زرعی تحقیق کی بھارتی کونسل (آئی سی اے آر)، اپنے 114 اداروں، علاقائی مراکز، زرعی ٹیکنالوجی ایپلی کیشن ریسرچ انسٹی ٹیوٹس (اے ٹی اے آر آئیز) اور کرشی وگیان کیندروں (کے وی کیز) کے ساتھ، 17 ستمبر سے 2 اکتوبر 2026 تک دو ہفتوں پر محیط سوچھتا ہی سیوا (ایس ایچ ایس) 2026 مہم میں ’’سوچھتا میں سہبھاگ، سوچھ بھارت، وکست بھارت‘‘ کے موضوع کے تحت حصہ لے رہی ہے۔ یہ مہم مقررہ پانچ ستونوں کے فریم ورک اور تاریخ وار ایکشن پلان کے مطابق آئی سی اے آر کے پورے نظام میں مکمل طور پر نافذ کی جا رہی ہے۔ اس کا آغاز 17 ستمبر 2026 کو ڈی اے آر ای کے سکریٹری اور آئی سی اے آر کے ڈائریکٹر جنرل کی جانب سے سوچھتا عہد دلائے جانے کے ساتھ ہوا، جس میں اے ایس اینڈ ایف اے سمیت سینئر افسران موجود تھے اور ویڈیو کانفرنسنگ کے ذریعے ملک بھر میں آئی سی اے آر کے اداروں اور تنصیبات میں بھی اس کا تعارف کرایا گیا۔

وسیع پیمانے پر تشہیر اور رسائی کے لیے، آئی سی اے آر ہیڈکوارٹرز کی جانب سے مہم کے تحت انجام دی جانے والی سرگرمیوں کے حوالے سے پریس ریلیز جاری کی گئی ہیں، جبکہ آئی سی اے آر کے ادارے اور تنصیبات بھی مقامی پرنٹ میڈیا، بینرز کی نمائش اور دیگر موزوں مواصلاتی ذرائع کے ذریعے آزادانہ طور پر تشہیر اور رسائی کی سرگرمیاں انجام دے رہے ہیں۔ ہیڈکوارٹرز اور ادارہ جاتی دونوں سطحوں پر مہم اور اس کی سرگرمیوں کو فیس بک، ایکس اور انسٹاگرام سمیت سوشل میڈیا پلیٹ فارمز کے ذریعے بھی عام کیا جا رہا ہے، جس کے نتیجے میں سوچھتا کا پیغام آئی سی اے آر نیٹ ورک سے آگے وسیع تر اور زیادہ مختلف سامعین بالخصوص ڈیجیٹل طور پر سرگرم سامعین اور نوجوان نسل، بشمول جن زی تک پہنچ رہا ہے۔

پانچ ستونوں کے تحت اہم سرگرمیاں

1. صفائی کے ہدف والے یونٹس (سی ٹی یو) اور صاف ستھرے عوامی مقامات میں تبدیلی

اس ستون کے تحت، آئی سی اے آر کے اداروں اور تنصیبات نے شہری اور دیہی علاقوں میں بلیک اور ڈارک اسپاٹس کی نشاندہی اور ان میں تبدیلی کا کام انجام دیا ہے، جس میں شاہراہوں کے ساتھ بس اسٹینڈز، ادارہ جاتی احاطے، تحقیقی کھیت اور دیگر عوامی مقامات شامل ہیں۔ صفائی مہمات کے ساتھ ساتھ ان مقامات کی خوبصورتی اور بہتری کے اقدامات بھی کیے گئے ہیں، جن میں جہاں قابلِ اطلاق ہو، عملے، طلبہ اور مقامی برادریوں نے حصہ لیا، تاکہ زیادہ صاف ستھرے اور خوش آئند عوامی مقامات تخلیق کیے جا سکیں۔

2. سوچھ پاٹھ شالا: سوچھتا کے لیے یوا

اس ستون کے تحت، آئی سی اے آر کے اداروں، اے ٹی اے آر آئیز اور کے وی کیز نے طلبہ اور نوجوانوں کو سوچھتا کی سرگرمیوں میں فعال طور پر شامل کیا ہے اور صفائی مہمات، بیداری کی سرگرمیوں، مظاہروں، مقابلوں اور دیگر شراکتی اقدامات کے ذریعے ان کے جوش اور ولولے کو بروئے کار لایا ہے۔ اس بات پر زور دیا گیا ہے کہ نوجوان شرکاء میں سوچھتا کی اقدار پیدا کی جائیں تاکہ یہ اقدار ان کے روزمرہ کے طرزِ عمل کا حصہ بن جائیں اور مہم کے اختتام کے بعد بھی برقرار رہیں۔

3. صفائی مترا تحفظ اور سمان شِور

اس ستون کے تحت، آئی سی اے آر کے اداروں اور تنصیبات نے صفائی متروں کی حفاظت، صحت، وقار اور سماجی بہبود پر مرکوز سرگرمیاں انجام دی ہیں۔ ان کوششوں میں سماجی بہبود کی اسکیموں، بشمول وی بی-گرام جی اور پی ایم اے وائی، کے بارے میں بیداری پیدا کرنے اور ان تک رسائی کو فروغ دینے کے ساتھ ساتھ عوامی بیت الخلاء اور صفائی کی دیگر سہولیات کی صفائی بھی شامل ہے۔ ان سرگرمیوں کا مقصد مہاتما گاندھی کے اس پیغام کو بھی تقویت دینا ہے کہ کوئی بھی کام گھٹیا یا غیر اہم نہیں ہے، جبکہ صفائی اور ستھرائی کے کام سے وابستہ افراد کے وقار اور ان کی خدمات کا اعتراف بھی کیا جا رہا ہے۔

4. سوچھتا کے لیے جن بھاگیداری

اس ستون کے تحت، آئی سی اے آر کے اداروں اور تنصیبات نے سوچھتا کی سرگرمیوں میں فعال شرکت کو فروغ دیا ہے، جس میں ماحولیاتی ذمہ داری اور صاف ستھرے عوامی مقامات کو برقرار رکھنے میں شہریوں کے اہم شراکت دار کے طور پر کردار پر توجہ مرکوز کی گئی ہے۔ اس میں وسرجن مقامات، دریا کے کناروں، گھاٹوں اور دیگر عوامی علاقوں میں صفائی مہمات کے ساتھ ساتھ صاف ستھری ماحولیات کے لیے سازگار تقریبات، ماحول دوست اور زیرو ویسٹ تقریبات، پھولوں کے کچرے اور تحفوں کی کمپوسٹنگ اور دیگر برادری پر مبنی اقدامات شامل ہیں۔

اس مہم میں سوچھ سیاحتی مقامات پر بھی توجہ مرکوز کی گئی ہے، جس میں اے ایس آئی کی یادگاروں، سیاحتی مقامات اور دیگر عوامی مقامات پر سوچھتا کو فروغ دینے پر زور دیا گیا ہے، جس میں صفائی مہمات اور سوچھتا کے پیغام کے ساتھ یادگاروں کو روشن کرنا بھی شامل ہے۔ ان کوششوں کا مقصد ورثے اور سیاحتی مقامات کی صفائی اور دیکھ بھال کی جانب عوام کی زیادہ توجہ مبذول کرانا ہے، جبکہ ذمہ دارانہ سیاحت اور ایسے مقامات کی دیکھ بھال میں شہریوں کی زیادہ سے زیادہ شرکت کی حوصلہ افزائی کرنا بھی ہے۔

5. سوچھتا سے سمردھی

اس ستون کے تحت، آئی سی اے آر کے اداروں اور تنصیبات نے ویسٹ ٹو آرٹ، کباڑ سے جُگاڑ، دوبارہ استعمال اور ری سائیکلنگ کی مہمات، پلاسٹک سے پاک اقدامات اور فضلہ مواد کے تخلیقی استعمال جیسی سرگرمیوں کے ذریعے کم کرنا، دوبارہ استعمال کرنا اور ری سائیکل کرنا کے اصولوں کو فروغ دیا ہے۔ فضلے کو مفید اور جمالیاتی طور پر بامعنی مصنوعات میں تبدیل کرنے، کچرے کے ذمہ دارانہ بندوبست کے بارے میں بیداری کو فروغ دینے اور اس پیغام کو تقویت دینے پر بھی زور دیا گیا ہے کہ کچرے کو ایک وسیلے میں تبدیل کیا جا سکتا ہے۔

دستاویز سازی اور رپورٹنگ

آئی سی اے آر نیٹ ورک کے تحت انجام دی جانے والی سرگرمیوں کی دستاویز سازی ایس ایچ ایس پورٹل پر روزانہ تصاویر اپ لوڈ کرکے کی جا رہی ہے۔ تصاویر کے ساتھ مرتب شدہ روزانہ رپورٹس ڈی کے ایم اے کو بھیجی جا رہی ہیں تاکہ انہیں آئی سی اے آر کی ویب سائٹ پر اپ لوڈ کیا جا سکے، جس سے مہم کی سرگرمیوں کی باقاعدہ دستاویز سازی اور تشہیر میں سہولت ہو رہی ہے۔

اختتام اور آئندہ کا لائحہ عمل

یہ مہم یکم اکتوبر 2026 کو ملک گیر ’’ایک دن، ایک گھنٹہ، ایک ساتھ‘‘ اقدام میں اجتماعی شرمدان اور صفائی کی سرگرمیوں کے ذریعے اختتام پذیر ہوگی، جس کے بعد 2 اکتوبر کو سوچھ بھارت دیوس منایا جائے گا۔ اختتامی مرحلے میں صفائی کے تبدیل شدہ ہدف والے یونٹس اور عوامی مقامات کو نمایاں کرنے، مناسب صفائی اور شرمدان کی سرگرمیاں انجام دینے، ’’ایک پیڑ ماں کے نام‘‘ کے تحت شجرکاری اور سبز مقامات کو فروغ دینے اور حسبِ ضرورت تعاون کرنے والوں کو تسلیم کرنے پر توجہ مرکوز کی جائے گی۔ ان سرگرمیوں کے ذریعے، آئی سی اے آر نظام نے صفائی کو عوامی شرکت، نوجوانوں کی شمولیت، ماحولیاتی ذمہ داری، صفائی کارکنوں کے وقار اور کچرے کے ذمہ دارانہ بندوبست کے ساتھ مربوط کرنے کی کوشش کی ہے، جبکہ سوچھتا کے پیغام کو ادارہ جاتی احاطوں سے آگے برادریوں اور عوامی مقامات تک پہنچایا گیا ہے اور اسے ایک مستقل اجتماعی ذمہ داری کے طور پر مزید تقویت دی گئی ہے۔

لینس کے ذریعے سوچھتا:

 

 

 

 

 

 

 

 

 

 

 

 

 

 

وسرجن مقام کی صفائی، ایک ذمہ دار شراکت دار کی حیثیت سے

 

کباڑ سے جُگاڑ

 

 

 

 

 

 

کچرے سے آرٹ

*****

ش ح-ک ح-ق ر

UR No.4695

 

(ریلیز آئی ڈی: 2319715) وزیٹر کاؤنٹر : 7