وزارتِ ثقافت، حکومتِ ہند کی سرپرستی میں کلاکشیترا فاؤنڈیشن کے زیرِ اہتمام 17ویں کتھکلی فیسٹیول کا آج چنئی کے ترووانمیور میں واقع بھارت کلاکشیترا آڈیٹوریم میں افتتاح کیا گیا۔

تین روزہ فیسٹیول کا موضوع ’’کتھا رس سنگم — کہانیوں کے جوہر کا سنگم‘‘ ہے۔ اس فیسٹیول میں کتھکلی کے تین ممتاز ادارے — سدنم اکیڈمی، کیرالہ کلامنڈلم اور مارگی تھیٹر — شرکت کر رہے ہیں اور 18 سے 20 ستمبر 2026 تک اپنی تین منفرد پیشکشیں پیش کریں گے۔

آج شام 5:45 بجے منعقد ہونے والی افتتاحی تقریب میں وزارتِ ثقافت کے جوائنٹ سکریٹری جناب کے۔ کے۔ مشرا، آئی۔ آر۔ ٹی۔ ایس۔، مہمانِ خصوصی تھے۔ اس موقع پر کلاکشیترا فاؤنڈیشن کے ڈائریکٹر جناب سریش کمار چکّلا بھی موجود تھے۔

فیسٹیول کا آغاز سدنم اکیڈمی کی پیش کردہ ’’مندودری‘‘ سے ہوا۔ رامائن پر مبنی یہ پیشکش راون کی زندگی کے آخری لمحات اور اس کی موت پر مندودری کے ردِعمل کو پیش کرتی ہے۔

19 ستمبر کو کیرالہ کلامنڈلم کی جانب سے ’’دی اولڈ مین اینڈ دی سی‘‘ پیش کیا جائے گا، جو ارنسٹ ہیمنگوے کے معروف ناول کی کتھکلی انداز میں پیش کش ہے۔ اس پیشکش میں کہانی کے مرکزی کردار، ماہی گیر سانتیاگو کی ثابت قدمی، عزم اور جدوجہد کو پیش کیا گیا ہے۔

فیسٹیول کا اختتام 20 ستمبر کو مارگی تھیٹر کی پیش کردہ ’’رُگمانگدا چریتھم‘‘ کے ساتھ ہوگا۔ اس پیشکش میں راجا رُگمانگدا کی عقیدت اور اس کے ایمان و ایکادشی کے ورت کی پابندی کے امتحان کو پیش کیا گیا ہے۔

فیسٹیول کے ایک حصے کے طور پر تینوں دن صبح 9:00 بجے سے 10:30 بجے تک رکمنی ارنگم میں لیکچر اور عملی مظاہرے منعقد کیے جائیں گے، جس کے بعد کلاکشیترا فاؤنڈیشن کے طلبہ کی جانب سے کتھکلی کی پیشکشیں پیش کی جائیں گی۔

رکمنی دیوی ارونڈیل کے ذریعے 1936 میں قائم کی گئی کلاکشیترا فاؤنڈیشن نے ہندوستان کے کلاسیکی فنون اور روایتی ثقافتی ورثے کے تحفظ، مشق اور فروغ میں اہم کردار ادا کیا ہے۔ اس فاؤنڈیشن نے بھرت ناٹیم کی ترقی اور پیش کش میں نمایاں تعاون کیا ہے اور تعلیم و فنون کی پیش کش کے ذریعے روایتی موسیقی، رقص اور دست کاری کی روایات کو اگلی نسلوں تک منتقل کرنے میں بھی معاونت کی ہے۔

فیسٹیول کا مقام:

بھارت کلاکشیترا آڈیٹوریم

کلاکشیترا فاؤنڈیشن

ترووانمیور، چنئی — 600041

***

ش ح۔ ش ا ر۔ ول

Uno-3678

(ریلیز آئی ڈی: 2312329) وزیٹر کاؤنٹر : 11