قومی انسانی حقوق کمیشن (این ایچ آر سی)، ہندوستان نے ایک میڈیا رپورٹ کا ازخود نوٹس لیا ہے، جس میں بہار کے مظفرپور ضلع میں سیپٹک ٹینک کے اندر دم گھٹنے سے دو کارکنوں کی موت کی اطلاع دی گئی ہے۔ بتایا گیا ہے یہ واقعہ 14 ستمبر 2026 کو سکندرپور تھانہ علاقے میں پیش آیا۔

کمیشن نے کہا ہے کہ اگر میڈیا رپورٹ کے مندرجات درست ہیں تو یہ انسانی حقوق کی خلاف ورزی کے حوالے سے سنگین سوالات اٹھاتے ہیں۔ اس لیے کمیشن نے بہار کے چیف سکریٹری، مظفرپور کے ضلع مجسٹریٹ اور سینئر سپرنٹنڈنٹ آف پولیس کو نوٹس جاری کرتے ہوئے دو ہفتوں کے اندر اس معاملے پر تفصیلی رپورٹ پیش کرنے کی ہدایت دی ہے۔ توقع ہے کہ رپورٹ میں تحقیقات کی صورتِ حال اور مرنے والے کارکنوں کے لواحقین کو فراہم کیے گئے معاوضے، اگر کوئی ہو، کی تفصیلات شامل ہوں گی۔

15 ستمبر 2026 کو شائع ہونے والی میڈیا رپورٹ کے مطابق، واقعے کے وقت کارکن سیپٹک ٹینک سے شٹرنگ ہٹانے کا کام کر رہے تھے۔ اس معاملے کی تحقیقات کی جا رہی ہیں کہ آیا کسی حفاظتی پروٹوکول کی خلاف ورزی ہوئی تھی۔

***

UR-3674

(ش ح۔اس ک  )

(ریلیز آئی ڈی: 2311133) وزیٹر کاؤنٹر : 10