ہاؤسنگ اور شہری امور کی وزارت اپنے منسلک/ماتحت دفاتر اور سرکاری شعبے کے اداروں کے اشتراک سے 2 اکتوبر 2026 سے 31 اکتوبر 2026 تک منعقد ہونے والی خصوصی مہم 6 میں فعال طور پر شرکت کرے گی۔ اس مہم کا مقصد سرکاری دفاتر میں سوچھتا کو ادارہ جاتی شکل دینا اور زیرِ التوا معاملات کو کم کرنا ہے۔ خصوصی مہم 6 دو مرحلوں میں منعقد کی جائے گی — تیاری کا مرحلہ (15 سے 30 ستمبر 2026) اور عمل درآمد کا مرحلہ (2 سے 31 اکتوبر 2026)۔

اس سال کی مہم میں ای ویسٹ (الیکٹرانک کچرے) کی مؤثر جمع آوری، علیحدگی اور تلفی پر خصوصی توجہ دی جائے گی اور اس سلسلے میں ای ویسٹ (انتظام) قواعد 2022 کے رہنما خطوط کی سختی سے پابندی کی جائے گی۔ ای ویسٹ کی تلفی کے ساتھ ساتھ اس مہم کے تحت اراکین پارلیمنٹ کے حوالہ جات، ریاستی حکومتوں سے موصولہ حوالہ جات، بین وزارتی مراسلات، پارلیمانی یقین دہانیوں، پی ایم او سے موصولہ حوالہ جات، عوامی شکایات اور عوامی شکایات سے متعلق اپیلوں سے متعلق زیرِ التوا معاملات کو بروقت نمٹانے کو بھی یقینی بنایا جائے گا۔

سوچھ بھارت کے وژن اور سرکاری دفاتر میں عوام کے تجربے کو بہتر بنانے کے مقصد سے اس سال مہم کے دوران خدمات کی فراہمی کے ذمہ دار فیلڈ/ بیرون مقام دفاتر پر بھی توجہ مرکوز کی جائے گی۔ سی پی ڈبلیو ڈی اور این بی سی سی جیسے اداروں نے بیرونی صفائی ستھرائی کی مہمات، عمارتوں کی تزئین و آرائش اور ای ویسٹ کے انتظام سے متعلق بیداری پیدا کرنے کی سرگرمیوں کے لیے مکمل تعاون کی یقین دہانی کرائی ہے۔

                                               **************

 

 

ش ح۔ ف ش ع

                                                                                                                                       U: 3669

 

 

                                                                                                               

(ریلیز آئی ڈی: 2311123) وزیٹر کاؤنٹر : 5