حوصلہ، بروقت تعاون اور مواقع تک رسائی سے اسکالرز کو اعتماد کے ساتھ اپنی تعلیمی امنگوں کو آگے بڑھانے میں مدد مل سکتی ہے۔ کم متوسط آمدنی والے خاندانوں سے تعلق رکھنے والے محققین کے لیے فیلوشپ کی مالی معاونت ڈاکٹریٹ کی تعلیم اور بامعنی تحقیق پر توجہ مرکوز رکھنے کے لیے ضروری مالی استحکام فراہم کر سکتی ہے۔

درج فہرست ذات کے طلبہ کے لیے قومی فیلوشپ اسکیم (این ایف ایس سی) کے مثبت اثرات کی مثال پیش کرتے ہوئے، جنوب مشرقی دہلی کی 32 سالہ اسکالر ببلی اپنی تعلیمی زندگی بنانے اور مفید تحقیقی نتائج حاصل کرنے کے اپنے مقصد کے لیے مسلسل کام کر رہی ہیں۔ اس فیلوشپ سے ان کے اعتماد میں اضافہ ہوا ہے اور انہیں اعلی تعلیم حاصل کرنے کے اپنے سفر میں مدد ملی ہے۔

این ایف ایس سی اسکیم کے تحت مدد ملنے سے پہلے ببلی کو مالی مشکلات کا سامنا تھا، جس کی وجہ سے ان کے لیے اپنی تعلیمی خواہشات کو پورا کرنا مشکل ہو رہا تھا۔ کم متوسط آمدنی والے خاندان سے تعلق رکھنے کی وجہ سے انہیں تعلیم اور تحقیق کے میدان میں اپنا کیریئر بنانے کے دوران مالی مسائل کا سامنا کرنا پڑا۔

ان مالی مشکلات کی وجہ سے اسے تعلیم اور سماجی زندگی میں بھی کئی رکاوٹوں کا سامنا کرنا پڑا۔ مسلسل مالی وسائل کی ضرورت کے باعث اس کے لیے ڈاکٹریٹ کی تحقیق کو مستقل طور پر جاری رکھنا اور بہتر تعلیمی نتیجہ پر پوری توجہ دینا مشکل تھا۔

ان چیلنجوں کے باوجود، ببلی اپنی تعلیمی امنگوں کے لیے پرعزم رہیں ۔ اس کا مقصد تعلیمی شعبے میں اپنا کیریئر بنانا اور تحقیق کے ذریعے تعاون کرنا تھا، جو اعلیٰ تعلیم کے ذریعے ترقی کے لیے اس کے عزم کی عکاسی کرتا ہے۔

جنوری 2021 میں ببلی کو این ایف ایس سی اسکیم کے تحت امداد ملنی شروع ہوئی۔ اس نے فیلوشپ، ہاؤس رینٹ الاؤنس اور ہنگامی امداد حاصل کی جس کی مالیت تقریباً 25 لاکھ روپے تھی ۔  اس امداد نے اس کے مالی چیلنجوں کو حل کیا اور اس کےپی ایچ ڈی اور تعلیمی اہداف کے حصول کے  لیے درکار استحکام فراہم کیا۔

فیلوشپ سے اہم مالی راحت ملی اور معاشی مشکلات سے وابستہ وسیع تر سماجی چیلنجوں کو کم کرنے میں مدد ملی۔ اس تعاون نے ان کے اعتماد کو مضبوط کیا اور انہیں زیادہ تحفظ اور توجہ کے ساتھ اپنے تعلیمی سفر کو جاری رکھنے کے قابل بنایا۔

این ایف ایس سی اسکیم کے تحت تعاون کے ساتھ، ببلی اپنی تعلیمی اور تحقیقی خواہشات کی طرف آگے بڑھنے میں کامیاب رہی ہے۔ اسکیم کے ذریعے فراہم کردہ مالی استحکام نے اسے اپنے پیشہ ورانہ اعتماد کو مضبوط کرتے ہوئے اپنے طویل مدتی مقاصد پر توجہ مرکوز رکھنے میں مدد کی ہے۔

*****

(ش ح۔ع و۔ ن ع)

U- 3260