وزیراعظم جناب نریندر مودی کے اس وژن جس کا مقصد صفائی کو ایک مسلسل اور عوامی قیادت میں چلنے والی تحریک میں تبدیل کرنا ہے، کے تحت جاری سووچھتا مہم کے ایک حصے کے طور پر، تلنگانہ کے عادل آباد میں واقع ایس اے آئی ڈی ایس (سوشل ایکشن فار انٹیگریٹڈ ڈیولپمنٹ سروسز) اولڈ ایج ہوم میں رہنے والے بزرگ شہریوں نے صفائی اور حفظان صحت کی مہم میں فعال طور پر حصہ لیا۔ اس منفرد اقدام نے صاف ستھرے، صحت مند اور زیادہ پائیدار معاشرے کی تعمیر کے لیے جن بھاگیداری اور اجتماعی ذمہ داری کے جذبے کو مزید مضبوط کیا۔

سووچھتا ہی سیوا 2026 مہم’’سووچھتا میں سہبھاگ، سووچھ بھارت، وکست بھارت‘‘ کے موضوع کے تحت منائی جا رہی ہے، جس میں صفائی اور حفظان صحت کی سرگرمیوں میں شہریوں، اداروں اور برادریوں کی فعال شرکت پر زور دیا جا رہا ہے۔

جوش و خروش اور شہری ذمہ داری کے مضبوط احساس کا مظاہرہ کرتے ہوئے، بزرگ شہریوں نے آگے بڑھ کر اپنے گرد و نواح میں صفائی کی سرگرمیوں میں حصہ لیا۔ ان کی شرکت نے یہ واضح پیغام دیا کہ صاف ستھرے اور حفظان صحت کے مطابق ماحول کو برقرار رکھنا معاشرے کے ہر طبقے کی مشترکہ ذمہ داری ہے۔

بزرگ شہریوں کی شرکت اس اہم کردار کو بھی اجاگر کرتی ہے جو وہ برادری کو متحرک کرنے اور سماجی بیداری پیدا کرنے میں ادا کر سکتے ہیں۔ اپنے تجربے، عزم اور شہری اقدامات میں فعال شرکت کے ذریعے وہ برادری کے لیے ایک مثال قائم کرتے ہیں اور یہ ثابت کرتے ہیں کہ معاشرے کی اجتماعی بہبود میں اپنا کردار ادا کرنے میں عمر کوئی رکاوٹ نہیں ہے۔

یہ اقدام سووچھ بھارت کے مقاصد کے حصول میں سیوا، برادری کی شرکت اور سماجی ذمہ داری کی اہمیت کو مزید اجاگر کرتا ہے۔ بزرگ شہریوں کی فعال شرکت سووچھتا تحریک کی جامع نوعیت کی عکاسی کرتی ہے، جس میں ہر شہری صاف ستھرا اور صحت مند رہنے کا ماحول بنانے میں بامعنی کردار ادا کر سکتا ہے۔

ایس اے آئی ڈی ایس اولڈ ایج ہوم کے بزرگ شہریوں کی شرکت اس پیغام کو مزید مضبوط کرتی ہے کہ سووچھتا محض ایک مہم نہیں بلکہ ایک اجتماعی ذمہ داری اور طرز زندگی ہے۔ ان کا تعاون جن بھاگیداری کے جذبے کی عمدہ مثال ہے اور سووچھ بھارت اور وکست بھارت کے وسیع تر وژن کو مزید تقویت دیتا ہے۔

****

) ش ح ۔م م۔م ذ)

U.No. 4104

(ریلیز آئی ڈی: 2315009) وزیٹر کاؤنٹر : 8