سنٹرل بیورو آف نارکوٹکس کے ڈی این سی دفتر، لکھنؤ نے آج آپریشن جاگرتی کے تحت اے پی سین میموریل گرلز کالج، لکھنؤ میں منشیات کے استعمال اور نشے کے خلاف بیداری مہم کا انعقاد کیا۔

ریٹائرڈ چیف میڈیکل آفیسر ڈاکٹر راجیو سکسینا نے سی بی این افسران کے ساتھ اس مہم میں فعال طور پر حصہ لیا۔ افسران نے طلبات کو منشیات کے استعمال اور نشے کے مضر اثرات کے بارے میں آگاہ کیا اور منشیات کے استعمال سے بچاؤ کے عملی طریقوں پر بھی تبادلہ خیال کیا۔

انہوں نے طلبات کی حوصلہ افزائی کی کہ وہ منشیات سے دور رہیں، اپنے ہم جولیوں اور معاشرے میں بیداری پھیلائیں اور ذمہ دار شہری بنیں۔ پروگرام میں ’نشا مکت بھارت‘ کی تعمیر میں نوجوانوں کی اجتماعی ذمہ داری پر زور دیا گیا۔

***

ش ح۔ ا ک۔ ج

UNO-4635

(ریلیز آئی ڈی: 2319114) وزیٹر کاؤنٹر : 7