لکھنؤ ، اتر پردیش کے جناب آشیش کمار سنگھ پر  سیاسیات کے مضمون میں پی ایچ ڈی کرنے سے کافی مالی دباؤ پڑا ۔   ان کے خاندان کے لیے ٹیوشن ، کتابیں ، رہائش ، انٹرنیٹ تک رسائی اور تحقیقی اخراجات پورا کرنا مشکل تھا ۔ درج فہرست ذاتوں کے  لئے قومی  فیلو شپ( این ایف ایس سی) نے انہیں زیادہ مالی استحکام کے ساتھ اپنی تحقیق جاری رکھنے اور اپنے تعلیمی اہداف پر توجہ مرکوز کرنے میں مدد کی ہے ۔

29 سالہ جناب آشیش کمار سنگھ کو اپریل 2024 سے درج فہرست ذاتوں کے  طلباء کے لئے قومی  فیلو شپ (این ایف ایس سی) کے تحت مالی تعاون مل رہا ہے ۔

فیلوشپ حاصل کرنے سے پہلے ، وہ تعلیمی اور رہائشی اخراجات کو پورا کرنے کے لیے اپنے خاندان پر انحصار کرتے تھے ۔ محدود وسائل نے ان کی تحقیقی مواد اور تعلیمی سرگرمیوں تک رسائی کو محدود کر دیاتھا ، جبکہ مالی غیر یقینی صورتحال نے ان کی مکمل توجہ ڈاکٹریٹ کے کام پر مرکوز کرنا مشکل بنا دیا ۔

این ایف ایس سی کے تحت ، انہیں فیلوشپ اور مکان کے کرائے کے  الاؤنس کے طور پر 26  مہینے کے لئے   ماہانہ  44,400 روپے مل رہے ہیں ۔ اس کے علاوہ  کنٹی جینسی  تعاون  الگ سے ملتا ہے ۔ اس مالی مدد سے انہیں کتابیں خریدنے ، آن لائن وسائل تک رسائی ، سیمینارز اور کانفرنسوں میں شرکت ، اور تحقیق سے متعلق نیز روزمرہ کے اخراجات کو پورا کرنے میں مدد ملی ہے ۔

جناب آشیش کمار سنگھ نے تشکر کا اظہار کرتے ہوئے کہا  کہ "این ایف ایس سی فیلوشپ نے میرا مالی بوجھ کم کردیا  ہے اور مجھے اپنی پی ایچ ڈی تحقیق پر توجہ مرکوز کرنے میں مدد کی ہے ۔"

اس مالی مدد نے ان کے خاندان کا بھی مالی بوجھ کم کیا ہے اور ان کی آزادی اور اعتماد کو مضبوط کیا ہے ۔ کم مالی دباؤ کے ساتھ, وہ اپنی پی ایچ ڈی کے لئے زیادہ وقت  دے سکتے ہیں اور مستقبل میں تعلیم اور عوامی خدمت میں مزید مواقع کے لئے تیاری کرسکتے ہیں۔

ڈاکٹریٹ مکمل کرنے کے بعد آشیش کو اسسٹنٹ پروفیسر کے طور پر کسی سرکاری ادارے میں  ملازمت ملنے  کی امید ہے ۔ وہ مسا بقتی امتحانات میں بھی دلچسپی رکھتے ہیں ، جن میں اتر پردیش پبلک سروس کمیشن کے ذریعے کرائے جانے والے امتحانات بھی شامل ہیں ۔ ان کے اس سفر سے پتہ چلتا ہے کہ کس طرح فیلوشپ  کا تعاون پسماندہ طبقات کے اسکالرز کو اعلی تعلیم جاری رکھنے اور اپنے عزائم کی طرف آگے بڑھنے میں مدد کر سکتا ہے ۔

*****

ش ح۔م ع ۔ ق ر

U N-4095

(ریلیز آئی ڈی: 2314990) وزیٹر کاؤنٹر : 6