மின்னணு கழிவு மேலாண்மை: புதிய மற்றும் புதுப்பிக்கத்தக்க எரிசக்தி அமைச்சகம் தீவிர பிரச்சாரம்

புதிய மற்றும் புதுப்பிக்கத்தக்க எரிசக்தி அமைச்சகம் மின்னணு கழிவுகளை முறையாகச் சேகரித்தல், வகைப்படுத்துதல் மற்றும் அகற்றுதல் ஆகியவற்றிற்கான தீவிர முயற்சிகளை மேற்கொண்டு வருகிறது. 'தூய்மை' கலாச்சாரத்தை நிறுவனமயமாக்குதல் மற்றும் வளங்களைச் சிறப்பாக நிர்வகித்தல் ஆகிய நோக்கங்களுடன், நிலுவையில் உள்ள விவகாரங்களை அகற்றுவதற்கான 'சிறப்புப் பிரச்சாரம் 6' ன் ஒரு பகுதியாக இந்த நடவடிக்கைகள் மேற்கொள்ளப்படுகின்றன.

இந்தத் திட்டத்தின் கீழ், பயன்பாடற்ற மற்றும் மின்னணு கழிவுப் பொருட்களாக மாறியுள்ள 5,337 பொருட்கள் அகற்றப்பட வேண்டியவை என அடையாளம் காணப்பட்டுள்ளன. இவை ஏலம் மூலம் அகற்றப்படுகின்றன; இதன் மூலம் வருவாய் ஈட்டப்படுவதுடன், அலுவலகத்தில் உள்ள இடவசதியைச் சிறப்பாகப் பயன்படுத்தவும் வழிவகை செய்யப்படுகிறது. இந்த அகற்றும் செயல்முறையின் மூலம் இதுவரை ரூ.11,40,220 வருவாய் கிடைத்துள்ளதுடன், சுமார் 600 சதுர அடி இடவசதியும் விடுவிக்கப்பட்டுள்ளது.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://www.pib.gov.in/PressReleaseDetail.aspx?PRID=2329730&reg=48&lang=2

****

SK/VK/RJ