DRIએ ત્રિચી એરપોર્ટ પર વન્યજીવ તસ્કરીના નેટવર્કનો પર્દાફાશ કર્યો; 45 જીવંત સરિસૃપ (રેપ્ટાઇલ્સ) જપ્ત કર્યા; 2 લોકોની ધરપકડ

ડિરેક્ટોરેટ ઓફ રેવન્યુ ઇન્ટેલિજન્સ (DRI) એ એર ઇન્ટેલિજન્સ યુનિટ (AIU), ત્રિચી સાથેના એક સંકલિત ઓપરેશનમાં ત્રિચી આંતરરાષ્ટ્રીય એરપોર્ટ દ્વારા ભારતમાં 45 જીવંત સરિસૃપોની તસ્કરી કરવાનો પ્રયાસ નિષ્ફળ બનાવ્યો છે. ચોક્કસ બાતમીના આધારે કાર્યવાહી કરીને, ડીઆરઆઈના અધિકારીઓએ 26 ઓક્ટોબર 2026 ના રોજ કોલંબો થઈને બેંગકોકથી આવી રહેલા બે ભારતીય મુસાફરોને અટકાવ્યા હતા. તેમના સામાનની વ્યવસ્થિત તપાસ કરતાં 27 ખાદ્ય પદાર્થોના પેકેટોમાં છુપાવેલા જીવંત વન્યજીવો મળી આવ્યા હતા, જે પ્રાણીઓ બેભાન હાલતમાં મળી આવ્યા હતા.

મળી આવેલા સરિસૃપોમાં 23 કોર્ન સ્નેક્સ, 16 બોલ પાઇથન્સ, 5 આર્જેન્ટાઇન બ્લેક એન્ડ વ્હાઇટ ટેગસ અને 1 સ્નો વ્હાઇટ ઇગ્વાનાનો સમાવેશ થાય છે. સરિસૃપોને જપ્ત કરવામાં આવ્યા હતા, અને કસ્ટમ્સ એક્ટ, 1962 ની જોગવાઈઓ હેઠળ AIU, ત્રિચી દ્વારા બે મુસાફરોની ધરપકડ કરવામાં આવી હતી. મુસાફરોના સામાનની તપાસ દરમિયાન વન્યજીવો રિકવર કરવામાં આવ્યા હતા અને આગળની જરૂરી કાર્યવાહી માટે AIU, ત્રિચીને સોંપવામાં આવ્યા હતા.

આ સફળ જપ્તી દેશમાં વન્યજીવોની ગેરકાયદેસર હિલચાલને રોકવા માટે બાતમી-આધારિત અમલીકરણ અને કસ્ટમ્સ સત્તાવાળાઓ સાથેના ગાઢ સંકલન દ્વારા વન્યજીવોની ગેરકાયદે તસ્કરી સામે લડવાની DRIની પ્રતિબદ્ધતાને રેખાંકિત કરે છે.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com