سستی اور قابل رسائی مالی سہولتوں تک محدود رسائی اکثر دیہی علاقوں کے نوجوانوں کو چھوٹے کاروبار کو وسعت دینے اور اپنی معاشی حالت بہتر بنانے سے روک دیتی ہے۔ بروقت ادارہ جاتی تعاون خواہش مند کاروباری افراد کو اپنے کاروبار کو مستحکم کرنے، آمدنی بڑھانے اور خود انحصار بننے میں مدد دے سکتا ہے۔

تمل ناڈو کے دھرم پوری ضلع کے پیریام پٹی گاؤں کے 22 سالہ رہائشی جناب سوندَر نے این ایس ایف ڈی سی کی ایم ایس ایم ای لون اسکیم کے تحت 2 لاکھ روپے کی مالی امداد حاصل کرکے اپنی معاشی حالت بدل دی۔ انہوں نے ایک کریانہ اسٹور قائم کیا اور قرض کی واپسی کے بعد اپنی ماہانہ آمدنی تقریباً 17 ہزار روپے سے بڑھا کر 23 ہزار روپے کرلی۔

مالی امداد حاصل کرنے سے قبل جناب سوندَر کی ماہانہ آمدنی تقریباً 17 ہزار روپے تھی۔ اگرچہ وہ اپنے کاروبار کو وسعت دینے کے لیے پُرعزم تھے، لیکن محدود مالی وسائل کی وجہ سے وہ کاروبار کے بنیادی ڈھانچے اور مطلوبہ اسٹاک میں سرمایہ کاری نہیں کر پا رہے تھے، جس سے ان کی آمدنی بڑھانے کی صلاحیت متاثر ہورہی تھی۔

 

نیشنل شیڈیولڈ کاسٹس فنانس اینڈ ڈیولپمنٹ کارپوریشن کی ایم ایس ایم ای لون اسکیم کے تحت 2 لاکھ روپے کی مالی امداد نے انہیں کریانہ اسٹور قائم کرنے کے لیے درکار سرمایہ فراہم کیا۔ اس تعاون سے وہ اپنے کاروبار کو مستحکم کرنے اور روزگار کا زیادہ پائیدار ذریعہ قائم کرنے میں کامیاب ہوئے۔

اسٹور قائم ہونے کے بعد قرض کی واپسی کے بعد ان کی ماہانہ آمدنی بڑھ کر تقریباً 23 ہزار روپے ہوگئی۔ آمدنی میں اس اضافے سے ان کے خاندان کی معاشی حالت بہتر ہوئی اور روزمرہ کی ضروریات پوری کرنا آسان ہوگیا۔

آج جناب سوندَر ایک خود انحصار دیہی کاروباری شخص کے طور پر آگے بڑھ رہے ہیں۔ ان کا سفر ظاہر کرتا ہے کہ بروقت مالی امداد نوجوانوں کو وسائل کی کمی پر قابو پانے، پائیدار روزگار کے ذرائع قائم کرنے اور اپنی کاروباری صلاحیتوں کو عملی شکل دینے میں کس طرح مدد دے سکتی ہے۔

************

ش ح ۔   م  د ۔  م  ص

(U :  3654)

(ریلیز آئی ڈی: 2311095) وزیٹر کاؤنٹر : 5