ایسی نگہداشت جوصرف نسخوں تک محدود نہیں

ایک پرانی کہاوت ہے کہ ایک بچے کی پرورش کیلئے پورے گاؤں کی ضرورت ہوتی ہے،لیکن اس میں یہ نہیں بتایا گیا کہ اس کی پرورش کے اخراجات کون برداشت کرتا ہے۔ایک چھوٹا سا خاندان، اپنی مانوس روزمرہ زندگی اور طے شدہ اخراجات کے ساتھ، ایک نئی زندگی کا استقبال کرتا ہے اور اچانک خود کو ایک نئی روٹین میں پاتا ہے۔ رات گئے تک جاگنا، بچوں کے ڈائپرز اور وائپس، ڈاکٹر کے پاس جانا، ادویات اور وہ بے شمار چھوٹے چھوٹے فیصلے جو نومولود سے محبت اور اس کی دیکھ بھال کے ساتھ جڑے ہوتے ہیں۔ خوشی بے پناہ ہوتی ہے، لیکن ذمہ داریاں اور اخراجات بھی بہت بڑھ جاتے ہیں۔ بچوں کی دیکھ بھال سے لے کر زچگی کے بعد ماں کی نگہداشت تک، خاندان کے بڑھنے کے ساتھ صحت کی دیکھ بھال سے متعلق طبی مصنوعات ناگزیر ہو جاتی ہیں۔

بچوں کی دیکھ بھال سے لے کر زچگی کے بعد ماں کی نگہداشت تک، خاندان کے بڑھنے کے ساتھ صحت سے متعلق مصنوعات خاندانی زندگی کا ایک لازمی حصہ بن جاتی ہیں۔ ان اخراجات میں ادویات کا اہم کردار ہوتا ہے، لیکن یہ خرچ صرف ادویات تک محدود نہیں رہتا۔ سرجری کے بعد صحت یابی کے دوران بھی صحت سے متعلق مصنوعات کی ضرورت برقرار رہتی ہے۔ اسی طرح، بزرگ والدین اور زیرِ کفالت افراد کی دیکھ بھال کے دوران بھی ان مصنوعات کی ضرورت پیش آتی ہے۔

ادویات سے آگے، سستی صحت کی سہولیات فراہم کرنے کے اسی وسیع تناظر میں حکومت پردھان منتری بھارتیہ جن اوشدھی پریوجنا (پی ایم بی جے پی) کے دائرۂ کار کو مسلسل وسعت دے رہی ہے۔ ملک بھر میں 20,000 سے زیادہ جن اوشدھی مراکز کے نیٹ ورک کے ذریعے یہ اقدام سستی سرجیکل اور صحت سے متعلق مصنوعات کی ایک وسیع رینج دستیاب کراتا ہے۔ اس طرح یہ مصنوعات خاندانوں اور ان کی روزمرہ ضروریات کے مزید قریب آ جاتی ہیں۔ یہ تمام مصنوعات مل کر صحت کی دیکھ بھال کے لیے ایک جامع مجموعہ تشکیل دیتی ہیں، جسے زندگی کے ہر مرحلے میں بدلتی ہوئی صحت کی ضروریات کو پورا کرنے کے لیے تیار کیا گیا ہے۔

ایک نوجوان خاندان کے لیے بچے کی آمد روزمرہ ضروریات کے ایک نئے سلسلے کا آغاز ہوتی ہے۔ جن اوشدھی بچپن کے تحت جن اوشدھی مراکز پر بچوں کی دیکھ بھال کے لیے مختلف مصنوعات دستیاب ہیں، جن کی مدد سے خاندان مناسب قیمتوں پر ضروری اشیا حاصل کر سکتے ہیں۔ ان میں مختلف سائز کے بیبی ڈائپرز اور وائپس شامل ہیں۔ مثال کے طور پر، بیبی وائپس (20 وائپس کا پیک) 45 روپے میں دستیاب ہیں، جو بچوں کی دیکھ بھال میں روزمرہ استعمال ہونے والی اہم اشیا میں سے ایک کا کفایتی متبادل ہیں۔ جن اوشدھی مصنوعات کی فہرست میں بچوں کو دودھ پلانے کی بوتل (250 ملی لیٹر)، دستی بریسٹ پمپ، گرم پانی کی بوتل، شیر خوار بچوں کو خوراک دینے والی ٹیوب اور دیگر مصنوعات بھی شامل ہیں۔

دیکھ بھال کے اس سفر میں ماں کی ضروریات بھی اہم ہیں۔ بچے کی پیدائش کے بعد صحت یابی کے لیے مناسب آرام، تعاون اور جسمانی صحت و تندرستی پر توجہ دینا ضروری ہے۔ زچگی کے بعد نگہداشت میں مدد کے لیے جن اوشدھی نیٹ ورک کے ذریعے پیٹ کو سہارا دینے والی بیلٹس بھی دستیاب ہیں۔ اسی طرح، 525 روپے کی قیمت پر دستیاب سروائیکل تکیے آرام اور سہارا فراہم کرتے ہیں اور حمل کے دوران اور اس کے بعد بھی مفید ثابت ہو سکتے ہیں۔

بڑھتے ہوئے بچے کی ضروریات نومولود بچے سے کافی مختلف ہوتی ہیں۔ سانس کی بیماریوں اور صحت کے دیگر مسائل کے لیے بعض اوقات گھر پر معاون طبی آلات کی ضرورت پڑ سکتی ہے، جس کی وجہ سے خاندانوں کے لیے سستے طبی آلات تک رسائی خاص طور پر اہم ہو جاتی ہے۔

 جن اوشدھی مراکز پر الیکٹرک نیبولائزر مشین 937.50 روپے میں اور بچوں کے لیے ٹیوبنگ کے ساتھ نیبولائزر ماسک 200 روپے میں دستیاب ہے۔ جن اوشدھی مراکز تیزی سے ایسی مصنوعات فراہم کر رہے ہیں جو نہ صرف علاج میں مدد دیتی ہیں بلکہ صحت کی نگرانی، صحت یابی اور روزمرہ طبی نگہداشت کے انتظام میں بھی معاون ثابت ہوتی ہیں۔

صحت کی باقاعدہ نگرانی بھی روزمرہ زندگی کا حصہ بن سکتی ہے۔ گلوکومیٹر ٹیسٹ اسٹرپس (25 اسٹرپس) جیسی مصنوعات، جن کی قیمت 500 روپے ہے، خون میں شکر کی سطح کی باقاعدہ نگرانی کے لیے جن اوشدھی نیٹ ورک کے ذریعے دستیاب ہیں۔ اسی طرح، خون میں آکسیجن کی سطح ناپنے کے لیے پلس آکسی میٹر بھی دستیاب طبی آلات کی فہرست میں شامل ہیں۔

جب والدین اور خاندان کے دیگر افراد عمر رسیدہ ہو جاتے ہیں تو ان کی دیکھ بھال کی ذمہ داری اکثر خاندانی زندگی کا ایک لازمی حصہ بن جاتی ہے۔ عمر رسیدہ، زیرِ کفالت یا بستر تک محدود افراد کے لیے صفائی، آرام، وقار اور روزمرہ دیکھ بھال کا خیال رکھنا بھی اتنا ہی اہم ہو جاتا ہے۔

کسی عزیز کی طویل عرصے تک صحت کی دیکھ بھال کرنے والے خاندان کے لیے یہ مصنوعات بار بار خریدنے کی ضرورت پیش آ سکتی ہے۔ اس لیے روزمرہ استعمال کی صحت سے متعلق مصنوعات پر ہونے والی معمولی بچت بھی مہینوں اور برسوں کے دوران قابلِ ذکر مالی راحت میں تبدیل ہو سکتی ہے۔

اسی ضرورت کو مدِنظر رکھتے ہوئے حکومت نے جن اوشدھی سوابھیمان کا آغاز کیا ہے، جو بالغ افراد کے لیے ڈائپرز کی ایک مخصوص مصنوعات کی رینج ہے۔ والدین بننے کے ابتدائی دنوں سے لے کر بچوں کی پرورش تک، صحت کی باقاعدہ نگرانی سے لے کر عمر رسیدہ عزیزوں کی دیکھ بھال تک، خاندان کی صحت کی ضروریات کا سفر مسلسل جاری رہتا ہے، اور اس کے ساتھ ہونے والے اخراجات بھی۔ جن اوشدھی کی سرجیکل اور روزمرہ استعمال کی طبی مصنوعات کی رینج انہی ضروریات کو پورا کرنے کے مقصد سے فراہم کی گئی ہے۔

اس مصنوعات کی رینج میں مزید توسیع کی جا رہی ہے۔ صحت کی دیکھ بھال اور معاون نگہداشت سے متعلق کئی مصنوعات فی الحال زیرِ عمل ہیں اور انہیں اس نیٹ ورک میں شامل کرنے کی تیاری جاری ہے۔ ان میں موشن نی بریس، واکر (بیٹھنے سے کھڑے ہونے میں مدد دینے والا سہارا)، میڈیکل اسٹیم ویپورائزر، پاؤں کو اونچا رکھنے والا تکیہ، حمل کے دوران کمر کو سہارا دینے والی بیلٹ اور سروائیکل کالر کی مختلف اقسام شامل ہیں۔

مجوزہ توسیع ادویات سے آگے سستی صحت کی سہولیات کو وسعت دینے اور تمام شہریوں کے لیے صحت کی دیکھ بھال، نقل و حرکت، بحالی اور معاون نگہداشت سے متعلق ضروری مصنوعات کی ایک وسیع رینج کو قابلِ رسائی بنانے کے لیے حکومت کی مسلسل کوششوں کی عکاسی کرتی ہے۔

حوالہ:

 وزارتِ کیمیکلز و کھاد

https://www.pib.gov.in/PressReleasePage.aspx?PRID=2297568&reg=48&lang=2

پی آئی بی پس منظر

https://www.pib.gov.in/PressNoteDetails.aspx?NoteId=157711&ModuleId=3&reg=48&lang=1

https://www.pib.gov.in/FeaturesDeatils.aspx?NoteId=159370&ModuleId=2&reg=48&lang=1

پی ڈی ایف دیکھنے کے لیے یہاں کلک کریں۔

***

ش ح۔ ک ا۔ ع د

U.NO. 6311