KA JINGSDANG JONG KA JUK BATHYMMAI HA KA JINGSHNGAIN JONG KA RI: PYNTREIKAM KA CISF IA KI HUKUM TREIKAM BA KYRPANG JONG KA TNAT BAN IADA IA KI JINGTEI BAKONGSAN JONG KA INDIA

New Delhi, 1 tarik u Naiwieng 2026: Naduh mynta ka sngi, ka 1 tarik u Naiwieng 2026, ka Central Industrial Security Force (CISF) kala pynkylla ia ka rukom peitbniah jong ka na ka rukom synshar ha ka jaka sha ka rukom synshar kaba kyrpang bha, kaba treikam bha. Kane ka rukom treikam ba thymmai kala treikam da ka jingmynjur lang jong ka tnat ki kam poh iing ka ri, kaba pyni ia ka jingpynkylla ba kongsan kaba thmu ban kyntiew ia ka jingshngain jong ka ri, ban kyntiew ia ka jingling ba lapynkhreh jong ka tnat iada ri, bad ban pynskhem ia ki jingtei bakongsan kiba donkam na ka bynta ka jingthmu jong ka Viksit Bharat.

Ki rukom treikam ba la pynbha jong ka tnat iada ri 

​Ka jingthmu bakongsan jong kane ka jingpynbha ia ki rukom treikam jong ka tnat iada ri ka long ban pynthikna ba ka tnat kaba khmih ia ka jingai jingkyrshan ia ki unit kan long kaba la pynkyrpang bha,kaba don jingthmu, bad kaba shimkhia bha. Kine ki rukom treikam ba la kyrshanlang da ka jingshimrai kaba shai-kaba la ialam lynti da ki riewshemphang na ki kynhun bala kham rangbah, ki jingtreikam ha ki kyrdan jong ka unit – ba kynthup ia ki standard operating procedures (SOPs), ki lad ban teh lakam iaka jingrung, bad ka jingphah ia ka kynhun jong ka Quick Reaction Team (QRT) -ia kiba yn nangiai pynbha ba kin long kiba lah ban treikam bha. 

Ka jingpynwandur thymmai ia ki rukom treikam

Hapoh jong ka rukom treikam kaba hashwa, kawei ka Sector Headquarters ka hap ban khmih bad pyniaid ia shibun tylli ki tnat treikam jong palat 50 tylli ki unit bapher bapher, naduh ki par dewiong haduh ki karkhana pynmih bording ilektrik bad ports, kiba donkam ia ka jingiatreilng jong kiba bun tylli ki tnat treikam.

Sdang naduh mynta ka sngi, ia ka jingpeitbniah la pynlong katkum ka jait jingpyntreikam. Ki kyndon treikam bathymmai ba la pyntreikam ki kynthup: 

• Ka tnat pynmih bording-I (New Delhi) bad bording-II (Kolkata) 
• Ka tnat dewiong  (Ranchi)
• Ka tnat steel (Bhilai)
• Ka tnat pynmih umphniang Petrol & Natural Gas  (Guwahati)
• Ka tnat West Coast Port (Mumbai) bad ka East Coast Port (Chennai) 
• Ka tnat ba khmih ia ki iing treikam jong ka sorkar, ki Museum bad ki jingteinam bad ka Mass Rapid Transit System (GBMM & MRTS)  (New Delhi)

Kine ki iasnohlang bad ki tnat liengsuin (ba la treikam naduh 2001) bad ka tnat DAE & DoS (ba la treikam naduh 2018), kaba wanrah ia baroh kawei ka rukom treikam hapoh ka rukom treikam ba la pynshisha bad pyniatylli.

Ka jingiakren ia ki jingma kiba mih bad ki jingbthah ba kongsan
Ha ka jingialeh ba mynta, ka ri kam dei ban duhnoh ia u pud u sam na ka bynta ban mad ia ka jingshahrem ba shyrkhei. Ki jingtei bakongsan mynta ki ia kynduh ia ki jingma na ki drone, ki tiar iapom, ka jinghiarthma lyngba ki cyber, ka jingpynjot, bad ki jingpynthut ha ki jingiatreilang. U ne ka nongshun kim donkam ban pynjulor ia ka jaka ne ka jingtrei; wat ka jingpynthut ba shipor jong ka jingpynmih bording ilektrik, ka jingsam ia ka umphniang petrol, ne ka jingtreikam jong ki kadliengsuin ne ki kad jhaj ka lah ban wanrah ia ki jingeh kiba lah ban saphriang palat na ka jak aba mad ia jingshah pynjulor. 

Katba ka jaka pynmih umphniang, ka par dewiong, bad ka kad jhaj baroh ki donkam ia ka jingiada sawdong jong u pud u sam, ka jingtreikam jong ki, ki jingtlot treikam ba shapoh jong ki bad ki jingshah pynthut jong ki na ki jingeh kiba mih ha ka ri ki long da kumwei pat. Ka nongrim kaba pynlong ia kane ka jingkylla ka long ba ka jingshngain kam dei ban long tang ha ki jaka ba don ki jingdon jingem, hynrei kaei kaba ka leh bad kaei ka jingpynthut jong ka kan long na ka bynta ka ri.

Ka jingkyntiew kyrdan ia ka jingstad teknoloji bad ka jingshngain jong u  briew ne ka kynhun

Kane ka jingpynbeit thymmai ka long ka jingkylla na ka rukom pahara kaba kham bunsien la pynshong nongrim ha ka jingialam jong ka jingstad, ka jingsngewthuh ia ki jingeh sha ka jingiada ia ki jingtei bakongsan. Na ka bynta ki kynhun, kane ka long ka jingiamir jingmut bad u nongialam jong ka tnat uba sngewthuh ia ka kam karkhana jong ki.

Kane ka jingpynkyrpang kan kyrshan beit ia ka jingkynthup ia ka jingstad teknoloji ba thymmai ha ka jingpyndonkam ia ki tiar pahara. Ia ka Sector Headquarters yn sa buh ha ka kyrdan ba kham kyrpang na ka bynta ban wanrah lang hajuh ia ka jingiada ia ki paidbah bad ki jingdon jingem ryngkat bad ka jingkhmih ha kaba iadei bad ki jinma kiba mih na ka cyber na ka bynta ka industrial control systems (OT/ICS), ban pyntreikam ia ka jingstad teknoloji lyngba ki drone, bad ban wanrah ia ki rukom pyrkhat kam kiba kham bha na ka bynta ban wanrah kham kloi ia ki jingpynbha hadien ka jingjia.

Haba kdew ia ki jingmyntoi jong ka seng lyngba kane ka jingkylla kaba khraw, u DG CISF ula ong – “nyngkong eh, ha ka jinglong jingman kaba bun jait jong kito baroh kiba iadon bynta ha kane ka kam jong ki unit jong ngi, kan wanrah ia ka jingiatreilang bad ka jingiadei kaba kham bha khamtam eh bad ki bor pyniaid jong ki unit kum kawei na ki jingiakynduhlang na kano kano ka liang. Kaba ar, u khlieh nongialam uba aitilut ia lade hapoh jong ka tnat treikam un kham pynduna ia ki jingeh jong ka rukom treikam kaba wanrah ia ka jingshimrai ha ka por kaba biang, ha ki jingjia kiba kham jwat bad kiba kham kongsan kiba lah ban weng ia ki jingeh. Bad khatduh eh kum kane ka rukom treikam kaba thymmai kan wanrah ia ki kyndon treikam kiba biang, bad kiba don ia ka jingkitkhlieh kiba long ruh ki jingduna jong kano kano ka seng.”

Da kaba pyniasohlang ia ka jingstad ba kyrpang jong ka tnat bad kyntiew ia ka jingiatreilang jong ki kynhun treikam bapher bapher, ka CISF mynta ka la pynkupbor ban iada ia ka jinglong jingman jong ki karkhana hapoh India, ban pynthikna ba ka jingtreikam ba kongsan jong ka r ikan iai long kaba shngain bad ka bym don jingpynthut katba ka India ka dang iaid shakhmat ban kylla long ka ri kaba la kiew bha. 

*****