کمپٹیشن کمیشن آف انڈیا (سی سی آئی) نے سی پی پی انویسٹمنٹ بورڈ پرائیویٹ ہولڈنگز (4) اِنک کی جانب سے پریسٹيج ہاسپیٹلٹی وینچرز لمیٹڈ میں مخصوص حصص حاصل کرنے کی منظوری دے دی ہے۔

مجوزہ کاروباری الحاق کے تحت سی پی پی انویسٹمنٹ بورڈ پرائیویٹ ہولڈنگز (4) اِنک (خریدار) کی جانب سے پریسٹيج ہاسپیٹلٹی وینچرز لمیٹڈ (ٹارگٹ کمپنی) میں مخصوص حصص (شیئر ہولڈنگ) حاصل کرنے کا منصوبہ ہے۔

خریدار کمپنی کناڈا میں رجسٹرڈ ہے اور اس کا انتظام 'کناڈا پینشن پلان انویسٹمنٹ بورڈ' (سی پی پی آئی بی) کے پاس ہے، جو کہ کناڈا پینشن پلان فنڈ کا انتظام سنبھالنے والا ایک پیشہ ورانہ انویسٹمنٹ مینجمنٹ ادارہ ہے۔ اثاثوں کا ایک متنوع پورٹ فولیو تیار کرنے کی غرض سے، یہ ادارہ دنیا بھر میں پبلک ایکویٹیز، پرائیویٹ ایکویٹیز، رئیل اسٹیٹ، انفراسٹرکچر، فکسڈ انکم اور متبادل حکمتِ عملیوں میں سرمایہ کاری کرتا ہے، جس میں فنڈز کے ساتھ شراکت داری بھی شامل ہے۔

ٹارگٹ کمپنی بھارت میں رجسٹرڈ ایک پبلک لمیٹڈ کمپنی ہے، اور یہ پریسٹيج گروپ کا حصہ ہے۔ ٹارگٹ کمپنی بنیادی طور پر بھارت میں لگژری، اپر اپ اسکیل (عالی شان)، اپ اسکیل (اعلیٰ درجے) اور اپر مڈ اسکیل (اعلیٰ متوسط درجے) کے مہمان نوازی کے اثاثوں کی ملکیت اور ترقی کے کاروبار سے وابستہ ہے، جس میں کاروباری اور تفریحی مسافروں کے لیے فعال، جاری اور آنے والے ہوٹل اور سروسڈ اپارٹمنٹس شامل ہیں۔

**********

 (ش ح –ا ب ن)

U.No:4807

(ریلیز آئی ڈی: 2320425) وزیٹر کاؤنٹر : 4