معذور افراد کو بااختیار بنانے کا محکمہ (ڈی ای پی ڈبلیو ڈی) 'خصوصی مہم 6' (2 تا 31 اکتوبر 2026) کے تحت زیر التوا دفتری کاموں میں کمی لانے، ریکارڈ مینجمنٹ کو بہتر بنانے، دفتری جگہ کو خالی کرانے اور ای-ویسٹ کو ذمہ دارانہ طریقے سے ٹھکانے لگانے کے لیے اپنی کوششوں کو مزید تیز کر رہا ہے۔

محکمہ برائے انتظامی اصلاحات اور عوامی شکایات (ڈی اے آر پی جی) کی جانب سے شروع کی گئی اس مہم کا مقصد 'سوَچھتا' کو مستقل دفتری نظام کا حصہ بنانا اور مؤثر طرزِ حکمرانی کو فروغ دینا ہے۔ ڈی ای پی ڈبلیو ڈی نے ایک نوڈل آفیسر نامزد کیا ہے اور اپنے تمام منسلک و ماتحت دفاتر، پبلک سیکٹر انڈرٹیکنگز اور خودمختار اداروں کو بھی نوڈل آفیسرز نامزد کرنے اور زیرِ التوا معاملات کی نشاندہی کرنے کی ہدایت کی ہے۔

'خصوصی مہم 5.0' کی کامیابیوں کو آگے بڑھاتے ہوئے، ڈی ای پی ڈبلیو ڈی اور اس کے ذیلی اداروں نے اکتوبر 2025 کے دوران 11,972 کاغذی فائلوں/دستاویزات کو ڈیجیٹائز کیا اور (غیر ضروری فائلوں کو) چھانٹ کر تلف کیا، جس سے تقریباً 15,588 مربع فٹ دفتری جگہ خالی ہوئی، 14.47 لاکھ روپے کی آمدنی حاصل ہوئی اور 64 صفائی مہمات چلائی گئیں۔

سالانہ مہم کے اختتام کے بعد بھی 'سوَچھتا' اور رکے ہوئے کاموں کو نمٹانے کی سرگرمیاں جاری رکھی گئی ہیں، اور ڈی اے آر پی جی کی ہدایات کے مطابق 'خصوصی مہم 6 پورٹل' (ایس سی ڈی پی ایم) پر پیش رفت کا ریکارڈ باقاعدگی سے درج کیا جا رہا ہے۔

پورٹل پر درج کی گئی موجودہ پیش رفت ریکارڈ کے مؤثر انتظام و انصرام اور زیرِ التوا معاملات کو نمٹانے کی جانب محکمہ کی جاری کوششوں کی عکاسی کرتی ہے۔ موجودہ مرحلے کے لیے طے شدہ 52 صفائی مہمات کے مقابلے میں 13 مہمات پہلے ہی چلائی جا چکی ہیں۔ جائزے کے لیے مقرر کردہ 928 کاغذی فائلوں میں سے 172 کا جائزہ لیا جا چکا ہے، جبکہ 32 ای-فائلیں جائزے کے لیے پیش کر دی گئی ہیں۔

محکمہ اپنے زیرِ التوا کاموں میں کمی لانے کی کوششوں کے حصے کے طور پر مختلف زمروں کے ریفرنسز اور عوامی شکایات کو بھی حل کر رہا ہے۔ پورٹل کے ریکارڈ کے مطابق، طے شدہ 202 عوامی شکایات میں سے 154 اور عوامی شکایات کی 43 اپیلوں میں سے 20 کا ازالہ کیا جا چکا ہے۔ مزید برآں، ارکانِ پارلیمنٹ کی جانب سے موصول ہونے والے 55 ریفرنسز میں سے 10، پارلیمانی یقین دہانیوں میں سے 3، کابینہ کی تجاویز سے متعلق جے ایم سی کے تمام 2 ریفرنسز، اور پی ایم او کے 6 ریفرنسز میں سے 4 کو حل کر دیا گیا ہے۔

جاری 'سوَچھتا خصوصی مہم 6'  کے حصے کے طور پر، 8 اکتوبر 2026 کو 'سوامی وویکانند نیشنل انسٹی ٹیوٹ آف ری ہیبلیٹیشن ٹریننگ اینڈ ریسرچ' (ایس وی این آئی آر ٹی اے آر) کے گیسٹ ہاؤس اور اس کے ملحقہ علاقوں میں صفائی ستھرائی کی ایک سرگرمی انجام دی گئی۔ اس سرگرمی کا بنیادی مقصد صفائی، ستھرائی اور صحت بخش ماحول کو برقرار رکھنا اور کچرے کے انتظام کے ذمہ دارانہ طریقوں کو فروغ دینا تھا، تاکہ کیمپس کو صاف ستھرا اور صحت مند بنانے میں مدد مل سکے۔

'خصوصی مہم 6.0' غیر ضروری التوا کو کم کر کے، ریکارڈ مینجمنٹ کو بہتر بنا کر، قابلِ استعمال جگہ کو خالی کرا کر اور متروکہ اشیاء خصوصاً ای-ویسٹ کو ذمہ دارانہ طریقے سے تلف کرنا یقینی بنا کر 'سوَچھتا' اور بہتر طرزِ حکمرانی کے دوہرے مقاصد کو تقویت دیتی ہے۔ یہ مہم زائد المیعاد ریکارڈز اور ناکارہ اشیاء کو زیادہ کارکردگی، جوابدہی اور عوامی وسائل کے بہترین استعمال کے مواقع میں تبدیل کرنے کی کوشش کرتی ہے۔

**********

 (ش ح –ا ب ن)

U.No:4935

(ریلیز آئی ڈی: 2321573) وزیٹر کاؤنٹر : 5