صحت یابی کا ہر سفر ہمت ، امید اور مثبت تبدیلی کو اپنانے کی آمادگی سے شروع ہوتا ہے ۔ بروقت دیکھ بھال اور مستقل مدد کے ساتھ ،منشیات کی لت سے متاثر افراد اپنی فلاح و بہبود کی تعمیر نو کر سکتے ہیں ، اعتماد دوبارہ حاصل کر سکتے ہیں اور ایک بامقصد مستقبل کی طرف بڑھ سکتے ہیں ۔

نکھل ایچ (بدلا ہوا نام) کیرالہ کے پٹھانمتھیٹا ضلع کا 30 سالہ رہائشی ، ایک پرعزم فرد ہے جس نے ہمیشہ مستحکم روزگار حاصل کرنے ، مالی طور پر خود مختار ہونے اور اپنے خاندان کے لیے بہتر مستقبل کی تعمیر کی خواہش کی ہے ۔ ہائی اسکول کی سطح تک تعلیم یافتہ اور جز وقتی کام میں مصروف ، وہ کم عمری سے ہی مشکل تجربات کا سامنا کرنے کے باوجود اپنے حالات کو بہتر بنانے کے لیے پرعزم رہا ۔

نکھل نے اپنے والد کو کھو دیا جب وہ صرف چار سال کا تھا ۔ اس کے بعد ، اس کی ماں نے خاندان کی کفالت کی ذمہ داری سنبھالی ۔ ماں  کی استقامت اور لگن کو دیکھ کر اس میں ذمہ داری کا مضبوط احساس پیدا ہوا اور اسے خاندان کی فلاح و بہبود میں تعاون کرنے کی ترغیب ملی ۔ تاہم ، اس کے ذاتی سفر میں منشیات کی لت کے سبب  چیلنجز پیدا ہوئے ، جس سے اس کی صحت اور مجموعی معیار زندگی متاثر ہوئی ۔

 

 

مدد کی ضرورت کو تسلیم کرتے ہوئے نکھل نے نیشنل ایکشن پلان فار ڈرگ ڈیمانڈ ریڈکشن (این اے پی ڈی ڈی آر) کے تحت پٹھانمتھیٹا میں گاندھی بھون انٹیگریٹڈ ری ہیبلیٹیشن سینٹر فار ایڈکٹس (آئی آر سی اے) سے مدد حاصل کی ۔ 17 مئی 2025 سے شروع کرتے ہوئے ، اسی سینٹر میں رہ کر نشے کامفت علاج فراہم کیا گیا نیز نفسیاتی مشاورت اور بحالی کی مدد فراہم کی گئی ۔

مرکز میں منظم اور معاون ماحول نے نکھل کو منشیات کی لت سے وابستہ  چیلنجوں سے نمٹنے کے قابل بنایا ۔ باقاعدہ مشاورت ، پیشہ ورانہ رہنمائی اور ادارہ جاتی دیکھ بھال نے انہیں اس لت سے نپٹنے کا صحت مند طریقہ کار تیار کرنے ، دوبارہ اعتماد بحال کرنے اور صحتیابی کی طرف مستحکم پیش رفت کرنے میں مدد کی ۔

آج نکھل کامیابی کے ساتھ اپنی صحت یابی کو برقرار رکھے ہوئے ہے اور اب بھی دوبارہ  اس لعنت کا شکار ہونے سے آزاد ہے ۔ اس کا سفر اس کے مضبوط عزم اور مثبت تبدیلی کو اپنانے کی آمادگی کی عکاسی کرتا ہے ۔ نئے اعتماد اور بہتر فلاح و بہبود کے ساتھ ، وہ مستحکم روزگار حاصل کرنے ، مالی آزادی حاصل کرنے اور اپنے اور اپنے کنبے کے لیے ایک مکمل مستقبل کی تعمیر کے لیے پر امید ہے ۔

نکھل کی تبدیلی سے یہ ظاہر ہوتا ہے کہ کس طرح این اے پی ڈی ڈی آر کے تحت بروقت علاج ، رحم دلانہ مشاورت اور بحالی  وصحتیابی میں مستقل مدد افراد کومنشیات کی لعنت پر قابو پانے اور وقار ، امید اور مقصد کے نئے احساس کے ساتھ آگے بڑھنے کے قابل بناتی ہے ۔

 

********

 (ش ح ۔ش ب  ۔ج ا )

U. No.3185

(ریلیز آئی ڈی: 2308148) وزیٹر کاؤنٹر : 9