کمپیٹیشن کمیشن آف انڈیا (سی سی آئی) نے بین کیپیٹل انویسٹرز،  ایل ایل سی کے زیر انتظام اور/یا اس کی جانب سے مشاورتی خدمات حاصل کرنے والے فنڈز کے ذریعے ایورلینس ایس ای کے اکثریتی حصص اور ووٹنگ حقوق کے حصول کو منظوری دے دی ہے۔

مجوزہ لین دین کے تحت بین کیپیٹل انویسٹرز ایل ایل سی (بین کیپیٹل) کے زیر انتظام اور/یا اس کی جانب سے مشاورتی خدمات حاصل کرنے والے فنڈز، حصص کی منتقلی کے ذریعے ووکس ویگن ایکٹین گی زیل شافٹ (ووکس ویگن) سے ایورلینس ایس ای (ایورلینس/ٹارگیٹ کمپنی) اور اس کی متعدد براہِ راست و بالواسطہ ذیلی کمپنیوں میں اکثریتی حصص اور ووٹنگ حقوق بالواسطہ طور پر حاصل کریں گے۔

نکولاس (بی سی) بِڈکو جی ایم بی ایچ (نکولاس بِڈکو/خریدار) ایک خصوصی مقصد کے لیے قائم کردہ ادارہ ہے، جس کا حتمی کنٹرول بین کیپیٹل کے زیر انتظام اور/یا اس کی جانب سے مشاورتی خدمات حاصل کرنے والے فنڈز کے پاس ہے۔ بین کیپیٹل ایک نجی سرمایہ کاری فرم ہے، جس کا رجسٹرڈ دفتر بوسٹن، امریکہ میں ہے۔ یہ ادارہ اطلاعاتی ٹیکنالوجی، صحت، خوردہ و صارف مصنوعات، مواصلات، مالی خدمات اور صنعتی/مینوفیکچرنگ سمیت متعدد شعبوں کی کمپنیوں میں سرمایہ کاری کرتا ہے۔

ایورلینس، ووکس ویگن کی مکمل ملکیتی ذیلی کمپنی ہے۔ ایورلینس کا صدر دفتر آگس برگ، جرمنی میں ہے اور یہ ایک انجینئرنگ کمپنی ہے جو بحری صنعت، توانائی کے شعبے اور صنعتی استعمال کے لیے پروپلشن، کاربن اخراج میں کمی اور کارکردگی میں اضافے سے متعلق حل فراہم کرنے میں مہارت رکھتی ہے۔

اس کی خدمات کو پرائم سرو تنظیم کے ذریعے جامع لائف سائیکل سروس کے حل بھی تقویت فراہم کرتے ہیں۔ ایورلینس ایسی جدید ٹیکنالوجیز تیار اور فراہم کرتی ہے جو آب و ہوا پر غیر جانبدار اثرات رکھنے والی کارروائیوں کی جانب منتقلی میں معاون ہیں۔ ایورلینس کا کاروبار تین ڈویژنوں میں منظم ہے: 2 اسٹروک انجن، 4 اسٹروک انجن اور ٹربو مشینری۔

***

ش ح۔ ا ک۔ ر ب

U.NO.4377

(ریلیز آئی ڈی: 2317240) وزیٹر کاؤنٹر : 6