ইন্তর মীদিয়া পব্লিসিতী কোওর্দিনেসন কমিতী (IMPCC), মনিপুর চেপ্তরগী থাগী মীফম স্পোর্তস ওথোরিতী ওব ইন্দিয়া, NERC, ইম্ফালগী কনফরেন্স হোলদা নিংথৌকাবা নুমিত্তা পাঙথোকখ্রে। মীফম অসি প্রেস ইনফোর্মেসন ব্যুরো (PIB) ইম্ফাল অমসুং স্পোর্তস ওথোরিতী ওব ইন্দিয়া, NERC ইম্ফালনা পুন্না খুৎশম্নদুনা পাঙথোকখিবনি। শ্রী কৃপা শঙ্কর য়াদব, ADG, PIB গুৱাহাতীনা মীফম অসিদা শরুক য়াখি।

মীফম অসিদা তোঙান-তোঙানবা লৈঙাক্কী বিভাগ অমসুং মীদিয়া ওর্গনাইজেসনশিংগী মরক্তা প্রেস ইনফোর্মেসন ব্যুরো (PIB), সেন্ত্রেল ব্যুরো ওব কম্ম্যুনিকেসন (CBC), দুরদর্শন কেন্দ্র (DDK), ওল ইন্দিয়া রেদিও (আকাশবানি) ইম্ফাল, মনিপুর য়ুনিভর্সিতী, নেসনেল ইনফোর্মেতিক্স সেন্তর (NIC), নেসনেল ইন্সতিত্যুত ওব ইলেক্ত্রোনিক্স এন্দ ইনফোর্মেসন তেক্নোলোজী (NIELIT), ICAR, ইন্দিয়ন ওইল কোর্পোরেসন লিমিতেদ (IOCL), ইন্সতিত্যুত ওব বাইওরিসোর্সেস এন্দ সস্তেনেবল দিবেলপমেন্ত (IBSD), DIPR মনিপুর, ফুদ কোর্পোরেসন ওব ইন্দিয়া (FCI), সেন্ত্রেল গুদস এন্দ সর্ভিস তেক্স (CGST), স্পোর্তস ওথোরিতী ওব ইন্দিয়া (SAI) NERC ইম্ফাল, এয়রপোর্ত ওথোরিতী ওব ইন্দিয়া (AAI), মনিপুর স্তেত ফিল্ম দিবেলপমেন্ত সোসাইতী অমসুং অতৈ স্তেকহোলদরশিংনা শরুক য়াখি। মখোয়না শরুক য়াখিবা অসিনা রাজ্য শিনবা থুংবদা মীয়ামদা ঈ পাউ খঙহনবা অমসুং পাউ ফাওনবগী লমদা অমগা অমগা হেন্না খুৎশম্নবগী পাঙ্গল অদু উবা ফংলি।

ইন্তর মীদিয়া পব্লিসিতী কোওর্দিনেসন কমিতী (IMPCC) না নুমিত খরনিগী মমাংদা লাইবক থীবা থৌদোক্তা লৈখিদ্রবা দোক্তর ইঙম পামে, IIS, ADG, PIB অমসুং CBC ইম্ফাল য়াওনা ওফিসিএল অহুমগী মফমদা হৈকত লৈকৎ তমদুনা ইকাইখুম্নবা উৎখি। মেম্বরশিংনা লৈখিদ্রবশিংগী মফমদা ইকাইখুম্নবা উৎতুনা মিনিত অনি তুমিনা লেপখি অমসুং মখোয়গী ইমুং মনুংগী অৱাবদা শরুক য়ামিন্নরি হায়না ফোংদোক্নখি।

শ্রী কৃপা শঙ্করনা থমোই শোক্না নুংঙাইতবা ফোংদোকখি অমসুং দোক্তর ইঙম পামে অমসুং শ্রী নম্পিবৌগা লোইনমিন্নখিবা মতমশিং নিংশিংখি। কমিতীগী মেম্বরশিংনা মখোয়গী ওইনা নুংঙাইতবা অমসুং লৈখিদ্রবা ওফিসিএলশিংগা লোইনখিবা অমসুং মখোয়না হোৎনজখিবা কয়া নিংশিংমিন্নখি।

মীফম অদুনা শরুক য়ামিন্নরিবশিংগী মরক্তা তুং কোইনা মতেং পীননবা, চাং নাইনা পাউ ফাওননবা হন্না ৱারেপ্নখি। মেম্বরশিংনা মখা তানা য়ানখি মদুদি IMPCC গী ফম্বাক অসিনা হেন্না মনুং মপান ফাওনা উবা, পাউখুম পীবা ঙম্বা অমসুং মীয়ামগী ওইবা পাউ ফাওদোক্ননবগী ইকোসিস্তেম অমা মনিপুরদা শাগৎপদা অচৌবা থৌদাং লৌগনি।

***

(রিলিজ আই.দি.: 2319436) ভিজিতর কাউন্তর : 5