محکمہ خوراک و رسد (ڈی ایف پی ڈی) حکومت ہند خصوصی صفائی مہم 6 کے لیے تیاری کر رہا ہے ، جو 2 اکتوبر 2026 سے 31 اکتوبر 2026 تک چلائی جائے گی ۔  یہ مہم سوچھتا کو ادارہ جاتی شکل دینے اور زیر التواء معاملات کو نمٹانے کی کوششوں کو مزید مضبوط بنانے ، ریکارڈ کا بہتر نظم ، دفتر کی جگہ کا مؤثر استعمال ، ای-ویسٹ مینجمنٹ اور مجموعی صفائی اور دفتر کے احاطے کی تزئین کاری پر توجہ مرکوز کرے گی ۔

محکمہ خوراک  و رسد نے 2021 سے 2024 تک منعقد ہونے والی خصوصی مہمات 1.0 سے 4.0 کے دوران کیے جانے والے اقدامات کی بنیاد پر خصوصی مہم 5.0 کو کامیابی کے ساتھ مکمل کیا ہے ۔  اس مہم میں سوچھتا کو بہتر بنانے اور زیر التواء معاملوں کو نمٹانے پر توجہ مرکوز کی گئی جس میں صفائی ستھرائی ، خالی جگہ کے نظم ، ریکارڈ مینجمنٹ اور مختلف زمروں کےمعاملوں کو نمٹانے پر خصوصی زور دیا گیا ۔

مورخہ 2 اکتوبر سے 31 اکتوبر 2025 تک منعقدہ خصوصی مہم 5.0 کے دوران ، کل 1,23,853 فائلوں کو ضائع کیا گیا، 49,830 مربع فٹ جگہ خالی کی گئی اور 1.67 کروڑ روپے کی آمدنی حاصل ہوئی ۔

محکمہ نے خصوصی مہم کی مدت ختم ہونے کے بعد بھی سوچھتا اور وسائل کے مؤثر استعمال کے لیے اپنی کوششیں جاری رکھیں۔ نومبر 2025 سے اگست 2026 کے دوران پرانی فائلوں کو چھانٹ کر غیر ضروری فائلیں تلف کرنے، بے کار اشیا کی نیلامی اور غیر استعمال شدہ جگہوں کی صفائی کے ذریعے 72,577 مربع فٹ رقبہ خالی کرایا گیا۔ اس مدت کے دوران بے کار اشیا کو ٹھکانے لگانے سے 25.95 لاکھ روپے کی آمدنی حاصل ہوئی۔

اس کے علاوہ ، نومبر 2025 سے اگست 2026 تک ڈی او ایف اینڈ پی ڈی اور اس کی تنظیموں کے مختلف دفاتر اور مقامات پر 1,493 صفائی مہم چلائی گئی ۔  ان اقدامات سے صاف ستھرا ، زیادہ مؤثر اور کام کا منظم ماحول برقرار رکھنے کے لیے محکمہ کے عزم کو تقویت ملی ہے ۔

زیر التواء معاملوں ، پرانے ریکارڈ ، غیر استعمال شدہ جگہ اور ای-ویسٹ کونمٹانے کے لیے خصوصی مہم 6

خصوصی مہم 6 کےضمن میں، محکمہ خوراک و رسد نے مہم کے کلیدی پیرامیٹرز کا احاطہ کرتے ہوئے متعدد سرگرمیوں کا منصوبہ بنایا ہے ، جس میں زیر التواء معاملوں کا تصفیہ ، ریکارڈ کا بہتر نظم ، خالی جگہ کا نظم ، ای-ویسٹ کا اتلاف، صفائی ستھرائی اور دفتر کے احاطے کی تزئین کاری کی سرگرمیاں شامل ہیں ۔  خصوصی مہم 6 کے ذریعے ، ڈی ایف پی ڈی اپنے دفاتر اور تنظیموں میں سوچھتا ، کارکردگی اور سرکاری وسائل کے مؤثر نظم کے کلچر کو فروغ دینے کے لیے اپنی کوششیں جاری رکھے گا ۔

*******

 

) ش ح – م ش ع-  ش ہ ب )

U.No. 3638

 

(ریلیز آئی ڈی: 2311037) وزیٹر کاؤنٹر : 4