এসিয়ন গেম্স ২০২৬কী মরমদা

এসিয়ন গেম্স, এসিয়াদ হায়নসু খঙনরিবা অসি এসিয়াদা চহী মরিদা অমুক্তং পাংথোকপা খ্বাইদগী চাউবা শান্ন-খোৎনবগী কম্পিতিসন অমনি। মখোয়শিং অসি ওলিম্পিক কাউন্সিল ওফ এসিয়ানা (ও.সি.এ.) শীনবনি অমসুং হৌজিক্তি লৈবাক নৎত্রগা রিজন ৪৫না শরুক য়ারি। ২০২৬গী সেপ্তেম্বর ১৯দগী ওক্তোবর ৪ ফাওবা জাপানগী আইচী-নাগোয়াদা ২০শুবা এসিয়ন গেম্স পাংথোকখি। ওফিসিএল স্লোগান অসি “ইমেজিন ৱান এসিয়া”না ওইখি। এসিয়ন গেম্স অসি জাপান্না অহুমশুবা ওইনা য়ুম্বু ওইখ্রে, মসিগী মমাংগী ইদিসনশিং অসি তোকিও (১৯৫৮) অমসুং হিরোশিমা (১৯৯৪) দা পাংথোকখি।

মালেমগী থাক্কী অকনবা কম্পিতিসনশিং তৌদুনা নুমিৎ ১৬ চুপ্না মরুওইবা ইভেন্ত অসি পাংথোকখি। মসিদা এথলেতিক্সকী অফবা মশক অমা উৎনবা স্পোর্তস ৪৩ অমসুং দিসিপ্লিন ৭১ য়াওখি। গেম্সকী মনুংদা নুংঙাইরবা ইভেন্ত ৪৬৯দা পুন্না মেদল ১,৪০৭ পীখি।

এসিয়ন গেম্সকী মথক্তা, ২০২৬কী ওক্তোবর ১৮দগী ওক্তোবর ২৪ ফাওবা আইচী-নাগোয়াদা জাপান্না ৫শুবা এসিয়ন পেরা গেম্সকী য়ুম্বু ওইদুনা পাংথোক্কনি। মসিনা জাপান্না অহানবা ওইনা পেরা গেম্স পাংথোকপা ওইগনি।

এসিয়ন গেম্স ২০২৬ এমব্লেমগী মরমদা

ওফিসিএল এমব্লেলমগী মচু অমসুং দিজাইননা লোকেল অমসুং কলচরেলগী মরুওইবা অদু স্পোর্তসকী দাইনামিক্সকা পুনশিন্নৈ। অকোনবশিং অসিনা লাইবলিনেস, ময়াইদা চেল্লিবা মংগ্রা মচু, সনা মচু অমসুং অশঙবগী লাইনশিং অসিনা মীশিং পুনশিনবগী মমি উৎলি অমসুং অয়াকপা অঙাংবা মচুগী নুমিৎনা ওলিম্পিক কাউন্সিল ওফ এসিয়া (ও.সি.এ.) গী ওফিসিএল সিম্বোলনি। মংগ্রা মচু অসিনা আইচীগী প্রিফেকচরগী লৈ, আইরিস অদু মহুৎ শিন্মী; সনা মচু অসিনা নাগোয়া কেসলগী মমিং লৈরবা সনা মচুগী তাইগর-ফিশকী য়ুমথক্কী লৈতেংশিং ওইরিবা কিনশাচী অদু মহুৎ শিন্মী; অমসুং অশঙবা মচু অসিনা আইচী-নাগোয়াগী অকোইবগী ফিভমগী মতাংদা মপাঙ্গল কনবা ৱাখল্লোন অদু উৎলি। মসি এক্সপো ২০০৫ আইচী, সি.ও.পি.১০ অমসুং য়ুনেস্কোগী ৱার্ল্দ কনফরেন্স ওন ই.এস.দি.গুম্বা মরু ওইবা ইভেন্তশিংগী খুত্থাংদা য়োকখৎলি। এমব্লেম অসিদা এসিয়া, আইচী অমসুং নাগোয়াগী গী অহানবা ময়েকশিং য়াওরি: “A” অসি মংগ্রা মচুগী কর্ভনা তাক্লি অমসুং সেন্তর লাইনদা, “N” অসি মংগ্রা অমসুং সনা মচুদা উৎলি।

 

এসিয়ন গেম্স ২০২৬কী ওফিসিএল মাস্কোৎ

২০শুবা এসিয়ন গেম্সকী মাস্কোৎ ওইরিবা “হোনোনোন”না শান্নরোয়শিংগী অকনবা পেসেন অদুবু মশক তাকই। মমিং অসি জাপানিজ ৱাহৈ “হোনোহো”দগী লৌরকপনি, মসি জাপানিজ ৱাহৈ ফ্লেমগী হৌরকফমগা মরী লৈনৈ। মসিগী দিজাইন অসি নাগোয়া কেসলগী মশক থোকপা সিম্বোল অমা ওইরিবা অমসুং আইচী-নাগোয়াগী ঙাকশেল পীবা লাই অমা ওইরিবা শাচিহোকোদগী ইথিল লৌবনি।

 

অহানবা এসিয়ন গেম্স ১৯৫১দা পাংথোকখি: ভারতকী হৌদোকপগী থৌদাং

ভারতনা এসিয়ন গেম্সকা মরী লৈনবগী হৌরকফম অসি ইং ১৯৫১দা ন্যু দিল্লীদা অহানবা ইদিসন পাংথোকখিবা মতমদগী লৈরকপনি। মসি এসিয়াগী লম কয়া অমা নৌনা দিকোলোনাইজ তৌখিবগা লোয়ননা, এসিয়াগী লৈবাকশিংগী মরক্তা লৈনরিবা মরী অসি মপাঙ্গল কনখৎহন্নবা মালেমগী অনিশুবা লাঞ্জাওগী মতুংদা হোৎনখিবশিংগী মতুং ইন্না পাংথোকখি। এসিয়ন স্পোর্তস কম্পিতিসনগী ৱাখল্লোন অসি ভারতনা য়ুনিতী উৎনবা অমসুং এসিয়ন লৈবাকশিংগী মরক্তা লাননা থুগাইখিবা মরী অমুক হন্না শেমগৎনবা পাম্বৈ অমা ওইনা পুথোকখি। এসিয়ন গেম্সকী ৱাখল্লোন অসি প্রো. জি.দি. সোনধি, ভারতকী ওইনা ইন্তর্নেস্নেল ওলিম্পিক কম্মিতী (আই.ও.সি.) গী মেম্বর অমা ওইরিবা অসিনা অহানবা ওইনা শাগৎখি। এসিয়ন গেম্স পাংথোক্নবা ৱাফম অসি অহানবা ওইনা ইং ১৯৪৭তা ন্যু দিল্লীদা পাংথোকখিবা এসিয়ন লৈবাকশিংগী কনফরেন্স অমদা পুখৎখি অমসুং মসিবু এসিয়ন গেম্স হায়না কৌনবা ৱারেপ লৌখি।

ইহান হানবা এসিয়ন গেম্স অসি ইং ১৯৫১গী মার্চ থাদা ন্যু দিল্লীদা পাংথোকখি। রাস্ত্রপতি রাজেন্দ্র প্রসাদনা নেস্নেল স্তেদিয়মদা মখোয়বু হাংদোক্লে হায়না লাউথোকখি। অহানবা ইদিসন অদুদা লৈবাক ১১না শান্নরোয় ৪৮৯বু শান্ন-খোৎনবগী মখল তরুক্কী মশান্নশিংদা শরুক য়াবা থারকখি। চহি অদুদা ভারতনা জাপানগী মতুংদা মেদল তেবলদা অনিশুবদা লৈখি। মতম অদুদগী হৌনা, গেম্স অসি শান্ন-খোৎনবশিংগী খুত্থাংদা মরুপ-মপাং ওইবগী থৌরম অমা ওইরকখি অমসুং দাইভর্সিতীবু মশক খঙদুনা মালেমগী শান্তিদা মতেং পাংলি।

আইচী-নাগোয়া ২০২৬তা ভারতকী কন্তিঞ্জেন্ত

ভারতনা এসিয়ন গেম্স ২০২৬তা স্পোর্তসকী মখল ৩৬দা শান্নরোয় ৫০১গী কন্তিঞ্জেন্ত অমগা লোয়ননা মল্তি-স্পোর্তসকী খ্বাইদগী চাউবা দেলিগেসন অমা থাখি। কন্তিঞ্জেন্ত অসিদা শান্নরোয় ৩০০ হেনবনা এসিয়ন গেম্সতা অহানবা ওইনা শরুক য়াখি।

তীম অসি থাদ্রিঙৈ মমাংদা সেপ্তেম্বর ৮, ২০২৬দা ন্যু দিল্লীদা গ্রান্দ সেন্দ-ওফ সেরিমোনী অমা পাংথোকখি। কেন্দ্রগী মন্ত্রী দোক্তর মান্দাবিয়া, ইন্দিয়ন ওলিম্পিক এসোসিয়েসন (আই.ও.এ.) গী প্রসিদেন্ত দোক্তর পি.তি. উশা অমসুং চেফ দি মিসন সহদেব য়াদবসু থৌরম অদুদা শরুক য়াখি অমসুং ওফিসিএল কন্তিঞ্জেন্ত জর্সি ওফিসিএল ওইনা উৎখি। ইন্দিয়ন ওলিম্পিক এসোসিএসন্না থৌরম অসি শীনখি।

দোক্তর মান্দাবিয়া (ময়াইদা) অমসুং আই.ও.এ.গী প্রসিদেন্ত দা. পি.তি. উশা (য়েৎ) অমসুং সেক্রেতরী (স্পোর্তস) হরি রঞ্জন রাও (ওই) না ২০২৬ এসিয়ন গেম্সকী মমাংদা ওফিসিএল কন্তিঞ্জেন্ত জর্সি পুথোকখ্রে।

ইমেজ সোর্স: য়ুথ এফিয়র্স অমসুং স্পোর্তস মন্ত্রালয়

২০২৬গী সেপ্তেম্বর ১৯দা পাংথোকখিবা হৌদোকপগী থৌরমদা, দবল ওলিম্পিক মেদল ফংলবা মনু ভাখর অমসুং কাবাদি শান্নরোয় পৱন সেহরাৱতনা ভারতকী পেরেদ লুচিংখি।

আইচী-নাগোয়া ২০২৬গা ভারতকী গোল্দ মেদলনা ঙান্থোইবা

২০২৬ এসিয়ন গেম্সতা ভারতকী কেম্পেন অসি অখন্নবা ইভেন্তশিং অমসুং তীম স্পোর্তশিংদা মপাঙ্গল কনবা পরফোর্মেন্সকী খুত্থাংদা গোল্দ মেদল ২১ লৌদুনা ময়েক শেংনা উৎখি। আর্চরীদা তাইতল ৫ ফংদুনা মকোক ওইখি। মসিগী মথংদা শুতিং অমসুং বোক্সিংনা গোল্দ মেদল ৩-৩ ফংখি। তীম স্পোর্তস্তা, ভারতনা ক্রিকেৎ, হোকী, অমসুং কাবাদিদা "গোল্দ রশ" অমা পাংথোকখি অমসুং স্পোর্তস খুদিংদা গোল্দ মেদল ২ ফংখি। ফাইনেলদা নুপাগী ক্রিকেৎ তীমনা পাকিস্তানবু রন ১৯ দা মায়থীবা পীবা, নুপাগী হোকী তীমনা মালেসিয়াবু ৫-১ দা মায়থীবা পীদুনা মখোয়গী কন্তিনেন্তেল তাইতল অদু ঙাক্তুনা থমখি অমসুং নুপাগী অমসুং নুপীগী কাবাদি অনিমক্তা গোল্দ মেদল অনি ফংদুনা মায় পাকপা য়াওনা মশক থোকপা পার্ফোমেন্সশিং উৎখি। রেসলিং (২), এথলেতিক্স (১) অমসুং গোল্ফ (১) গী মখা তাবা গোল্দ মেদলশিংনা ভারতকী অপুনবা মশিং ২১ য়ৌহনখি। মসিনা লৈবাক অসিনা কন্তিনেন্তেল স্পোর্তিংগী লমদা মপাঙ্গল কনবা অমসুং তোঙান তোঙানবা মওংদা মায় পাকপগী মমি তারি।

এসিয়ন গেম্স ২০২৬তা ভারতকী মেদল তেল্লী স্পোর্তকী মতুং ইন্না মশিং পীথোকপা
স্পোর্ত	গোল্দ	সিলভর	ব্রোঞ্চ	অপুনবা
এথলেতিক্স	১	৯	১৪	২৪
শুতিং	৩	৮	৪	১৫
আর্চরী	৫	২	২	৯
বোক্সিং	৩	০	৩	৬
রেসলিং	২	২	২	৬
স্ক্বাশ	০	২	৩	৫
সেলিং	০	১	২	৩
ক্রিকেৎ	২	০	০	২
হোকী	২	০	০	২
কাবাদি	২	০	০	২
গোল্ফ	১	১	০	২
ৱেথলিফতিং	০	১	০	১
ৱুশু	০	১	০	১
বেদমিন্তন	০	০	১	১
কুরাশ	০	০	১	১
মিক্স মার্সিএল আর্তস	০	০	১	১
রোৱোং	০	০	১	১
সেপাক তাক্রো	০	০	১	১
সোফ তেন্নিং	০	০	১	১
তেবল তেনিস	০	০	১	১
অপুনবা	২১	২৭	৩৭	৮৫

   

 

আইচী-নাগোয়া ২০২৬ এসিয়ন পেরা গেম্সতা ভারতনা শরুক য়াবা

২০২৬গী ওক্তোবর ১৮দগী ২৪ ফাওবা জাপানদা আইচী-নাগোয়া ২০২৬ এসিয়ান পেরা গেম্স পাংথোক্কনি। এসিয়াগী নেস্নেল পেরালিম্পিক কম্মিতী ৪৫দগী শান্নরোয় ৩,০০০ রোম্না গেম্স অসিদা শরুক য়াগনি হায়না পানরি। গেম্স অসিদা পেরা স্পোর্ত ১৮ য়াওগনি। ভারতনা গেম্সকীদমক শকখঙলবা নেস্নেল পেরালিম্পিক কম্মিতী, ভারতকী পেরালিম্পিক কম্মিতীগী খুত্থাংদা শরুক য়াগনি। মসিনা এসিয়ন পেরা গেম্সতা ভারতকী মঙাশুবা শরুক য়াবা ওইরগনি। মমাংদা ২০২২ এসিয়ন পেরা গেম্সতা গোল্দ মেদল ২৯ য়াওনা মেদল ১১১ লৌদুনা ভারতনা রেকোর্দ থমখ্রে। মেদল ১১১গী মনুংদা, নুপী শান্নরোয়শিংনা মেদল ৪০ (মেদল তেলগী ৩৬%) ফংখি। মমাংদা, ভারতনা ২০১০গী এদিসনদা মেদল ১৪, ২০১৪দা ৩৩ অমসুং ২০১৮দা ৭২ ফংখি।

 

গ্রাসরুৎশিংদগী গ্লোবেল পোদিয়মশিং ফাওবা: স্পোর্তশিংগীদমক ভারতকী পোলিসীদা ইনোৎ পীবা

 

খেলো ভারত নিতি

সরকারনা ২০২৫গী জুলাই ১দা খেলো ভারত নিতি, ভারতকী নেস্নেল স্পোর্তস পোলিসী হৌদোকখি। মসিনা মপাঙ্গল কনবা, ইনক্লুসিব ওইবা অমসুং পর্ফোমেন্স-দ্রিভন স্পোর্তস সিস্তেম অমা শেমগৎনবা হোৎনরি। মসিনা ত্রেনিং অমসুং ফেসিলিতীগী লমদা খুঙ্গং অমসুং অর্বানগী মরক্তা লৈরিবা খেন্নবা অদু কোকহনবদা মীৎয়েং থম্লি। মসিনা ত্রেনিংগী শেনফম হন্থহন্নবা কম্ম্যুনিতিগী শরুক য়াবা অমসুং পার্তনরশিপশিংদা মরুওইবা পীরি। পোলিসী অসিনা ২০৩৬ ওলিম্পিক্সতা এক্সিলেন্সতা মীৎয়েং থম্লি। মসিনা নেস্নেল এজুকেসন পোলিসী ২০২০গী মখাদা শান্ন-খোৎনবগা স্কুল এজুকেসনগা শম্নহল্লি। মসিনা নুপীশিং, ত্রাইবেল কম্ম্যুনিতীশিং, অমসুং দিসএবল ওইরবা মীওইশিংদসু মতেং পাংই।

রেকোর্দ ওইবা শেলগী তাংবাং

২০২৬-২৭গী য়ুনিয়ন বজেৎতা শান্ন-খোৎনবগী মন্ত্রালয়দা রেকোর্দ ওইনা লুপা করোর ৪,৪৭৯.৮৮গী এলোকেসন তৌখি। মসি ২০১৩-১৪দা লুপা করোর ১,২১৯দগী হেনখ্রে। মন্ত্রীমন্দলনা ২০২৬-২৭তগী ২০৩০-৩১ ফাওবগীদমক শেমদোক্লবা খেলো ইন্দিয়া স্কিমসু অয়াবা পীখ্রে। নেস্নেল স্পোর্তস ফেদরেসনশিংদা মতেং পীবগা লোয়ননা অপুনবা শেনফম অসি লুপা করোর ৩৬,৪৪১নি। খেলো ইন্দিয়া খক্তনা ২০২৬-২৭তা লুপা করোর ৯২৪.৩৫ ফংখি। মমাংদা, স্কিম অসিদা ২০২১-২২দগী ২০২৫-২৬ ফাওবগী ওইনা লুপা করোর ৩,৭৯০.৫০গী শেনফম থাদখি। শান্ন-খোৎনবগী পোৎলমশিং পুথোকপদা বজেৎ অসিনা লুপা করোর ৫০০গী অয়াবা পীখ্রে।

তেলেন্ত ঙন্না থিদোকপা

খেলো ইন্দিয়া অসি গ্রাসরুৎ স্পোর্তকী ফ্লেগশিপ প্রোগ্রামনি। জুলাই ২০২৬ ফাওবদা, মসিনা খেলো ইন্দিয়া সেন্তর ১০৬৭ লিংখৎলে। মসিনা লুপা করোর ৩,১৭৬গী অনৌবা স্পোর্তস ইনফ্রাস্ত্রকচর প্রোজেক্ত ৩৪৯ অয়াবা পীখ্রে। মসিনা খেলো ইন্দিয়াগী শান্নরোয় ২,৭৪৫বু কোচিং, ইক্বিপমেন্ত, মেদিকেল কেয়র অমসুং থাগী এলাৱেন্স পীদুনা মতেং পাংলি। ২০১৮দগী হৌরগা খেলো ইন্দিয়া গেম্সতা শান্নরোয় ৬৩,০০০ হেন্না শরুক য়াখ্রে।

খেলো ইন্দিয়া রাইজিং তেলেন্ত আইদেন্তিফিকেসন (কে.আই.আর.তি.আই.) ইনিসিয়েতিব অসিনা চহি ৯দগী ১৮ ফাওবগী মনুংদা লৈবা অঙাংশিংগী মরক্তা তেলেন্তশিং মশক খঙদোক্লি অমসুং শেমগৎলি। মসিগী তেলেন্ত এসেসমেন্ত সেন্তর ১৭৪না অচুম্বা, মগুনদা য়ুম্ফম ওইবা সেলেক্সনগীদমক্তা দেতা তুলশিং শীজিন্নরি।

মকোক থোংবা এথলেৎশিংবু ঙাকলৌ পীরি

তার্গেৎ ওলিম্পিক পোদিয়ম স্কিম (তোপ্স) না ভারতকী শান্নরোয়শিংদা মতেং পাংলি। মসিনা শান্নরোয়শিংবু মপান লমগী ত্রেনিং, ইন্তর্নেস্নেল কম্পিতিসনশিং, কোচিং কেম্পশিং, অমসুং অখন্নবা ইক্বিপমেন্তশিংগী খুত্থাংদা মতেং পাংই। শান্নরোয়শিংনা থা খুদিংগী ₹৫০,০০০গী স্তাইপেন্দ ফংই। দিবেলপমেন্ত গ্রুপকী জুনিয়র শান্নরোয়শিংনা থা অমদা ₹২৫,০০০ ফংই। এপ্রিল ২০২৬ ফাওবদা, তোপ্সনা কোর এথলেৎ ৫৫, পেরা কোর এথলেৎ ৬২ অমসুং দিবেলপমেন্ত এথলেৎ ১৪০দা মতেং পাংলি। মসিগী মথক্তা, কোর এথলেৎ ৬৭না হোকীদা মতেং পাংলি। তোকিও ২০২০ অমসুং পেরিস ২০২৪ ওলিম্পিক গেম্সতা ভারতকী মেদল ফংবদা তোপ্সনা মরু ওইবা থৌদাং লৌখি।

‌এজুকেসন, ফিৎনেস অমসুং ফিয়র ওইনা শান্নবা

ইম্ফালদা লৈবা নেস্নেল স্পোর্তস য়ুনিভর্সিতী অসি ২০১৮দা লিংখৎখি। মসিনা স্পোর্তস সাইন্স, তেক্নোলোজী, মেনেজমেন্ত অমসুং কোচিংদা এজুকেসন পীরি।

ফিৎ ইন্দিয়া মুভমেন্তনা মীশিংবু নুংতিগী পুন্সিগী শরুক অমা ওইহন্নবা পুক্নিং থৌগৎলি। পার্লিয়ামেন্তনা নেস্নেল স্পোর্তস গবর্নান্স বিল অসি ওগস্ত ২০২৫দা পাস তৌখি। মসিনা স্পোর্তস বোদীশিংবু শকখঙনবা নেস্নেল স্পোর্তস বোদী অমা শেমগৎলি। নেস্নেল স্পোর্তস ত্রিব্যুনেলনা স্পোর্তসকী ৱাথোকশিং য়েংশিনগনি।

আইচী-নাগোয়াগী ৱাংমদা: ভারতকী শাংলবা ওলিম্পিক্কী লম্বী

২০২৬তা লোস এঞ্জেলেসতা ওলিম্পিক্স অমসুং মসিদগী হেন্না পাংথোক্নবা ভারতকী পাক চাউরবা রোদমেপকী মনুংদা আইচী-নাগোয়া ২০২৬সু য়াওরি। ভারতকী শান্নরোয় ৫০০গী মনুংদা ৩০০ হেনবনা চহি অসিগী এসিয়ন গেম্সতা অহানবা ওইনা শরুক য়াগনি। অনৌবা শান্নরোয়শিংনা শরুক য়াবগী চাং অসি ঙসি ভারতকী শান্ন-খোৎনবগী মপুং ফানা চাউখৎলক্লিবা অমসুং বেঙ্ক মপাঙ্গল হেনগৎলক্লিবা অদু উৎলি।

লৈবাক শিনবা থুংনা স্পোর্তস ইনফ্রাস্ত্রকচর মপাঙ্গল কনখৎহন্নবা লুপা করোর ৩৬,০০০ হেন্না ইনভেস্ত তৌনবা চহি তরাগী থৌরাং অমা সরকারনা শেমখ্রে। ইনবেস্তমেন্ত অসিনা ২০৩৬গী মমাংদা ভারতপু মালেমগী শান্ন-খোৎনবগী থাক্তা মপাঙ্গল কনখৎহন্নবা পান্দম থম্লি। শান্ন-খোৎনবগী মন্ত্রালয়না ফেদরেসনশিং, রাজ্যশিং অমসুং অতোপ্পা স্তেকহোল্দরশিং য়াওনা কোওর্দিনেতেদ ওইবা ৩৬০ দিগ্রীগী থৌওং অমা লৌখৎনবা হায়খ্রে।

আইচী-নাগোয়াদা ভারতকী গোল্দ মেদল ২১ য়াওনা মেদল ৮৫ ফংখিবা অসিনা লৈবাক অসিগী স্পোর্তসকী খোঙচৎতা অতোপ্পা মশক থোকপা তাঙ্কক অমা উৎলি। ত্রেদিস্নেল পাঙ্গল অমসুং অনৌবা দিসিপ্লিনশিংদা মপাঙ্গল কনবা পর্ফোর্মেন্সকী খুত্থাংদা, গেম্স অসিনা ২০২৮গী লোস এঞ্জেলেস ওলিম্পিক্সকীদমক ভারতকী শেম-শাবা অমসুং মসিগী অশাংবা মতমগী স্পোর্তিং এম্বিসনশিংদা হেন্না থৌনা হাপখি।

রিফরেন্সশিং

 

য়ুথ এফিয়র্স অমসুং স্পোর্তস মন্ত্রালয়

https://yas.gov.in/sites/default/files/Asian_Games_sanction_for_coaches_and_suppor_ staff.pdf

https://www.pib.gov.in/PressReleasePage.aspx?PRID=2307999&reg=48&lang=2

https://www.pib.gov.in/PressReleasePage.aspx?PRID=1972615&lang=2&reg=48&utm

https://www.pib.gov.in/PressReleasePage.aspx?PRID=2149334&reg=48&lang=2

এসিয়ন গেম্স ২০২৬ ওফিসিএল ৱেবসাইৎ

https://www.aichi-nagoya2026.org/history-of-the-games/

https://www.aichi-nagoya2026.org/official-mascot/

https://www.aichi-nagoya2026.org/games-emblem-slogan-core-graphics/

ওলিম্পিক কাউন্সিল ওফ এসিয়া ওফিসিএল ৱেবসাইৎ

https://oca.asia/games/111-aichi-nagoya-2026.html?utm

https://oca.asia/news/7738-asia-ready-to-shine-as-aichi-nagoya-to-host-historic-20th-asian-games.html?utm

পেরালিম্পিক ইন্দিয়া ওফিসিএল ৱেবসাইৎ

https://www.paralympicindia.com/aichi-nagoya-asian-para-games-2026

ইন্তর্নেস্নেল পেরালিম্পিক কম্মিতী

https://www.paralympic.org/news/aichi-nagoya-2026-celebrates-100-days-go-until-asian-para-games

https://www.paralympic.org/news/aichi-nagoya-host-2026-asian-para-games

জাপান সরকার

https://www.gov-online.go.jp/hlj/en/january_2026/january_2026-08.html

কন্সোর্তিয়ম ফোর এজুকেস্নেল কম্ম্যুনিকেসন

https://cec.nic.in/webpath/curriculum/Module/BPED/Paper01/9/downloads/script.pdf

এ.আই.আর.গী পাউ

https://newsonair.gov.in/manu-bhaker-tajinderpal-singh-toor-named-indias-flagbearers-for-asian-games-2026/

https://newsonair.gov.in/20th-asian-games-officially-opened-at-mizuho-park-athletic-stadium-in-japan/

https://newsonair.gov.in/india-gears-up-for-2028-olympics-with-strategic-preparations-union-minister-mansukh-mandaviya/

https://newsonair.gov.in/indian-contingent-for-asian-games-2026-receives-grand-send-off-in-new-delhi/

https://newsonair.gov.in/rajya-sabha-takes-up-national-sports-governance-and-anti-doping-amendment-bills-2025/

পি.আই.বি. বেকগ্রাউন্দর

https://www.pib.gov.in/PressNoteDetails.aspx?NoteId=154856&ModuleId=3&reg=48&lang=2

https://www.pib.gov.in/PressReleasePage.aspx?PRID=2293849&reg=48&lang=2

https://www.pib.gov.in/PressNoteDetails.aspx?NoteId=154601&ModuleId=3&reg=48&lang=2

https://www.pib.gov.in/PressReleasePage.aspx?PRID=2293849&reg=48&lang=2

https://www.pib.gov.in/PressNoteDetails.aspx?NoteId=154856&ModuleId=3&reg=48&lang=2

পি.দি.এফ. য়েংনবা মসিদা ক্লিক তৌ

*****

(রিলিজ আই.দি.: 2320132) ভিজিতর কাউন্তর : 9