نئی اور قابل تجدید توانائی کی وزارت(ایم این آر ای) نے اپنے مرکزی شعبے  کے اپنےسرکاری اداروں (سی پی ایس یوز) اور خود مختار اداروں کے ساتھ مل کر خصوصی مہم 6 کا تیاری کا مرحلہ کامیابی کے ساتھ مکمل کر لیا ہے۔ اس مہم کا آغاز انتظامی اصلاحات اور عوامی شکایات کے محکمے (ڈی اے آر پی جی) نے سرکاری دفاتر میں صفائی ستھرائی کو ادارہ جاتی نظام کا مستقل حصہ بنانے اور زیر التوا معاملات کو کم سے کم کرنے کے مقصد سے کیا ہے۔ تیاری کا یہ مرحلہ 15 ستمبر سے 30 ستمبر 2026 تک جاری رہا۔

اس دوران درج ذیل سرگرمیاں انجام دی گئیں:

1. مختلف پیمانوں کے تحت زیرِ التوا معاملات کی نشاندہی اور انہیں نمٹایا گیا۔

2. موجودہ رہنما خطوط کے مطابق دستاویزی  ریکارڈ کا جائزہ لیا گیا، درجہ بندی  کی گئی  اور غیر ضروری ریکارڈ کو تلف کیا گیا۔

3. وزارت نے سرکاری شعبے کے اس کے اداروں اور خود مختار اداروں میں صفائی ستھرائی برقرار رکھنے کے لیے صفائی مہم چلائی۔

• IV. نفاذ کے مرحلے کے دوران اہداف مقرر کرنے کے لیے ماحولیات، جنگلات اور آب وہوا کی تبدیلی کی وزارت (ایم او ای ایف سی سی) کے رہنما خطوط کے مطابق الیکٹرانک کچرے کی نشاندہی کی گئی اور اسے الگ کیا گیا۔

مذکورہ وزارت کے دو مرکزی سرکاری شعبے کے اداروں — انڈین رینیوایبل انرجی ڈیولپمنٹ ایجنسی لمیٹڈ (آئی آر ای ڈی اے) اور سولر انرجی کارپوریشن آف انڈیا لمیٹڈ (ایس ای سی آئی) — نیز اس کے تین خود مختار اداروں — نیشنل انسٹی ٹیوٹ آف سولر انرجی (این آئی ایس ای)، نیشنل انسٹی ٹیوٹ آف ونڈ انرجی (این آئی ڈبلیو ای) اور سردار سوارن سنگھ نیشنل انسٹی ٹیوٹ آف بایو انرجی (ایس ایس ایس-این آئی بی ای) نے تیاری کے مرحلے میں سرگرمی سے حصہ لیا۔

اس مرحلے کی کامیاب تکمیل کے بعد متعلقہ  وزارت اب مہم کے نفاذ کے مرحلے کے لیے پوری طرح تیار ہے، جو 2 اکتوبر 2026 سے شروع ہو کر 31 اکتوبر 2026 تک جاری رہے گی۔ اس دوران تمام نشان زدہ اہداف کے حصول اور سرکاری امور کی انجام دہی میں صفائی ستھرائی اور کارکردگی کے کلچر کو مزید مستحکم کرنے کے لیے مسلسل کوششیں کی جائیں گی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –ش  م-ع ن)

U. No. 6298

(ریلیز آئی ڈی: 2325031) وزیٹر کاؤنٹر : 3