قومی راجدھانی خطہ اور ملحقہ علاقوں میں فضائی معیار کے انتظام کے کمیشن (سی اے کیو ایم) کی نفاذی ٹاسک فورس (ای ٹی ایف) کی 139ویں میٹنگ 14 ستمبر 2026 کو منعقد ہوئی۔ میٹنگ میں 24 اگست 2026 سے 7 ستمبر 2026 تک کی رپورٹنگ مدت کے دوران قومی راجدھانی خطہ (این سی آر) میں نفاذی کارروائیوں، معائنوں اور ضوابط کی تعمیل کی صورتحال کا جائزہ لیا گیا۔ اطلاع دینے کی 15 روزہ مدت کے دوران مجموعی طور پر 150 معائنوں کی اطلاع دی گئی، جن میں تعمیرات اور انہدام (سی اینڈ ڈی) کے مقامات کے 7 معائنے، صنعتی شعبے کے 98 معائنے اور ڈیزل جنریٹر (ڈی جی) سیٹ سے متعلق 45 معائنے شامل ہیں۔

رپورٹنگ مدت کے دوران 3 ستمبر 2026 کو ہریانہ کے نوح میں خصوصی معائنہ مہم چلائی گئی۔ کمیشن کی فلائنگ اسکواڈ کی آٹھ ٹیموں نے ضلع انتظامیہ اور پولیس کے اہلکاروں اور ہریانہ ریاستی آلودگی کنٹرول بورڈ (ایچ ایس پی سی بی) کے افسران کے ساتھ مل کر مجموعی طور پر 35 مقامات کا معائنہ کیا۔ ان میں سے 13 مقامات پر ضوابط کی تعمیل پائی گئی، جبکہ 7 یونٹس بند ملے، جن کا متعلقہ ریاستی آلودگی کنٹرول بورڈ کی جانب سے دوبارہ معائنہ کیا جائے گا۔ تجویز کردہ کارروائیوں میں ایک معاملے میں ذاتی سماعت، ایک معاملے میں ڈی جی سیٹ کو سیل کرنا، 7 معاملات میں احکامات جاری کرنا اور 6 معاملات میں ماحولیاتی معاوضہ (ای سی) عائد کرنا شامل ہے۔

متعلقہ شعبوں کی جانب سے رپورٹ کی گئی خلاف ورزیوں کی بنیاد پر درج معاملات میں کارروائی کی تجویز دی گئی ہے۔ ان میں 3 تعمیراتی و انہدامی منصوبوں اور ایک صنعتی یونٹ کو بند کرنا، تعمیراتی و انہدامی مقامات، صنعتی یونٹس اور دیگر یونٹس میں مجموعی طور پر 25 ڈی جی سیٹ کو سیل کرنا شامل ہے۔ اس کے علاوہ تعمیل کے لیے ایک تعمیراتی و انہدامی معاملے، 2 صنعتی معاملات اور 10 ڈی جی سیٹ سے متعلق 3 معاملات میں احکامات/ہدایت جاری کرنے کی تجویز ہے۔ 2 صنعتی معاملات میں ماحولیاتی معاوضہ (ای سی) بھی تجویز کیا گیا ہے۔ دیگر معاملات میں مناسب کارروائی کے لیے پروجیکٹ کے ذمہ دار افراد کو خطوط جاری کرنا، دوبارہ معائنہ اور قانونی کارروائی شامل ہے، جبکہ قابل اطلاق صورت میں معاملات کو مرکزی آلودگی کنٹرول بورڈ (سی پی سی بی) کو بھیجا جائے گا۔

ای ٹی ایف کی گزشتہ میٹنگ کے بعد جاری کیے گئے دوبارہ کام شروع کرنے کے احکامات کی صورتحال کا بھی جائزہ لیا گیا۔ 10 ستمبر 2026 تک گزشتہ ای ٹی ایف میٹنگ کے بعد مجموعی طور پر 6 دوبارہ کام شروع کرنے کے احکامات جاری کیے گئے، جن میں ایک صنعتی یونٹ اور 5 تعمیراتی و انہدامی مقامات شامل ہیں۔ ریاست کے لحاظ سے ہریانہ میں 3 اور اتر پردیش میں 3 دوبارہ کام شروع کرنے کے احکامات جاری کیے گئے۔

14 ستمبر 2026 تک نفاذکی کارروائی کی تازہ مجموعی صورتحال کا بھی جائزہ لیا گیا۔ کمیشن کی فلائنگ اسکواڈ نے اب تک این سی آر میں 28,547 یونٹس، منصوبوں اور اداروں کا معائنہ کیا ہے۔ ان معائنوں کی بنیاد پر 1,829 یونٹس/اداروں کو بند کرنے کے احکامات جاری کیے گئے، جن میں سے تعمیل کی تصدیق کے بعد 1,479 دوبارہ کام شروع کرنے کے احکامات جاری کیے جا چکے ہیں۔ مزید 126 معاملات کو حتمی فیصلے کے لیے متعلقہ ریاستی آلودگی کنٹرول بورڈز (ایس پی سی بی) یا دہلی آلودگی کنٹرول کمیٹی (ڈی پی سی سی) کو منتقل کیا گیا ہے، جبکہ 224 اداروں کے معاملات دوبارہ کام شروع کرنے کے احکامات جاری کرنے کے لیے زیر غور ہیں۔

کمیشن نے مقررہ ضوابط کے مؤثر نفاذ کے لیے نفاذکی کارروائیوں کو مسلسل مضبوط بنانے، ضوابط کی تعمیل کی بروقت تصدیق اور عمل درآمد کرنے والی ایجنسیوں کے درمیان قریبی تال میل کی ضرورت پر زور دیا۔ کمیشن نے صنعتی یونٹس، تعمیرات و انہدام کی سرگرمیوں اور ڈی جی سیٹس سمیت ترجیحی شعبوں میں فوری نفاذکی کارروائی، ضوابط کی سخت نگرانی اور مسلسل معائنوں کی بھی ہدایت دی، تاکہ این سی آر میں فضائی آلودگی کو مؤثر طریقے سے کم کیا جا سکے۔

***

( ش ح ۔ ک ح ۔ م ا (

U. No. 3589

(ریلیز آئی ڈی: 2310574) وزیٹر کاؤنٹر : 5