امور صارفین، خوراک اور عوامی تقسیم کی وزارت
پوسٹ کرنے کی تاریخ:
23 OCT 2026 7:01PM by PIB Delhi
محکمہ خوراک اور عوامی نظام تقسیم (ڈی ایف پی ڈی) نے اپنے سرکاری شعبے کے اداروں (پی ایس یو)، منسلک اور ماتحت دفاتر کے ساتھ مل کر خصوصی مہم 6 کے تحت اپنی کوششیں تیز کر دی ہیں۔ یہ مہم 2 اکتوبر سے 31 اکتوبر 2026 تک نافذ کی جا رہی ہے، جس کا مقصد صفائی ستھرائی کے عمل کو ادارہ جاتی شکل دینا اور زیر التوا معاملات کو کم سے کم کرنا ہے۔
اس مہم کے نفاذ کے تین ہفتے مکمل ہو چکے ہیں۔ اس مدت کے دوران محکمہ خوراک اور عوامی نظام تقسیم نے تیاری کے مرحلے میں نشان زد کیے گئے ارکان پارلیمنٹ کے حوالہ جات، ریاستی حکومتوں کے حوالہ جات، عوامی شکایات اور اپیلوں سمیت تمام زیر التوا معاملات کو معیاری طریقے سے نمٹانے کے لیے کارروائی کی ہے۔
مہم کے تین ہفتوں کے دوران درج ذیل پیش رفت ریکارڈ کی گئی ہے:
- 48 ارکان پارلیمنٹ کے حوالہ جات پر کارروائی کی گئی
- 1,030 عوامی شکایات نمٹائی گئیں
- 161 عوامی شکایات سے متعلق اپیلوں کو نمٹایا گیا
- 82,696 کاغذی فائلوں کا جائزہ لیا گیا
- 12,937 کاغذی فائلوں کو چھانٹ کر تلف کیا گیا
- 14,663 الیکٹرانک فائلوں کا جائزہ لیا گیا
- 7,331 الیکٹرانک فائلیں بند کی گئیں
- 1,388 صفائی مہمات چلائی گئیں
- 31,423 مربع فٹ جگہ خالی کرائی گئی
- 36,15,558 روپے کی آمدنی حاصل ہوئی
مہم کی پیش رفت کا جائزہ لینے کے لیے محکمہ خوراک اور عوامی نظامِ تقسیم کے جوائنٹ سکریٹری (انتظامیہ) نے مختلف سرکاری شعبے کے اداروں، نیز محکمے کے منسلک اور ماتحت دفاتر کے نوڈل افسران کے ساتھ ایک جائزہ اجلاس منعقد کیا۔ مقررہ مدت کے اندر اہداف کے حصول، ریکارڈ کے انتظام کو مضبوط بنانے اور ریکارڈ روم کو صاف ستھرا اور غیر ضروری سامان سے پاک رکھنے کے لیے ضروری ہدایات جاری کی گئیں۔
محکمے کے پی ایس یو / منسلک اور ماتحت دفاتر کے نوڈل افسران کے ساتھ جائزہ اجلاس
ڈائریکٹر (جنرل اینڈ ویلفیئر) اور دیگر افسران کی جانب سے محکمے کے ریکارڈ روم کا معائنہ
محکمہ خوراک اور عوامی نظامِ تقسیم اپنے سرکاری شعبے کے اداروں، منسلک اور ماتحت دفاتر کے ساتھ مل کر مقررہ اہداف کے حصول اور نشان زدہ تمام شعبوں میں نمایاں اثرات مرتب کرنے کے لیے بھرپور کوششیں کر رہا ہے۔
یہ مہم صفائی ستھرائی، ریکارڈ کے مؤثر انتظام، زیر التوا معاملات میں کمی اور دفتری جگہ کے مؤثر استعمال پر حکومت کی مسلسل توجہ کی عکاسی کرتی ہے۔ اس طرح زیادہ مؤثر اور جواب دہ عوامی انتظامیہ کو فروغ ملتا ہے۔
***********
ش ح۔ ف ش ع
U: 6599