ha u Naiwieng 2025, ban pynrung biang ïa ki certificate jong ki khlem jingeh.
Nalor kane, ka tnad kan pynlong ruh ïa kiwei ki prokram jingïarap, kynthup ïa ki health camp bad ki jingïalang ban ai jinghikai bad jingpynshai halor ka cyber security bad kiwei ki mat kiba donkam ïa ki nongtrei kiba la shongthait.
Kane ka prokram ka long shi bynta jong ka Nationwide Digital Life Certificate Campaign 5.0, kaba la pynlong naduh ka 1 haduh ka 30 tarik u Naiwieng, 2026, hapoh ka jingpeit jong ka Department of Pension and Pensioners' Welfare (DoPPW), kaba hap hapoh ka Ministry of Personnel, Public Grievances and Pensions.
Kane ka campaign ka long ruh shi bynta jong ki mission jong ka Digital India bad Ease of Living, ban pynsuk ïa ki nongshim pension ha kaba pyndep ïa ki kam pynshisha ïa ka jingim jong ki lyngba ki lad digital.
*****