یوتھ افیئرز اور اسپورٹس کی مرکزی وزیر مملکت محترمہ رکشا کھڈسے نے سالٹ لیک، کولکتہ میں اسپورٹس اتھارٹی آف انڈیا(ایس اے آئی) کے ریجنل سینٹر کا دورہ کیا اور وہاں موجود کھیلوں کے بنیادی ڈھانچے، کھلاڑیوں کی ترقی کی سہولیات اور معاون نظام کا جائزہ لیا۔

دورے کے دوران، محترمہ رکشا کھڈسے نے نیتا جی سبھاش کے مجسمے پر گلہائے عقیدت پیش کیے اور اس کے بعد ہاکی کے میدان کا دورہ کیا، جہاں انہوں نے ٹرینیز اور کوچز سے بات چیت کی اور ان کی تربیت، سہولیات اور مسابقتی ضروریات کے بارے میں رائے لی۔ انہوں نے جمناسٹک اور ٹیبل ٹینس کے لیے انڈور سہولیات کا بھی دورہ کیا اور کھلاڑیوں اور کوچز سے بات چیت کی۔

 

محترمہ کھڈسے نے اسپورٹس سائنس کے شعبے کا دورہ کیا اور اسپورٹس سائنس کے عملے سے بات چیت کرتے ہوئے کھلاڑیوں کی ترقی، کنڈیشننگ، بحالی (ریکوری) اور کارکردگی میں بہتری کے لیے سائنسی تعاون کے کردار کا جائزہ لیا۔ اس بات چیت میں اسپورٹس اتھارٹی آف انڈیاکے سینئر حکام، بشمول ریجنل ڈائریکٹر ( کولکتہ)جناب سبانند مشرا، اولمپین محترمہ سوما بسواس اور محترمہ پولامی گھٹک، ریجنل ڈائریکٹر (مائی بھارت) جناب دیو کمار چٹرجی، اور انڈین ویمنز رگبی ٹیم کی ارکان شامل تھیں۔ انہوں نے معیاری کوچنگ اور باقاعدہ مقابلوں میں شرکت کے ساتھ ساتھ اسپورٹس سائنس، غذائیت، بحالی اور کارکردگی میں معاونت کو یکجا کرنے کی اہمیت پر زور دیا۔

وزیر موصوفہ نے 300 بستروں پر مشتمل نئےکھیلو انڈیا ہاسٹل کا بھی معائنہ کیا اور کھلاڑیوں کے لیے تیار کیے جانے والے رہائشی اور معاون بنیادی ڈھانچے کا جائزہ لیا۔ اس کے بعد انہوں نے تیر اندازی کے میدان اور ایتھلیٹکس کی سہولیات کا دورہ کیا، کوچز اور ٹرینیز سے بات چیت کی اور ان کی تربیتی ضروریات کا جائزہ لیا۔

 

سہولیات کے معائنے کے بعد، محترمہ رکشا کھڈسے نے اسپورٹس اتھارٹی آف انڈیا حکام کے ساتھ ریجنل سینٹر کے کام کاج (بشمول کھلاڑیوں کی ترقی، بنیادی ڈھانچے، کوچنگ، اسپورٹس سائنس اور معاون نظام) پر ایک جائزہ اجلاس کی صدارت کی۔ انہوں نے نچلی سطح پر کھیلوں کے مواقع کو مضبوط بنانے اور نوجوان کھلاڑیوں کے لیے مقابلے کی اعلیٰ سطحوں تک پیش قدمی کرنے کے لیے بہتر راستے تیار کرنے میں  اسپورٹس اتھارٹی آف انڈیاکی جانب سے مسلسل تعاون کا یقین دلایا۔

 

محترمہ کھڈسے نے اس بات پر زور دیا کہ مغربی بنگال کی بھرپور کھیلوں کی ثقافت اور ٹیلنٹ بیس کو معیاری انفراسٹرکچر، سائنسی تربیت، معیاری کوچنگ اور زیادہ مسابقتی نمائش کے ذریعے مزید مضبوط کیا جا سکتا ہے۔ انہوں نے اس بات کو یقینی بنانے کی اہمیت پر روشنی ڈالی کہ نوجوان کھلاڑیوں کو کھیلوں کی عمدہ کارکردگی کو آگے بڑھانے کے لیے درکار سہولیات، تربیت اور سپورٹ سسٹم تک رسائی حاصل ہے۔

 

 اسپورٹس اتھارٹی آف انڈیاکولکتہ کے بارے میں

 

ایس اے آئی ایسٹرن ریجنل سینٹر مغربی بنگال، بہار، جھارکھنڈ، اوڈیشہ، تریپورہ اور انڈمان اور نکوبار جزائر میں  اسپورٹس اتھارٹی آف انڈیا اسکیموں کو نافذ کرنے اور ان کی نگرانی کے لیے ایک اہم علاقائی مرکز کے طور پر کام کرتا ہے۔ مرکز کے پاس کھیلوں کا وسیع انفراسٹرکچر ہے جس میں ہاکی اور فٹ بال کے میدان، تیر اندازی کا میدان، ایک 400 میٹر کا مصنوعی ایتھلیٹکس ٹریک، سوئمنگ پول، باسکٹ بال اور والی بال کورٹس کے ساتھ ساتھ جمناسٹک اور ٹیبل ٹینس کے لیے اندرونی سہولیات بھی شامل ہیں۔ اس میں رہائشی ہاسٹل اور ایک وقف اسپورٹس سائنس سینٹر بھی ہے۔

***

(ش ح۔اص)

UR No 3749

(ریلیز آئی ڈی: 2311679) وزیٹر کاؤنٹر : 4