زرعی تحقیق اور تعلیم  کا محکمہ اور زرعی تحقیق  کی بھارتی کونسل  ، ملک بھر میں اپنے مختلف اداروں کے احاطوں اور آس پاس کے علاقوں میں صفائی ستھرائی کی مہمات مسلسل چلا رہے ہیں۔ ان مہمات کے تحت بیرونی اور اندرونی دونوں جگہوں کی صفائی کی جا رہی ہے۔ ان سرگرمیوں میں اداروں کے افسران کی زیادہ سے زیادہ شرکت کو یقینی بنانے کے ساتھ ساتھ صفائی ستھرائی کی اہمیت کو عام کرنے، کچرے سے دولت پیدا کرنے اور عوامی ضروریات کو مدنظر رکھتے ہوئے ماحول دوست طریقے اپنانے کے اہداف بھی مقرر کیے گئے ہیں۔

 

آئی سی اے آر –  اے ٹی اے آر آئی  ، بنگلورو

 

آئی سی اے آر –  اے ٹی اے آر آئی  ، جودھپور

 

آئی سی اے آر –   آئی آئی ڈبلیو ایم ، بھوبنیشور

 

 

آئی سی اے آر – آئی آئی ایف ایس آر مودی پورم ، میرٹھ

 

آئی سی اے آر – سی آئی ڈبلیو اے ، بھوبنیشور

 

صفائی سے پہلے اور بعد کی تصاویر سے حاصل کی گئی کامیابیوں کا واضح اندازہ ہوتا ہے۔ تنظیم کے مختلف اداروں کی جانب سے اپنائے گئے بہترین طریقوں میں عوام کی پُر جوش شرکت نمایاں ہے۔ آئی سی اے آر کے اداروں اور مراکز نے کچرے سے فن پارے بنانے، کباڑ سے کارآمد چیزیں تیار کرنے، اشیا کے دوبارہ استعمال اور ان کی بازیافت کی مہمات، پلاسٹک سے پاک ماحول کے اقدامات اور کچرے کے مواد کو تخلیقی انداز میں استعمال کرنے جیسی سرگرمیوں کے ذریعے اشیا کا استعمال کم کرنے، دوبارہ استعمال کرنے اور بازیافت کرنے کے اصولوں کو فروغ دیا ہے۔

کچرے کو مفید اور خوب صورت مصنوعات میں تبدیل کرنے، کچرے کے ذمہ دارانہ انتظام کے بارے میں بیداری پیدا کرنے اور اس پیغام کو عام کرنے پر بھی زور دیا گیا ہے کہ کچرے کو ایک کارآمد وسیلے میں بدلا جا سکتا ہے۔ صفائی مہم کے تحت گلنے سڑنے سے محفوظ رہنے والے پلاسٹک کے کچرے، کوڑا کرکٹ اور غیر ضروری جھاڑیوں کو جمع کرکے احاطے سے ہٹایا گیا۔ اس سرگرمی سے کیمپس کی صفائی اور مجموعی خوب صورتی میں بہتری آئی۔ شرکا کو صاف ستھرا اور پلاسٹک سے پاک کیمپس برقرار رکھنے کی اہمیت سے بھی آگاہ کیا گیا اور انہیں صفائی ستھرائی کے پائیدار طریقوں کو اپنانے میں اپنا تعاون دینے کی ترغیب دی گئی۔

*****

) ش ح –   ض ر      -  ع ا )

U.No. 5027

(ریلیز آئی ڈی: 2322387) وزیٹر کاؤنٹر : 9