ٹی آر اے آئی  نے بالاسور شہر اور اس کے آس پاس  جانو گنج، ملکاش پور، ریمونا، فُلادی، سورَو، مارکونا، اننت پور، گوپال پور، جاموجھاڑی، گنڈی بیڑ، سنتاراگڑھیا، سیراگڑھ، نیل گری، امردا روڈ، داردا، جامسولی، چالنتی، نامپو، جلیشور، بہاردا اور بالیا پال وغیرہ میں موبائل نیٹ ورک کے معیار کا جائزہ لیا۔

ٹیلی کام ریگولیٹری اتھارٹی  آف انڈیا(ٹی آر اے آئی) نے عام ٹیلی کام صارفین کی معلومات کے لیے اگست 2026 کے دوران اوڈیشہ ایل ایس اے کے تحت بالاسور شہر میں کیے گئے آزادانہ ڈرائیو ٹیسٹ (آئی ڈی ٹی) کے نتائج جاری کیے ہیں۔ اس ڈرائیو ٹیسٹ کا مقصد ٹیلی کام سروس فراہم کنندگان (ٹی ایس پیز) کی جانب سے فراہم کی جانے والی موبائل نیٹ ورک خدمات (وائس اور ڈیٹا دونوں) کے حقیقی وقت کے معیار کا جائزہ لینا اور اس کی تصدیق کرنا ہے۔ آئی ڈی ٹی کے دوران ٹی آر اے آئی نے کوریج، کال ڈراپ ریٹ (سی ڈی آر)، کال سیٹ اپ کامیابی کی شرح (سی ایس ایس آر)، ڈیٹا ڈاؤن لوڈ (ڈی ایل) اور اپ لوڈ (یو ایل) تھرو پٹ وغیرہ جیسے خدمات کے معیار (کیو او ایس) کے اہم پیمانوں پر ٹی ایس پیز کی کارکردگی ریکارڈ کی، جنہیں صارفین کو معلومات فراہم کرنے اور ٹی ایس پیز کو اپنی خدمات بہتر بنانے کی ترغیب دینے کے لیے شائع کیا جاتا ہے۔

یہ آئی ڈی ٹیز اس مقصد سے تیار کیے گئے ہیں کہ شہروں، ہاٹ اسپاٹس، عوامی نقل و حمل کے مراکز وغیرہ جیسے مختلف استعمال کے ماحول میں تمام ٹی ایس پیز کے موبائل نیٹ ورک کی زمینی سطح پر کارکردگی کو ریکارڈ کیا جا سکے۔ اس نوعیت کی ڈرائیو ٹیسٹنگ میں تمام ٹی ایس پیز کے سم کارڈز استعمال کرتے ہوئے 2جی، 3جی، 4جی اور 5جی نیٹ ورکس پر براہِ راست ڈیٹا اور وائس سیشن قائم کیے جاتے ہیں۔ متعدد جدید ٹیسٹ ہینڈ سیٹس استعمال کیے جاتے ہیں اور جدید سافٹ ویئر سسٹمز کے ذریعے ان سیشنز کی حقیقی وقت میں نگرانی اور تجزیہ کیا جاتا ہے۔

ٹی آر اے آئی نے اپنی مقرر کردہ ایجنسی کے ذریعے اوڈیشہ ایل ایس اے میں 18 اگست 2026 سے 20 اگست 2026 کے دوران بالاسور شہر میں 345 کلومیٹر کے سٹی ڈرائیو اور 7 ہاٹ اسپاٹ مقامات پر ڈرائیو ٹیسٹ کیے۔ ان ٹیسٹوں کی نگرانی ٹی آر اے آئی کے علاقائی دفتر حیدرآباد نے کی۔ ڈرائیو ٹیسٹ رپورٹس میں پیش کیے گئے مشاہدات ٹیسٹ کیے گئے علاقے/روٹ پر ڈرائیو ٹیسٹ کیے جانے کے دن اور وقت میں ٹی ایس پیز کی کارکردگی کی عکاسی کرتے ہیں۔

ڈرائیو ٹیسٹ روٹ میپ: درج ذیل نقشے میں  دی گئی علامات کے مطابق سٹی ڈرائیو، بین آپریٹر کالنگ اور ہاٹ اسپاٹس کے ڈرائیو ٹیسٹ روٹس کا مجموعی خاکہ پیش کیا گیا ہے: -

 

 

اہم پیمانوں کا جائزہ

1. کوریج گیپ: ان نمونوں کا فیصد جن میں متعلقہ ٹیکنالوجی (2جی/3جی/4جی/5جی) کے لیے مقرر کردہ کم از کم سگنل کی طاقت سے کم سگنل کی طاقت ریکارڈ کی گئی۔
2. وائس سروسز: کال سیٹ اپ کامیابی کی شرح (سی ایس ایس آر)، کال ڈراپ ریٹ (ڈی سی آر)، کال سیٹ اپ کا وقت، کال سائلنس ریٹ اور گفتگو کا معیار (ایم او ایس)۔
3. کال سائلنس کی صورت: کال کے دوران پیش آنے والی کال سائلنس کی صورتوں کی تعداد۔
4. ڈیٹا سروسز: ڈاؤن لوڈ/اپ لوڈ تھرو پٹ، لیٹنسی، جِٹر اور پیکٹ ڈراپ ریٹ۔

اہم پیمانوں کے حوالے سے بالاسور شہر میں موبائل نیٹ ورک کی مجموعی کارکردگی کا خلاصہ درج ذیل ہے: -

1. کوریج گیپ - ڈرائیو ٹیسٹ روٹ پر آٹو سلیکشن موڈ (5جی/4جی/3جی/2جی) میں وائس ٹیسٹنگ کے دوران ریکارڈ کی گئی سگنل کی طاقت کو جمع کیے گئے کل نمونوں میں کمزور سگنل کی طاقت والے نمونوں کی تعداد کے طور پر ماپا گیا۔ ایئرٹیل کے لیے یہ تعداد 43646/1029، بی ایس این ایل کے لیے 41512/6758، آر جے آئی ایل کے لیے 42851/948 اور وی آئی ایل کے لیے 42776/7002 رہی۔ کوریج گیپ کی تفصیلات منسلک نقشے میں فراہم کی گئی ہیں۔

ڈرائیو ٹیسٹ روٹ پر آٹو سلیکشن موڈ (5جی/4جی/3جی/2جی) میں وائس ٹیسٹنگ کے دوران ریکارڈ کی گئی سگنل کی طاقت کو جمع کیے گئے کل نمونوں میں محدود سروس والے نمونوں کی تعداد کے طور پر ماپا گیا۔ ایئرٹیل کے لیے یہ تعداد 43646/0، بی ایس این ایل کے لیے 41512/301، آر جے آئی ایل کے لیے 42851/0 اور وی آئی ایل کے لیے 42776/61 رہی۔ کوریج گیپ کی تفصیلات منسلک نقشے میں فراہم کی گئی ہیں۔

2. کال ڈراپ - کامیابی کے ساتھ قائم کی گئی کالز میں سے ڈراپ ہونے والی کالز کی تعداد کے طور پر ماپی گئی کال ڈراپ کی شرح ایئرٹیل کے لیے 393/4، بی ایس این ایل کے لیے 356/11، آر جے آئی ایل کے لیے 387/3 اور وی آئی ایل کے لیے 390/8 رہی۔ کال ڈراپ کے مقامات کی تفصیلات منسلک نقشے میں فراہم کی گئی ہیں۔

3. کال سائلنس کی صورت - قائم کی گئی کل کالز میں 3 سیکنڈ سے زیادہ دورانیے کی  سائلنس کی مجموعی تعداد کے طور پر ماپی گئی کال سائلنس کی صورتیں ایئرٹیل کے لیے 375/5، بی ایس این ایل کے لیے 356/31، آر جے آئی ایل کے لیے 372/6 اور وی آئی ایل کے لیے 376/9 رہیں۔ کال سائلنس کی صورت کے مقامات کی تفصیلات منسلک نقشے میں فراہم کی گئی ہیں۔

4. ڈیٹا ڈاؤن لوڈ اور اپ لوڈ تھرو پٹ:

i )       ڈیٹا ڈاؤن لوڈ کی کارکردگی (مجموعی): ایئرٹیل (5جی/4جی) کے لیے اوسط ڈاؤن لوڈ رفتار 67.10 ایم بی پی ایس، بی ایس این ایل (3جی) کے لیے 8.18 ایم بی پی ایس، آر جے آئی ایل (5جی/4جی) کے لیے 239.24 ایم بی پی ایس اور وی آئی ایل (5جی/4جی/2جی) کے لیے 24.65 ایم بی پی ایس ریکارڈ کی گئی۔ ڈاؤن لوڈ تھرو پٹ کی تفصیلات منسلک نقشے میں فراہم کی گئی ہیں۔

ii )      ڈیٹا اپ لوڈ کی کارکردگی (مجموعی): ایئرٹیل (5جی/4جی) کے لیے اوسط اپ لوڈ رفتار 16.61 ایم بی پی ایس، بی ایس این ایل (3جی) کے لیے 3.71 ایم بی پی ایس، آر جے آئی ایل (5جی/4جی) کے لیے 16.28 ایم بی پی ایس اور وی آئی ایل (5جی/4جی/2جی) کے لیے 11.05 ایم بی پی ایس ریکارڈ کی گئی۔ اپ لوڈ تھرو پٹ کی تفصیلات منسلک نقشے میں فراہم کی گئی ہیں۔

منسلک نقشے پر سرخ نقطے پر کلک کرکے کال ڈراپ اور کال سائلنس کی صورتوں کے مقامات دیکھے جا سکتے ہیں۔

آئی ڈی ٹی کے دوران ڈرائیو ٹیسٹ روٹ اور احاطہ کیے گئے علاقے کی تفصیلات درج ذیل ہیں:-

شہر - بالاسور، جانو گنج، ملکاش پور، ریمونا، فُلادی، سورَو، مارکونا، اننت پور، گوپال پور، جاموجھاڑی، گنڈی بیڑ، سنتاراگڑھیا، سیراگڑھ، نیل گری، امردا روڈ، داردا، جامسولی، چالنتی، نامپو، جلیشور، بہاردا اور بالیا پال وغیرہ، بالاسور شہر۔

ہاٹ اسپاٹ - اسٹیشنری صارفین کے تجربے کا جائزہ لینے کے لیے شامل کیے گئے ہاٹ اسپاٹ مقامات درج ذیل ہیں:

1. بالاسور بس اسٹینڈ ،2. چندنیشور مندر، 3.سرکاری ضلعی اسپتال، بالاسور، 4.جلیشور ریلوے اسٹیشن، 5. کے کے ایس ویمن کالج، 6.مین مارکیٹ، بالاسور، 7.میکس مال

اس آئی ڈی ٹی رپورٹ کے نتائج مزید ضروری کارروائی کے لیے متعلقہ ٹی ایس پیز کے ساتھ شیئر کیے گئے ہیں۔ آئی ڈی ٹی کی تفصیلی رپورٹس ٹی آر اے آئی کی ویب سائٹ www.trai.gov.in پر دستیاب ہیں۔ کسی وضاحت یا مزید معلومات کے لیے adv.hyderabad@trai.gov.in پر ای میل بھیجی جا سکتی ہے یا ٹی آر اے آئی  کے علاقائی دفتر سے ٹیلی فون نمبر23000761- 040 پر رابطہ کیا جا سکتا ہے۔

ضمیمہ دیکھنے کے لیے یہاں کلک کریں

***********

ش ح۔ رک۔

U No. 4757

(ریلیز آئی ڈی: 2320108) وزیٹر کاؤنٹر : 6