سوچھتا مہم 6.0

وزارتِ سماجی انصاف و تفویضِ اختیارات، حکومتِ ہند کی جانب سے آج قومی راجدھانی میں ایک تقریبِ تقسیمِ انعامات کا اہتمام کیا گیا، جس میں ملک گیر سوچھتا مہم 6.0 کے تحت منعقدہ فی البدیہہ تقریری مقابلے کے فاتحین کی عزت افزائی کی گئی۔

تقریب کی صدارت وزارتِ سماجی انصاف و تفویضِ اختیارات کے مرکزی سکریٹری جناب سدھانش پنت نے کی۔

اس موقع پر ایڈیشنل سکریٹری محترمہ مونا کے کھنڈھر، محترمہ دیبولینا ٹھاکر، جوائنٹ سکریٹری جناب سجیش کمار این، دیگر جوائنٹ سکریٹریز، ڈی ڈی جی، مختلف کارپوریشنوں اور بورڈوں کے چیف ایگزیکٹیو افسران کے علاوہ ڈائریکٹرز اور دیگر سینئر افسران موجود تھے۔

فی البدیہہ تقریری مقابلے کا انعقاد خصوصی مہم 6.0 کے تیاری کے مرحلے کے دوران 28 ستمبر کو کیا گیا، جس کا مقصد صفائی، حفظانِ صحت، پاکیزگی اور صاف ستھرے و صحت مند کام کاج کے ماحول کو برقرار رکھنے کی اہمیت کے بارے میں بیداری پیدا کرنا تھا۔

اس مقابلے نے شرکاء کو صفائی کی اہمیت اور صفائی کے کلچر اور شہری ذمہ داری کے فروغ میں افراد کے کردار کے بارے میں اپنے خیالات کے اظہار اور نظریات کے تبادلے کے لیے ایک پلیٹ فارم فراہم کیا۔

محکمے کے مجموعی طور پر پانچ افسران کو فاتح قرار دیا گیا اور تقریبِ تقسیمِ انعامات میں ان کی عزت افزائی کی گئی۔

مقابلے میں کارکردگی کے اعتراف اور صفائی و حفظانِ صحت کے فروغ سے متعلق اقدامات میں فعال شرکت کی حوصلہ افزائی کے لیے فاتحین کو پہلے انعام کے طور پر 5000 روپے، دوسرے انعام کے طور پر 3000 روپے اور تیسرے انعام کے طور پر 2000 روپے دیے گئے۔

اس اقدام کا مقصد افسران اور عملے کو سوچھتا مہم 6.0 کے مقاصد کے حصول میں فعال کردار ادا کرنے اور صفائی ستھرائی کی عادات کو اپنے روزمرہ کے معمولات کا حصہ بنانے کی ترغیب دینا تھا۔

سکریٹری جناب سدھانش پنت نے فاتحین کو مبارک باد دیتے ہوئے کہا کہ اس طرح کی سرگرمیاں صاف ستھرے، حفظانِ صحت کے اصولوں کے مطابق اور منظم کام کی جگہ برقرار رکھنے کے لیے بیداری، شرکت اور اجتماعی ذمہ داری کے احساس کو فروغ دیتی ہیں۔

مرکزی سکریٹری نے کہا کہ محکمہ سوچھتا مہم کے جذبے کو برقرار رکھنے اور اپنے افسران و عملے میں صفائی ستھرائی، کام کی جگہ پر حفظانِ صحت کے بہتر انتظامات اور ذمہ داری کے احساس کو فروغ دینے کے لیے مسلسل کوششوں کی حوصلہ افزائی کرنے کے تئیں پُرعزم ہے۔

******

ش ح۔ ش ا ر۔ ول

Uno-6729